مصر موتورز مجتمع السيارات - بالذمة دة يرضى ربنا

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - بالذمة دة يرضى ربنا (https://www.masrmotors.com/vb/showthread.php?t=32951)

رد: بالذمة دة يرضى ربنا

اقتباس:

المشاركة الأصلية كتبت بواسطة fares515 (المشاركة 232680)

مطموسه يعني مش واضحه أو ممسوحه.. زي اللوحه التانيه اللي حطها صاحب الموضوع أستاذ طارق

الله ينور عليك يا استاذ (fares515 ) مطموسة زى صورة العربيه الريجاتا بالظبط
على فكرة انا اسمى على القاضى مش طارق وشكرااااااااااااااا على المشاركة

رد: بالذمة دة يرضى ربنا

انا شفت عربية في الحرفييين 131 لوحاتها ازرق من فوق ومن تحت ابيض
انا دعكت عنيا وقلت الصيام خللا عنيا مزغللة خاصة كان بعد صلاة العصر
ولما قربت منها لقيت اللوحات مدهونة بهية زرقة من فوق وبهية بيضة من تحت
والكتابة اللي تحت الازرق زرقة واللي تحت الابيض بيضة
اللي هيقول دي عربية مين يبقي برافو عليه
7
7
7
7
7
7
اعتقد بما انها 131 يبقي بتاعة غفير الدرك بتاع السلام
هههههههههههههههههههه

رد: بالذمة دة يرضى ربنا

ألف شكرك على ردودك الجميله يا أستاذ علي وتشريفنا باسم حضرتك
وانا فعلا متفق مع وجه نظرك انت وأ/حازم على انها علامه نقص فعلا لما تلاقي واحد مفيم وحاطط حمامه(قصدي نسر) ومبيبقاش ناقص غير انه يكتب على ازاز العربيه أنا ابن ناس...وعن تجربه انا اعرف ناس كتير صحابي ضباط بلاحظ انه مبيعملش الحركات ديه غير الناس اللى مستوياتها الماديه قليله او عنده عقدة نقص من حاجه معينه(راكب 128او صيني زي الأخ ده...الخ) لكن بلاقي ناس محترمه وولاد ناس (بجد) راكبين كورولا وجيتا وباسات ومبيعملوش الهبل ده...ليه؟ لإنهم شبعانين بمعنى اصح مش محتاج انه يعرفك هو ضابط ولاحتى وكيل نيابه
هي ده القصه مش أكتر:
اشتغالات ونمر سوده وتفييم سوبر=عقده نقص
عربيه محترمه وعاديه جدا=ابن ناس ومحترم .. وقيس على كده في كل المهن
وتسلم على اثاره الموضوع

رد: بالذمة دة يرضى ربنا

اقتباس:

المشاركة الأصلية كتبت بواسطة fares515 (المشاركة 232827)

ربنا يباركلك يا شيخ واحنا فى رمضااان تسلم على الرد المفيد جداااااااا وعلى المشاركة

رد: بالذمة دة يرضى ربنا

أنا بقى شفت عربيات كتير قديمة مشية من غيرنمر خالص فى وسط البلد وعلى كوبرى اكتوبر عادى يعنى بس أغرب حاجة شفتها كانت عربية تمبرا حطة نص لوحة وحاولت اصورها وانا راكب العربية كان بالليل الصورة طلعت مش واضحة وبالأمس شوفت عربية النترا بتنجانى فى طريق حسر السويس وانت رايح السلام كان حاطت نسر واخد نص الأزاز وكاتب بطول الازاز أبو غالى وعلى اللوحة حطت نسر وماشى فى الطريق على كيفه

رد: بالذمة دة يرضى ربنا

اقتباس:

المشاركة الأصلية كتبت بواسطة fares515 (المشاركة 231726)

واضح ان ده عربيه البيه صاحب النقطه(قصدي ضابط النقطه) وطبعا باين جدا انه راجل متواضع بدليل انه جه على نفسه وعلق نمر(يانهار أبيض عالتواضع) لأ ومش بس كده ده لون اليافطه باللون الأسود(كويس انه ملونهاش باللون الفحلقي)إلى جانب انه اكتفى بحروف بسيطه مش مميزه ولاحاجه: قدو792 (طبعا لو هو مش متواضع كانت اللوحه حتبقى :مين قدو000)...وابتسم انت في مصر

السلام عليكم خليها