رد: "ريحت" على عربية حد قبل كده؟
 

على شان مبتعرفش تسوق روح اتعلم و بعد كده تعاله وعلى فكره باء هقول لعم على انك خبطله عربيطه فى الجراج

رد: "ريحت" على عربية حد قبل كده؟
 

بتفكرونى ليه
يا عم انا لسه جايب الالنترا 2011 زيروه وبعد ما جيبتها بكام يوم كنت نوبطجى فى المطا ورايح النوبه متاخر وزمايلى عمالين يتصلوا بيه علشان استلم منهم ويروحوا وانا عمال الف فى البارك علشان الاقى ركنه مش لاقى وفجاءة فضى مكان ورايا وجيت ارجع اذ بواحد ورايا قولتله انا بارجع وبصيت فى المرايه ملقتهوش فققمت راجع إذ بالبيه دخل من يمينى وانا ما شفتهوش المهم لمسته تقريبا وده ادق تعبير مش ريحت كمان المهم انا كمان خايف على عربيتى لسه زيرو المهم نزلت وبكل ذوق وانا كمان صايم بقوله اللى تامر بيه قالى صلحها قولتله شوف تتكلف كام وانا تحت امرك بس انا عندى نبطشيه فوق المهم الراجل معلق بدج نيابه ما شوفتهوش الا لما خلصت يا امه كنت قولتله روح واعلى ما فى خيلك اركبه لانى ما بحبش التناكه المهم من هنا لهنا قولتله نوقف حد سالت سواق تاكسى قالى اديله عشرة جنيه يغسل العربيعه واللون بتاعك هو اللى ها يكلع من عنده لان مفيش تنيه حتى فى الصاج المهم معجبهوش قلنا نحكم واحد تانى قال ما تستهلش فلوس اصلا برضه ما عجبهوش المهم وقفنا واحد ثالث قال اديله 50 جنيه وانت الخسران المهم الناس اللى كانت واقفه بتتفرج على الموضوع لما شافوه خد ال 50 جنيه قعدوا يتريقوا عليه وقالوله ابقى صلح بيها الكام خبطه اللى فى عربيتك وانت كده ظلمت الراجل المهم انا كنت مستعجل.
مرة تانيه بقى وانا خارج من نبطشيه برضه فى المطار ومش نايم وضايع وبرده نفس القصه بصيت ورا ملقتش حد قمت مدى مارشدير وجيت ارجع كانت وقفت عربيه ورايا بيجو 405 المهم ريحت عليه هو محصلهوش حاجه وانا الاكصدام بتاعى اتطبق شويه صغيرين بس بصراحه مدايقنى لحد دلوقتى لكن الراجل كان محترم ما نزلش حتى ولا بص على العربيه وقالى حصل خير ومشينا على كده
ده غير المواقف اليوميه التى لا تحصى حد ريح عليا وانا قولتله مش مشكله وهو قالى العفو اى كلام المهم من غير ما تلاقى خناقات

بس مره ديه كانت صعبه معايا 128 خارجه من الدوكو بالليل وانا ماشى بيها قام ميكروباص 30 راكب ديب ريح عليها وهو مشغول بيلم الاجره المهم الراجل نزل يبص قام لف حولين العربيه فقالى هى لسه خارجه من الدوكو قولتله من نص ساعه فضحك وقالى اللى تامر بيه قولتله ولا يهمك حصل خير - قمت رايح اغسل العربيه الواد وهو بيغسل العربيه جاى ينزلها من على المجرى بتاعة الغسيل قامت العربيه متزحلقه وكان الواد ها يموت وزنقته بين الباب وعمود المعسله المهم جت سليمه بس الباب اتعوج قولتله خير - تانى يوم بقى الصبح بدرى رايح مشوار واذ بسواق نص نقل بيجرى من جنبى على الكوبرى الصغير اللى على يمين مطلع كوبرى اكتوبر من صلاح سالم وعمال يزمر المهم الكوبر ضيق وانا مش مديله اهميه ومعدتهوش قام داخل بلطجة والفتحه ما تجيبهوش وعدى بوز العربيه بس الصندوق بتاعه كان فيه بروز قام خابط العربيه قمت نازل ضربه ما هو كفايه سماح 3 خبطات فى عربيه خارجه من الدوكو بقالها 12 ساعه المهم كان جانبى واحد صاحبى قبل ما ينزل علشان يحوش كان السواق اخد ما فيه النصيب ولسه صاحبى ماسكهالى لحد دلوقتى كل ما اجى اتكلم فى موضوع يقولى يا عم انت عامل زى القطر قبل ما بنلحق نحوش بتكون دوست اللى قدامك :)

رد: "ريحت" على عربية حد قبل كده؟
 

ههههههههههههههههههههههههه هه

انا حكيت الموقف ولاكن اللي شافوه كان بيموت من الضحك لاني معلي الكاسيت الصيني اللي تسمع فيه تامر حسني علي انه اليسا وتسمع نانسي علي انها جورج وسوف والراجل عمال بيسرخ وانا مش سامعه فاكر ان الكاسيت بيخروش


اومال لو شوفت لما دخلت في شارع في عزبة النخل والناس كلها قالتلي الحته ديه مش هتاخد عربيتك وانا صممت اني ادخلها وبقيت اخبط البيوت بالعربية من الجنبين وشوهت العربية من الجنب

رد: "ريحت" على عربية حد قبل كده؟
 

رد: "ريحت" على عربية حد قبل كده؟
 

اه الفتره اللى فاتت ريحت اكتر من مره بس كل مره انا شايف انى مش غلطان
يعنى مثلا مره ماشى فى شارع ضيق و اتجاهين و سواق ميكرباص غبى داخل فى الحاره بتاعتى شويه انا عديت من جنبه براحه و على ما خلاص هعدى منه خالص اخر العربيه عندى حك فى اخر عبيته بس انا لقيت محصلش حاجه عنده وطبعا عندى كنت متاكد ان محصلش حاجه جيب برده هههه وسكتى انا كانت مفتوحه وسالكه و هوا سكته واقفه ومكعبله سيبته و مشيت و مكنش هيعرف يجيى ورايا انا مش بهرب من التصليح لا انا معملتش كده غير لما اتاكدت ان عربيته سليمه وهوا لو كان نزل كان هيشتم ويزعق على الفاضى وانا مليش فى التعامل مع العينه الزباله دى وبرده يعنى الدنيا هتطير فيها ايه لو تنيل على عينه وفضل فى حارته
المره التانيه مثلا : جاى من شارع رئيسى على شارع فرعى و الشارع الفرعى المفروض الركنه فى جنب واحد لا الناس راكنه فى الجنب التانى والشارع اساسا ضيق وكمان واحد بغل راكن عربيته عند الناصيه والجنب التانى اللى بيوازى ليه عربيه تانيه راكنه والشارع ضيق جدا وحضرتى المفروض ادخل من بينهم ده امتحان رخصه المرور ارحم المهم وانا داخل حكيت فيه و الصراحه قولت يستاهل بقى عشان ركن فى مكان زى ده
المره تالته والاخيره لحد دلوقتى : عادى كنت ماشى بالعربيه فى شارع ضيق وكالعاده الناس راكنه فى الجنبين وانا مركز اوى على بوظ الكبوت قدام عشان محكش فى حد وهوووووب طاااااخ لقيت المرايه اللى قدام شمال حكت فى عربيه نقل كبيرا راكنه واتكسرت وبرده لانقل متأسرتش وانا مشيت
سؤالى بقى هيحصل ايه بس لو الناس التزمت و شارع الركن فيه جنب واحد يبقى يتركن فيه جنب واحد ياعم اركن جنب تانى بس لو الشارع كبير ويسيع العربيات اللى ماشى لكن شارع ضيق جدا والناس بتركن صفين ملازم عربيتهم تتخبط
وسواق الميكروباص اللى هبيدخل على الحاره التانيه مه انها اتجاه معاكس وكده كده السكه بتاعته واقفه قدام مش فاهم يعنى استفاد ايه غير ان ربنا وعده بواحد زى حك فى عربيته
حاجه تحرق الدم
انا اسف يا جماعه لو كنت منفعل شويه بس انا اساسا وانا سايق ببقى مخنوق و مشدود و اى حركه غلط بتنرفزنى والصراحه وانا بحكى المواقف بتاعتى اندمجت وحسيت انى فى العربيه وفى الشارع

رد: "ريحت" على عربية حد قبل كده؟
 

قلبى معاك والله يا أبو حميد, وخاصة فى موضوع الميكروباصات ده, وتلاقى السواق ماشى عمال ياخد غرز ضيقة من قدامك, والحارة بتاعته تقف لازم يكسر عليك, والا ميبقاش سواق ميكروباص, بس كبر دماغك, أنا بمشى فى الزحمة وأنا عمال أحلم وأسرح, واللى عايز يكسر براحته يعمل اللى هو عايزه لغاية مالشارع يتفتح وبعدها زووووووووووووووو, بطلع اللى أتعمل فيا على باقى خلق الله444546.

والركن فى الشوارع الضيقة ده موال محتاج موضوع لوحده, الشارع اللى بركن فيه فى مدينة نصر الناس بتركن فيه موازى من ناحية وعمودى من ناحية تانية, تلاقى واحد راكن عمودى وسايب بين العربية بتاعته والرصيف مسافة متر ولا حاجة, وتعدى من جنبها وأنت وحظك بقى, وأكتشفت بعد كده أنهم بيعملوا الحركة دى علشان محدش يركن صف تانى عليهم.

ولا الناس اللى بتركن موازى وتلاقى عربية الباشا مجنحة نص متر لبرا, وفشارع حارة واحدة, ولا تلاقيه كاسر العجل لبرا على الأخر, طب كسل يرجعه لمكانه يعنى.

وحاجة تانية, تيجى تدور على ركنة, تلاقى الناس راكنة بطريقة غريبة جدا, وكل واحد راكن بمزاجه, وتلاقى الناس سايبة متر بينها وبين العربية اللى قدامها واللى وراها, ويضيعوا شارع سعته 50 عربية فى الركنة مثلا على 30 عربية.

بس الجيب مساعداك يامعلم, أى حد يضايقك تقوم داخل فى أكصدام عربيته:), ربنا يحفظهالك.

رد: "ريحت" على عربية حد قبل كده؟
 

ana shayf en el-ta2men 3ala el3rabya addal she2 3ashan lo khabt 7ad la enta tedf3 wala hoa yedfa3 lakn elta2men beta3k yesl7 3arabyt ele enta khabato