مصر موتورز مجتمع السيارات - ايه هي مميزات و عيوب الريجاتا بالتفصيل ان امكن ؟

مصر موتورز مجتمع السيارات (https://www.masrmotors.com/vb/index.php)

- FIAT Regata (https://www.masrmotors.com/vb/forumdisplay.php?f=233)

- - ايه هي مميزات و عيوب الريجاتا بالتفصيل ان امكن ؟ (https://www.masrmotors.com/vb/showthread.php?t=33584)

رد: ايه هي مميزات و عيوب الريجاتا بالتفصيل ان امكن ؟

أنا كان عندى ريجاتا 82 من عيوبها انها بتسخن أوى فى الطوالى أى المسافات الطويلة مع السرعة - وأهم حاجة عند شرائها ان توجد المصفحة أسفل الموتور لإنها ليست موجودة حتى فى الإستعمال ولو لاقيتها ختبقى غالية - كذلك توجد مدادة فى صدر العربية مربوطة بين المساعدين اليمين والشمال ودى ضرورية جدا ولو دول مش موجودين يبقى السعر بينزل كتير . مع التوفيق:Wkiss5:

رد: ايه هي مميزات و عيوب الريجاتا بالتفصيل ان امكن ؟

بعد اذنكوا عندى استفسار ارجو الرد علية كنت عاوز اعرف الريجاتا سيارة واسعة من الخلف يعنى اللى قاعد ورا يبقى مستريح ولا مزنوق وكذلك الشنطة واسعة ولا ضيقة ارجو الافادة بعد اذن حضراتكوا وفى الجرى تجيب كام لو حبيت اجرى وتبقى مرتاحة

رد: ايه هي مميزات و عيوب الريجاتا بالتفصيل ان امكن ؟

اسمحلي ارد على حضرتك لان اللي معايا دي تالت عربية ريجاتا

اولا الريجاتا العربية الوحيدة اللي لازم تشتريها نمرة 1 غير كده مش هتخلص من المشاكل
لو الريجاتا فابريقة عيبها الوحيد انها عايزة تجري
اديها طريق وسيبها
اما اجابه اشئلت
1- ايه هي الحاجات اللي المفروض اهتم بيها و انا بشتريها ؟
تفحص الحوض كويس جداً لان الحوض بيبقى في زي جيوب ضيقة في ضهر التابلوه ودي بيبقى فيها بارومة
2- هل ليها قطع غيار ايطالي او الماني ؟
ليها قطع غيار طبعا بس النصيحة خليك في الاستيراد ما تجبش جديد لان كله عيوب تصنيع
3- اظبها ازاي من حيث الاداء ؟
زي اي عربية ميكانيكي كويس وكهربائي وعفشجي ولو هي نمرة واحد يبقى هتريحك
4- هل ليها اي حل في موضوع عدم وجود باور كامل ؟
لو قارنت الدريكسيون بال 128 او ال 127 هتلاقيه اخف بكتير جدا أنا بعتبرها هاف باور
5- هل ممكن احطلها بنزين 80 و انا مطمن ؟
ميزة الريجاتا انها بتشتغل مع اي بنزين بنفس الكفاءة
6- ايه افضل زيت للمحرك بتاعها ؟
لو الماتور مضبوط حتلها انشالله زيت التعاون بس انا بستعمل شيل المتعدد او موبيل

يا رب أكون فيدتك
بس مهما كانت خبرتك ياريت وانت بتشتري يكون معاك ميكانيكي وسمكري

رد: ايه هي مميزات و عيوب الريجاتا بالتفصيل ان امكن ؟

أحب أضيف لحضرتك كمان حاجة بخصوص سؤالك عن الشنطة ووسع الكنبة الخلفية الشنطة وسعة جدا جدا الكنبة الخلفية تعتبر معقولة ولو حضرتك قصير القامة وهتحتاج تتطلع الكرسى قدام هتبقى المساحة الخلفية ممتازة بس هى عامة كويسة ومريحة بالنسبة للتسارع والجرئ فوق الممتازة بس يشترط الحالة الممتازة والجيدة الصاج مش بالقوة بتاعت زمان بس بالنسبة للعربيات بتاعت اليومين دول يعتبر جيد جدا ويوجد بها أو حتى لو مش موجود تركبه وهو بار حديد يربط باطحتين المساعدين من فوق وكمان مصفحة من الألمنيوم بتاعت الفبريكة تركبه هى هتقل العربية معاك شويتين بس هتحميلك أسفل الموتور وهتمسك العربية من تحت علشان العجل ميفتحش لا على جو ولا برة وكمان خلى بالك فهى مشهورة زيها زى الـ 128 والريتمو بأنها بتفتح من عند العلب وتعمل شروخات بالحوض لذلك وجب تركيب البار بين الباطحتين بتوع المساعدين وكذلك المصفحة اللى بتركب من تحت بس برده هيحدث شروخات بس على المدى البعيد وحسب إستخدمك للسيارة وموفق بآذن الله فى سيارة ريجاتا تكون سليمة وربنا يارب يفرحك بيها ويديك خيرها ويبعد عنك شرها .

والسلام عليكم

أخوك محمد

رد: ايه هي مميزات و عيوب الريجاتا بالتفصيل ان امكن ؟

اقتباس:

المشاركة الأصلية كتبت بواسطة MIDO-SPICY (المشاركة 382395)

دى رساله خاصه ليه من العضو NicEgypt
واللى كنت بساله فيها عن نفس سؤال حضرتك
وكان رده كالتالى
موتورها 1500 سى سى استهلاكة فى البنزين ممتاز لو العربية مظبوطة الصفيحة تعمل 200 ك
جوة البلد بدون تكييف .. سرعتها بتصل بكل سهولة فى سيارتى الى 140 وممكن اكثر ولكنى لا ازيد عن ذلك
نعمة وسلسة فى القيادة . التكييف بتاعها لا يقارن باللانسر طبعا .. لا يوجد وجة مقارنة لان اللانسر تكسب وبجدارة
لكن تقدر تقول بيلطف الجو شوية .. يعنى بيخليك تحس بهوا بارد بسيط كأنك مشغل مروحة بس الهوا لطيف وليس
ساخن .. وان اردت اداء اعلى .. يمكنك تركيب تكييف سندان الكهربائى وتوقع اداء مقبول جداَ للتكييف

اوجة الفرق بين النوفا والعادية :
النوفا موديلاتها احدث بتبدء من 1987 الى 1990
العادية بتبدء من 1984 وتنتهى في 87

لا يوجد اي فرق فى الشكل او الابعاد بيين الاتنين سوى الكماليات والكمبيوتر . وأكر الابواب .

الكربراتير مختلف شوية فى النوفا عن العادية .. بوجود سخان كهربائى بدل العادي الواير .. ودة مش فى كل الموديلات
النوفا فيها 2 زجاج كهربا + سنتر بدون ريموت + كمبيوتر كشف اعطال حساسات مثل حساس
لتيل الفرامل والزيوت بأنواعها وضغط الزيت .. الخ . وحتى لو لمبة اتحرقت بتعرف منة .. لكن نادر جدا لو لقيت سيارة
الكمبيوتر بتاعها يعمل بكفاءة لقدم الموديل .
النوفا فيها عداد بيحسب كمية استهلاكك للبنزين وهل هو استهلاك جيد ام مبالغ فية .. والعداد دة غير موجود فى العادية .. العادية زي النوفا .. الا ان النوفا افضل لانها موديل احدث شوية .. قطع غيار الاتنين هما هما واحد ما عدا الفتيس

احسن موديلات الريجاتا واللى قطع غيارها سهل جدا موديلات من 1985 الى 1989
واوعى تجيب 1990 لعدم وجود قطع غيار لها وللاختلاف كبير فى الفتيس من جوة وعدم انتشار قطع غيارة
علماَ ان هذا الموديل يتميز بأن موتورة انجيكشن ولا يوجود كربراتير بطبيعة الحال .. الا ان عيبة عدم انتشار قطع
الغيار .. والموديلات كلها كما قلت سلفاَ هى هى نفسها .. نفس الشكل والابعاد وكل شيئ .. فقط شكل اكر الابواب
من " معلقة " فى العادية كما يقولون عليها .. الي الزر " زى اكرة اللانسر مثلا بتمسك اليد وتضغط على مكان المفتاح اللى عبارة عن زرار .. فقط لا غير .

الريجاتا عافية شوية عشفتها حلوة ومش ناشفة وبتستحمل المكسر .. وبوجة نظري احدث وافضل من موديلات قديمة كتير .. واحسن من الماروتى " فضلتها عن الماروتى وبرايد العصفورة الهاتش باك وذلك لقوة موتورها وللاداءة الاعلى "

قطع غيار متوفرة جديد / استيراد / مستعمل .. ويمكننى ارشادك لاحقاَ ان احتجت للاي قطعة غيار وسعرها. علما ان اسعارها جيدة ومعمرة
الاسبراتير الالكترونى لو جديد هتشمى معاك فى المياة ولن تتأثر بعلو
المياة فى الارض كما حدث فى " نوة اسكندرية " وعربيات جديدة كتير
اتأثرت بالمياة لما وصلت لداخل الكابوت وعطلت

الريجاتا لو حالتها مش نضيفة من البداية هتتعبك جداَ .. انا غيرت كل اللى فيها تقريباَ مش ناقص غير البودي بسبب انى جبت حالة متوسطة لذا حاول وبشدة الحصول على حالة نظيفة جداَ .. خصوصا اساسيات السيارة والبودي .. الموتور سهل صيانتة واصلاحة

وحاجتة متوفرة واسعارها جيدة .. اما البودي واساسيات السيارة يجب ان تكون نظيفة لان اكبر عيب فيها هو البارومة

عيوبها بكل امانة :
1 - البارومة .. لو مسكت فيها مش بتسيبها كسائر سيارات فيات الايطالية
لذا حاول الحصول على اساسيات وبودي بدون بارومة ولا تـلتف للفبريكة
سيارتى جبتها فبريكة ورشيت دواخل .. لان بعد فترة بسيطة لقيت بارومة فى الشنطة بمساحة 1 سم واضطريت اعملها لذا ان وجدت سيارة فبريكة يجب ان تكون بدون بارومة
2 - خامة التابلوة سيئة .. ونادراَ لو وجدت تابلوة غير مسكر
3 - اداء التكييف غير جيد .. ملطف للجو ورحمة عن سخونية الشارع والشمس . بارد بشكل خفيف
4 - الاسبراتير الالكترونى بتاع الفبريكة ضعيف .. يفضل تركيب اسبراتير عادى .. او الالكتروني ايطالي جديد بدل الفبريكة
5 - طرمبة البنزين ميكانيكية وبتتأخر فى الدوارة لو سبتها للاكثر من يومين .. وحلها انك تركب طرمبة بنزين كهرباء لانسر يابانى هدور ف اي وقت وفى عز التلج
6 - علبة الفيوزات لا توجد جديدة ولكنها موجودة مستعملة فى حالة احتياجها .. علماَ ان بها دائرة فى الداخل ولها ترانستورات ic قد تتلف
ان وصلها مياة . فى حالة عدم وجود عوازل حولها

معلومات اكتر من ممتازة

رد: ايه هي مميزات و عيوب الريجاتا بالتفصيل ان امكن ؟

مصفحة الموتور للريجاتا بتنزل في موديلات ايه ؟؟

رد: ايه هي مميزات و عيوب الريجاتا بالتفصيل ان امكن ؟

الافضل الريجاتا موديل 87 طالع الي 89 ......ولا 131 موديل 80 وطالع الي 84

علما ان معي 25 الف وامامي ريجاتا نوفا وايضا 131 موديل فوق 80

اخبروني يا اهل الخبره مين فيهم الافضل علما اني احتاج سياره للمدينه وللسفر احيانا ..

كل الشكر للافاده لمن يريد ابداء رايه