رد: لا تصدق كل ماتسمع و لا نصف ماترى
 

الف مبروك
ربنا يديك خيرها ويكفيك شرها

رد: لا تصدق كل ماتسمع و لا نصف ماترى
 

المونديو من عربيات الزمن القديم! كانت ب 90 الف و ب 100 الف ايام ما الاكسنت ب 30 الف زيرو و الانسر ب 56 الف زيرو

رد: لا تصدق كل ماتسمع و لا نصف ماترى
 

الله يبارك فيك ياباشا
العربية مانيوال لأنى لا أثق فى الأوتوماتيك أيا كان نوع العربية و لكنى
أحترم من يخالفنى فى الرأى
ثانيا التكييف ممتاز جدا و الكمبيوتر لسة كاشف عليه يوم الجمعة الماضية و الحمدلله مفيش غلطة
اسمح لى أقو لحضرتك نصيحة بلاش الأوتوماتيك ولا فتحة السقف تفاديا لمشاكل مستقبلية لو حضرتك ناوى تقتنى العربية لمدة كبيرة
العربية أمبيرها 240 و لكن أقصى سرعة مشيت بيها 150 على الطريق الزراعى الأحد الماضى و أقسم بالله لم أجد عربية فى ثباتها و لكنى خفت جدا ليقابلنى مطب ولا حاجة
بالنسبة لقطع غيارها متوفرة فى أماكن كتيرة فى الحرفيين و ش دمشق و المحافظات و مفيش حاجة موش موجودة و موش غالية زى عربيات كتير زى الاسكودا و التويوتا و غيرها بس الميزة انها معمرة جداااااااااااا مع أسوأ استخدام
لاحظ كمان فرق السعر بين العربيات الجديد و الفورد هتلاقى الفورد أغلى بكتيييييير
لأن الأمريكان و اللى واخدين توكيل فورد فى الإتحاد الأوروبى أهم حاجة عندهم معايير الأمان و السلامة
اللى مقلل تمن العربية ثقافة شعبنا واحد جرب غلط العربية صرفت علية بقت العربية وحشة
بالنسبة لإستهلاك البنزين أنا فولت فى طنطا و رحت مطار القاهرة وقت الذروة ووقفات مستمرة و تكييف شغال و أنا راجع مشيت غلط و دخلت طريق الإسماعيلية و مشيت حوالى عشرة كيلو و انا راجع لقيت الطريق واقف نزلت من الترابة و مشيت على مطبات غريبة ورا سواقين الميكروباص علشان ادخل امام العربيات اللى واقفة واركب الدائرى و رجعت طنطا فولت لقيت العربية استهلكت ب 15 جنية بنزين مع العلم انى بمون 80 ز عمرى ماسمعت لا سقفة ولا حسيت بان الموتور بيموت منى
عدم انتشار العربية هو اللى مرخص سعرها
وأقسم بالله لو العربية جايبة ضعف تمنها موش هابيعها الا لو هاجيب مونديو بردو بس موديل 2011

رد: لا تصدق كل ماتسمع و لا نصف ماترى
 

مبروك عليك يا باشا و لو انها متأخره شويه و انا كنت عايز واحده مونديو زى بتاعتك ربنا يباركلك فيها تكون اول يد برضه و من حد نضيف بيتى ... حضرتك جبتها ازاى ؟

رد: لا تصدق كل ماتسمع و لا نصف ماترى
 

الله يبارك فى حضرتك
و جات صدفة عن طريق النت ولما رحت أتفرج مكنتش عامل حسابى إنى هاشترى لكن أخوية جرب العربية وقال لى خلص
وانا اثق فى كلامه مع انه اصغر منى بس دا مدير شركة سعودية لمستلزمات الأمن الصناعى و بيركب عربية موديل السنة
و طبعا دى ارادة ربنا

رد: لا تصدق كل ماتسمع و لا نصف ماترى
 

yaser4050
ماشاء الله ,, ربنا يباركلك فيها يا باشا :) و يخليلك أخوك و يبارك فيه :)
أنا بفكر جديا فيها ( المونديو ) ان شاء الله وكنت بسأل بتعمل صيانتها فين ميكانيكا و كهرباء؟
و بإعتبارك عشت مرحله البحث اللى انا فيها دلوفتى .. انا بشوف اعلانات لمونديو مو 2000 ؟ ايه الفرق بينها و بين ال 98 بتاعه حضرتك ؟
ومتشكر جدا و أسف على أسئلتى الكتير :)

رد: لا تصدق كل ماتسمع و لا نصف ماترى
 

أنا تحت أمرك
بالنسبة لموديل 98 زى ماحضرتك عارف ان كل ماركة سيارة لها موديل معين بيبقى ناجح جدا مثل البيجو 405 موديل 79 و اللى عرفته اثناء بحثى ان أفضل موديلات المونديو 97 و 98 لكن ممكن تفرق فى مرايات كهرباء
بالنسبة للصيانة كل التوكيلات غالية بس موش كل ميكانيكى عن تجربة يعرف يشتغل فى الفورد
هناك نوع من الميكانيكية يعمل أبوالعريف و هو مايعرفش فيها حاجة وانا رحت لتلاتة واحد حاول يحل سير الكاتينة و يغيرة و بعد ماقفل العربية لقيت 3 أجزاء حديد كبار موش عارف يركبهم فين و بعد محاولات من 9 إلى 12 مساء عرف واحد تانى قالى ماضحكش عليك ماعرفش اشتغل فيها التالت بصراحة طلع صنايعى
ومن خلا النت و موقع مصرموتورز و البحث فى جوجل عن مركز صيانة فوردمونديو عرفت عناوين وتليفونات ناس بتشتغل بس فى الفورد
الكهربا فى طنطا عندى واحد اسمه عاطف بس بجد صنايعى و طبعا طالما كهربائى بيشتغل فى السيارات الجديدة يبقى يقدر يشتغل فيها
ثم بصراحة لحد النهاردة مافيش غلطة فى أى جزء فى الكهرباء
وماحتجتش كهربائى إلا لتركيب جهاز إنذار والحمدلله
وأنا تحت أمرك فى أى استفسار