رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

تقربيا الي كتب الموضوع دا عمرو مركب الماني خالص

رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

مش كده و النبى !!!!!!!!!!!! و لا أنتم رأيكم ايه؟؟؟؟

رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

ياجماعة والنبى هى البى ام دى محتاجة حد يقيمها ؟؟؟

دى بى ام دبليو ياجماعه

عمركم شفتوا عربية تويوتا طالعه فى فيلم اكشن امريكى متكلف مليارات ؟؟

ولو اهل الخليج بيحبوا حاجة ويكرهوا حاجة ده علشان ثقافة شعب مش مقياس يعنى

البى ام دبليو والمرسيدس دول سيارات لفئة معينة من الناس ( ليست الفئة الغنية ) انما فئة اصحاب الزوق والشياكة والقوة والسرعة والرفاهية والفخامة والثبات

دى كفاية التصميمات بتاعتها ياجماعة

وبالنسبة لسعر اعادة بيعها وقطع غيارها ( دى سياسة شركة و وكلاء ) لان بكل بساطة تقدر بى ام توفر قطع غيار كتير وبالتالى سعرها هاينزل والسيارة نفسها سعرها هايبقى فيها

انما سياسة الشركة ان دايما الموديلات القديمة تنتهى ولازم الموديل الجديد هو الى يعيش

رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

1-german
2-american
3-french-italian-japanese
4-korean
5-chinese

رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

الموضوع بسيط
التكييف اهم مكون في العربيه بالنسبه للخليج
مصدر المتعه الاول خاصه لما تكون في شهور الصيف المولع 6 و 7 و 8
التكييف ف الياباني لايعلى عليه
ومش كل الناس بتفضل تجري على 260 او تحس اوي بالعربيه
كمان تكاليف التشغيل ف الاوروبي عاليه جدا عن الياباني ودا اللي بيفرق ف اعاده البيع

رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

انا معاك ان تكييف الياباني لا يعلى عليه.....لكن من جولتي في المنتديات الخليجية وجدت مشاكل كثيرة جدا 90% منها مشاكل كهرباء وان العربية بتوقف فجأة لو الحساسات حصلها حاجة من وعورة الطرق ..من ناحية تكاليف التشغيل في الاوربي اي نعم هي غالية لكن معمرة اكثر من الياباني ..الحاجة اللي هتجنني جداااااااا ...ليه عربية زي البي ام بكل الامكانيات والتكنولوجي الرهيبة الموجودة فيها ممكن تقف منك وانت ماشي نتيجة عطل بسيط جدا...ازاي عربية غالية بنصف مليون تقف في الطريق..تخيل نفسك فس الموقف ده والناس جاية تتفرج عليك وانت مش عارف تعمل حاجة وعايز عربية تسحبها ...مش ده يأثر في الماركة وعراقتها..خلت ايه لاي عربية ب 100 الف...انا عارف ان ده سيكوريتي وان العربية لازم تقف عشان متخربش حاجة ثانية في العربية ...لكن مش ممكن عربية ياباني ب 120 الف او كوري بتتطحن شغل ومش بيحصل لها كده كمان بتقعد معاك لحد 25 سنة طحن فيها وقطع غيارها معمرة..

اللي عاوز اوصله..ان حلمي هو امتلاك بي ام موديل حديث 2007:2009 يعني هدفع دم قلبي وقلب اهلي كمان...هل المقابل بعد كل ده ان العربية توقف مني في الطريق عشان مشكلة حساس او ما شابه..ويا سلام لو كنت على سفر...يبقى في الاعتمادية يا ناس..انا هتجنن ...

وتقبلو تحياتي

رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

يا جماعة أنا هوضحلكم وجهة نظري في الموضوع.

أولا: إنتم واخدين فكرة خاطئة عن الخليجيين.

الخليجيين مش كلهم أغنياء. زي مصر برضه الفئة العظمي فقيرة (طبعا الخليجي الفقير بيكون مرتبه حوالي 2500 ريال في الشهر)

ثانيا: أسباب توجههم للياباني والتويوتا علي الأخص

1. بناءا علي خبرة سابقة حيث أن في الثمانينيات والتسعينيات كان المستوردون يستوردو السيارات الألمانية المستعملة (لرخص ثمنها) من ألمانيا رأسا وهي مخصصة للمناطق الأوروبية الباردة وبالتالي واجهت هذه السيارات مشاكل كثيرة في الخليج ذو الحرارة العالية في حين كانت التويوتا الموجودة بالخليج سيارات جديدة مصنعة خصيصا للخليج (سعرها رخيص حتي وهي جديدة) وبالتالي ساد الإعتقاد أن السيارات الألماني سيارات ذات مشاكل كثيرة.

2. عند مقارنة أسعار السيارات الألمانية المصنعة للخليج خصيصا (الجديدة) بالسيارات الألمانية ذات نفس الحجم نجد تباين رهيب في الأسعار (الكامري حجمها مقارب للفئة الخامسة بي إم) فنجد سعر الكامري يبدء من 68000 ريال والبي إم الفئة الخامسة تبدء من 215000 ريال (أسعار 2011) وهو ما لا يقدر عليه معظم الشعب الخليجي ذو التفكير البسيط الذي يقارن بين السيارات بالحجم بغض النظر عن المضمون.

3. قوة التوكيل: عبد اللطيف جميل وهو الوكيل الحصري بالسعودية بإعتبارها أكبر مدن الخليج إستهلاكا للسيارات (شريك بشركة تويوتا) تمكن من إنشاء مراكز صيانه بجميع مدن المملكة الشاسعة وبالتالي تستطيع صيانة سيارتك بأي مكان بالمملكة. في حين أن وكالات السيارات الألمانية تتواجد فقط بالمدن الكبيرة (جدة- الرياض- الدمام) وبالتالي قد تضطر للسفر بسيارتك مسافات شاسعة لإجراء الصيانة أو إصلاح عطل.

4. سهولة الإصلاح: نظرا لإنتشار التويوتا خاصة والياباني عامة نتيجة النقطة رقم واحد. بالتالي في الوقت الحالي تجد كل 100 محل يصلحون ويبيعون قطع غيار السيارات اليابانية ومحل واحد فقط يتعامل مع الألماني.

5. زيادة عدد أفراد الأسر: المجتمع الخليجي عامة تتكون أسره من العديد من الأفراد. في معظم الأحيان أكثر من زوجة والعديد من الأطفال. وبالتالي يحتاجون سيارات كبيرة وسيارات عائلية. وهو ما يقدمه اليابانيون والأمريكيون ولا يتخصص فيه الألمان. وعليه يكون هذا أحد عوامل إختيار الياباني والأمريكي وتفضيله علي الألماني.