مصر موتورز مجتمع السيارات - مفاجأة اسعار الهيوانداي السوناتا 2011 الجديدة ومواصفتها

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

رد: مفاجأة اسعار الهيوانداي السوناتا 2011 الجديدة ومواصفتها

اقتباس:

ويبلغ سعر السيارة في الأسواق الأميركية 22.745 دولار

يعني بالمصري بالكتير 128,000 جنيه يعني بتمن السيراتو والألنترا وهو ده سعر العربيات الحقيقي بس أزاي الحكومة تخلي سعرالعربيات رخيص كده قوي ويبقى الغفير والوزير بيركبوا عربيات واحدة وجايز ساعتها الغفير يركب عربية أحسن من بتاعة الوزير عشان باع حتة الأرض اللي ورثها عن أبوه :) معقولة يجي يوم والألنترا تبقى ب 50 ألف جنيه أو 40 الف والفيرنا اللي عاملة قلق في السوق غبور يدلل عليها بعد ما سعرها هيبقى 5000 جنيه او 10000 جنيه ازاي طبعا ما ينفعش لازم الشعب المصري يفضل تحت الجزم وخلي ابن الباشا يركب bmw والمواطن المطحون يركب نانو ايجيبت ده لو لقى تمنها أصلا بعد 30 سنة خدمة في ساقية الشغل

رد: مفاجأة اسعار الهيوانداي السوناتا 2011 الجديدة ومواصفتها

العربيه دي سعرها في دول الخليج وبالتحديد الكويت 5333 دينار يعني حوالي110000 مصري وال2400 مش ال2000

رد: مفاجأة اسعار الهيوانداي السوناتا 2011 الجديدة ومواصفتها

مينفعش نقارن الصينى بالكورى
والعربية دى اللى خلها تبيع كتيييييييييير فى امريكا مش سعرها لكن انها حصلت على جائزة الخمس نجوم من هيئة الامن والسلامة فى امريكا وكام جايزة كدة تانى ليها علاقة بالرفاهية والتكنولجيا
بعدين فى حد عامل موضوع هايل جدا عنها
http://www.masrmotors.com/vb/showthread.php?t=36560

وعلى فكرة المشكلة فى سعر العربية مش المصدر ولا الوكيل لكن الفئة دى جماركه حوالى من 200 الى 265%
يعن الحكومة هى اللى واخدة الفلوس كلها
بس حقهم عشان ميفتحوش السوق على البحرى
بس على فكرة اى عربية فعلا بتتقاس بالاوبشنز ودة طبيعى جدا فى كل الشركات
والعربية ياجماعه والله احلى من البى ام والمرسيدس
بس للامانه الهاى لاين
لان فيه اوبشنز اعلى منهم
غير ان المرسيدس والبى ام اللى فى السعر ده بيتقفل فى مصر
واسأل اى حد عن التقفيل المصرى حتى لو فى طيارة يبقى عامل ازاى

رد: مفاجأة اسعار الهيوانداي السوناتا 2011 الجديدة ومواصفتها

اقتباس:

المشاركة الأصلية كتبت بواسطة hl_hitham (المشاركة 259256)

العربيه دي سعرها في دول الخليج وبالتحديد الكويت 5333 دينار يعني حوالي110000 مصري وال2400 مش ال2000

انا اعرف واحد جايب السوناتا من السعودية بــ 82000 يعنى بالمصرى حوالى 120000
اخوه بعتهالو من السعودية 2400 برده
بقالها 25 يوم فى السويس قال ايه بتتسعر
قالولو اصل ياباشا الاوبشنز اللى فيها كتير ولا زم تدفع ضريبة على كل الاوبشنز دى
حسبناها انا وهو لاقينا تقريبا مش اقل من 320000
زود بقى تمن العربية 120000
يبقى تقريبا 440000
وهى اصلا هنا 390000
تقولى الــ2000 سى سى اقولك بس ترخيصها فى السنه بـ 1050
مش بـ 2% من تمن العربيىة
يبقى انه الاحسن اشتريها من هنا ولا من هناك واجيبها

رد: مفاجأة اسعار الهيوانداي السوناتا 2011 الجديدة ومواصفتها

انا لسه راجه من كوريا الجنوبية من اسبوع
وبصراحه السوناتا الجديدة مش منتشره قوي زي عربيات تانيا مثل كيا اوبتيما الي لسه منزلتش ولا هتنزل مصر هنا خالص وكمان عربية نوعها سامسونج بجد تحفه وخرافه وبرده عمرها ما هتنزل هنا مصر ابدا
وصراحه هما بيثقوا اوي في علاماتهم مثل هيونداي وكيا وطبعا في الاول سامسونج
بس الاكثر انتشارا وبامانه هيونداي النترا الجديده
وانا معايا نيو اكسنت وبصراحه ممتازة ومفيش اش مشاكل منها لحد دلوقتي
وبخصوص السامسونج عربية ارقى وافخم من المرسيدي والبي ام وانا ركبيتها ومش هقولكم على الفخامة والسحب والكماليات بجد مفيش مقارنه نهائي وهي تعتبر اغلى العربيات هناك
والسوناتا الجديده عامله ما يعادل 90 الف جنيه مصر
والكوري الي معاه المبلغ دا هيشتري سامسوج ومش هيشتري السوناتا ودا برأيهم هما
بس معظم التكسيات هناك النترا والسوناتا القديمة والانترا القديمة بس دي غير الي هنا خالص من الشكل والسعه والماتور وكل شيء
ومعلش طولت عليكم