رد: عضو جديد بستروين ax
 

عندى مشكله اتمنى الاقى حلها معاكو من خلال خبراتكم فى الستروين ax العربيه بقالها معايا 3 سنين زى الفل كانى شاريها زيرو لكن منذ ايام عملتها معايا وسخنت روحت لبتع الريداتير وغيرته ولسه نفس المشكله وروحت لمكانيكى قالى دى جايبه جوان وش سلندر جيبت الجوان وغيرته وغيرت الزيت وطقم البيجوهات وكانت النتيجه السخونيه راحت بس صوت الماتور اتغير وبينعر جامد وبتقطع منى
حد عارف السبب ممكن يكون من ايه
شكرا ليكم على معلوماتكم الى بستفيد منها

رد: عضو جديد بستروين ax
 

الاحسن تروح لحد متخصص ستروين وهتلاقى موضوعات فيها ارقام تليفونات وعناوين المراكز المتخصصة

رد: عضو جديد بستروين ax
 

السلام عليكم فى حد فى هنا يعرف حد يكون فاهم فى الستروين العربيه بتسخن جدا انا ساكن فى شبرا مصر لو فى حد يعرف ميكانيكى وكهربائى حد يظبط العربيه علشان انا زهقت كل شويه اروح لحد ويعقدنى فى العربيه ويقولى مش اى حد بيشتغل فيها وايه اللى خالك تجبها وانا بصرحه العربيه عجبابى جدا بس عايز اظبطها كهرباء وميكانيكه

رد: عضو جديد بستروين ax
 

مشكله العربيه دي انها لوخدت هوا بتسخن عربيه اتاكداني اني المروحه شغاله كويس وانك فضيت الهوا من الردياتير

رد: عضو جديد بستروين ax
 

بعد ما تتأكد ان دورة التيريد مافيهاش هوا وأن مروحه الرادياتير بتدور بشكل طبيعى وجيد .وووووووووو........... والرادياتير ما تغيرش من 10-12 سنه يبقى كده الرادياتير مواسيره من الداخل مصديه والرادياتير الأصلي بتاعها مواسيره ما بتتسلكش والحل ايه ؟ تفك الرادياتير وتطلعه بره العربيه نصف كوب ماء بطاريه ( حامض 30%) +لتر ماء وتحطهم فى الرادياتير بعد سد مداخله وترجه رجتين تلاته لمده 10-15 ثانيه وتفرغه ها ينزل بلاوى وبعد كده غسله جيده جدا لأزاله اثر الحامض وبعد كده ركب وخد هوا ودور الحكايه دى انا عملتها لما الرادياتير جاب أخره معايا وجاب نتيجه جيده جدا وقعد بعدها سنتين مافيهوش مشكله الحراره وبعد كده انا أضطريت أغيره لأن كان فى شرخ في الفبر تحت غطاء الراديتير (من فتره قبل ما حط الحامض )كان قارفنى وكنت كل شهرين تلاته الحمه .......... او أشترى دماغك وغير الرادياتير لأن العربيات دى بقالها على الأقل 15 سنه يعنى كتر خير الرادياتير .......... طبعا مين عملى الشغلانه دى واحد معرفه صاحب ورشه عملهالى بالضرب فوق دماغه لأنه الصنايعيه اللى عنده ما بتشتغلش فى العربيه دى .

رد: عضو جديد بستروين ax
 

أ/ فهمى كلامه 11111111111111++++ مظبوط 1000% يا roro2001
وماتصدقس اللى يقولك العربية وحشة او يعقدك منها... خللى اللى بيكرهك فيها يركبها لفة بس وشوف هايقولك ايه ... لان كل المعلومات الغلط عن العربية دى منقولة بالسمع من غير ماحد يجرب!!!!1العربية ممتازة بكل المقاييس بشرط العناية بيها والاهتمام بحالتها .....
واى صنايعى ميكانيكى-كهربائى-عفشجى-بتاع ريداتير... الخ ممكن يشتغل فيها ده لو عايز يشتغل فعلا
انت بس ركز واقع على كام صنايعى فى منطقتك يكونوا بيحبوا شغلهم وان شاء الله مش هتحتاج تروح لاماكن بعيدة عشان صيانة او تصليح وقطع الغيار موجودة فى الوكالة والحرفيين وعزبة شلبى والتوفيقية وجسر السويس
وربنا يوفقك
شكراً أ/ فهمى على الافادة

رد: عضو جديد بستروين ax
 

مبروك العربيه ولو الحالة ممتازه زى مابتقول 17 الف حلال فيها

بالنسبه للتكييف مش مهم وانصحك ماتفكرش تركبه لانى مش مقتنع بالتكييف لمثل هذه السيارات وبيكون حمل على الماتور