رد: برجاء المساعدة فى اختيار سيارة فى متوسط ( 150 الف جنية)
 

بسم الله الرحمن الرحيم
دي اول مشاركاتي في المندى دة و يا رب تبقى بداية خير إن شاء الله
كلام الناس كويس جدا طبعا مفيش خلاف على السيفيك حلوة جدا لابعد حد بس الشكل اللي موجود دلوقتي حريمي شويتين و معظم اللي سايقنها ستات بس برضة هي عربية كويسة جدا جدا

الموديل اللي محدش اتكلم علية خالص هو التويوتا كورولا الجديدة بصراحة رائعة امكانيات و قوة 142 حصان بس الفتيس مش اي حد يحبة بس بصراحة شكلها حلو فعلا و هو دة ترشيحي

الاوكتافيا كويسة جدا ثبات و قوة و امكانيات و انتشار و شكلها حلو و زي الالماني بالظبط زي الVW اكنك راكب باسات (القديمة)
بس التوكيل زفت جدا الحاجة بتيجي بطلوع الروح و كتير بتيجي مضروبة تخيل تجيب تيل فرامل من التوكيل و يطلع مضروب و يبوظ الطنابير!!!!!!!!!
بس ممكن تشتري قطع الغيار من توكيلات بيع فقط مضمونين (صعب تلاقي حد مضمون) و تركب عند ميكانيكي (و تدخل في دوامة الميكانيكي)

و ف الاخر صلي صلاة استخارة و توكل على الله و هات اللي ترتحلها

رد: برجاء المساعدة فى اختيار سيارة فى متوسط ( 150 الف جنية)
 

السيفيك طبعا تحفة و جميله بس غير انها واطيه كمان شنطتها 350 لتر بس ...... و ده يعتبر قليل في الفئة دي كمان صاجها ضعيف جدا و الخبطه بتسمع ( يعني الخبطه تيجي في الاكصدام تسمع في الرفرف) ...... الاوكتافيا اعلا وشنطتها اكبر وانشف .
عامة الالماني انشف و الياباني ناعم و دي ترجع ليك

رد: برجاء المساعدة فى اختيار سيارة فى متوسط ( 150 الف جنية)
 

من رايي الاكتافيا
الالماني الماني برضه سيبك انت;)

رد: برجاء المساعدة فى اختيار سيارة فى متوسط ( 150 الف جنية)
 

السلام عليكم __ بص ياباشا بالنسبه لمساحه الشنطه طبعا الاوكتافيا اكبر بكتير لا كن فرق المساحه الداخليه السيفك تتفوق بفرق كبير _ انت هتعمل ايه بوسع الشنطه والعربيه القاعده فيها مش مريحه دا اولا __ ثانيا موضوع ان الصاج ضعيف دا كلام مش مظبوط انت لما تشوفها من الاجناب تحس بكدا لان الابواب انسيابيه ومن غير سوك او منحنيات_هيا احسن عربيه فى الصا ج من اليابانى والكورى _وطبعا الالمانى حاجه تانيه__ ثالثا موضوع لما تتخبط فى الاكصدا م تسمع فى الرفرف فدا منطبق على الاوكتافيا ال a5 بالضبط نفس الرفرف بالضبط اوكى ___ رابعا موضوع انها واطيه فدا عيب فى مصر وعلشان كدا نزلو موديل 2009 vti بجنوط 16 بوصه فبكدا بقت اعلى شويه __ وطبعا السيفك ثابته عن الاوكتافيا لانها اعرض منها ولو حد بيركب اوكتافيا العربيه مش عريضه وبالتالى الجلوس فيها مريح لاكن مش بالدرجه الكافيه ..
عيــــــــــــوب الاوكتافيا a5 :
اولا كمبوروسر التكييف كتر الاستعمال بيضعفه واسال اى حد معاه a5 ويكون بيستعمل تكييف على باستمرار _-_ ثانيا عرض الشنطه صغير ودا بيقلل من ثابتها

وفى النهايه لما تشوفوا السيفك الvti على الطبيعه تقدر تحس بالفرق الساشع بين الاتنين لانها حققت المعادله الصعبه ( قمه الثبات_قمه النعومه _ قمه الجمال ). ودا صعب يتجمع فى عربيه واحده..
واسف ع الاطاله

رد: برجاء المساعدة فى اختيار سيارة فى متوسط ( 150 الف جنية)
 

يا باشا انا معاك انهم كبروا الصالون على حساب الشنطه لكن اسافر ازاي بعربيه نبقى قاعدين فيها واحنا واخدين الشنط على حجرنا ..... والقاعده في الاوكتافيا مريحه مش وحشه أما بالنسبه للصاح فانا قصدي ان صاج السيفيك ضعيف مقارنه بالاوكتافيا و حضرتك بنفسك قلت ان الالماني حاجه تانيه. الخبطه انا شفتها بعينيا خبطه في الاكصدام الرفرف زي ما هو بس اتحرك لوره وبره شويه يعني ركب overlap على الباب!!!
انا معجب جدا بالسيفيك و كنت حتجنن عليها اول ما نزلت بس في وجود اطفال وشيل كتير الشنطه مهمه جدا... ولو عملوا الشنطه 500 لتر مستعد ابيع هدومي و اشتريها.
هي العبره باحتياج كل واحد و ايه مناسب ليه وكل واحد بيقول رأيه بناء على متطلباته اللي بيشوفها في العربيه. انا بصراحه مشفتش ال vti بس يا ترى سعرها كام . ولك كل الشكر

رد: برجاء المساعدة فى اختيار سيارة فى متوسط ( 150 الف جنية)
 

بس لى تعليق على موضوع صاج السيفيك لانى شوفتلها حادثة 128 داخلة فى الجنب الشمال ببوزها رشق والله فى باب السواق

السواق مفيهوش خدش والعربية محصلش فيها حاجة غير الباب بتاع السواق وخبطة بسيطة فى العتب والقوايم والرفرف كانها متلمستش

ال128 شبكة واكصدام وفوانيس وكبوت والرفرف اتعصر على العجل القدمانى باختصار اتعجنت

متانة البودى مش سمك الصاج وبس الاهم صلابة القوائم وبارات الدعم اللى بتبقى جوه الباب وسلامة التصميم ككل

واخيراً انا اتفق تماما مع الراى ده واحييك عليه

رد: برجاء المساعدة فى اختيار سيارة فى متوسط ( 150 الف جنية)
 

[quote=AboNoRa;10157]

متانة البودى مش سمك الصاج وبس الاهم صلابة القوائم وبارات الدعم اللى بتبقى جوه الباب وسلامة التصميم ككل


وجهه نظر سليمه 100% و ده خلاني افكر ان ممكن يكون رد الفعل اللي حصل نتيجه الخبطه مقصود .... بمعنى انهم قاصدين ان الرفرف يخرج بعيد علشان يحافظوا على الباب ..... والله لو كده ارفع القبعه لأن فعلا اهم حاجه سلامه اللي جوه العربيه و انه يعرف يخرج في حاله الطوارئ....
واللي خلاني افكر تاني في الكلام ده فيلم تسجيلي عن الساب .... جابوا عربيتين كل واحده ماشيه عكس التانيه بسرعة 60 كم و الاتنين خبطوا في بعض نص في نص (يعني النص الشمال بس من كل عربيه) ( السرعه النسيبه للخبطه 120كم) وبعد التجربه خدوا العربيتين في معرض و خلوا الناس كل واحد يفتح باب العربيه و يقعد جواها و يقفل الباب و بعدين يفتحه و يخرج .... طبعا الكابوت اكورديون و العربيتين وشهم بايباي بس المهم سلامه الركاب.ptmnlo123per1147
واللي ييجي في الريش بقشيش
وربنا يحفظ الجميع