|
رد: الساجا سفاحة بنزين
اقتباس:
انا موافق 100% مع الكلام الجامد ده |
رد: الساجا سفاحة بنزين
نورت بمرورك يا أ/ صلاح:14369D~149:
|
رد: الساجا سفاحة بنزين
اقتباس:
------------------------------------------- سيدى الفاضل / محمد الحصافى .... عاوز رأى حضرتك فى إستهلاك ساجتى .. داخل المدينه = 8 :9 كيلو متر لكل لتر بنزين. (وبمنطقه بلا إشارات أو مطبات) خارج المدينه وسفر مباشر ( فى أول الصحراوى فولت لزور التنك وفى أخر الصحراوى فولت تانى لزور التنك ، يعنى الموتور مالفش لفه واحدة بس على السلانسيه (N) أو بدون تحرك السيارة مع العلم إنى طول الطريق لما بلاقى الطريق فيه منزل يساعد العربية على الجرى بمور العربية وأسيبها لحد ماتنزل سرعتها لــ 50 كم وبعدين بعشق الفتيس تانى على (D)...... " كل ده لتوفير البنزين " المهم ..... (وأسف على الإطالة)... فى السفر المباشر : 10.5 كيلومتر لكل واحد لتر بنزين .... إشتكيت للمهندسين فى التوكيل إنهاردة وأنا بعمل صيانه الألف الأولى وقالولى الإستهلاك ده نورمال جدا وهتتظبط معاك بعد الـــ 5000 كم .. للأسف ليا صديق عزيز ساجته عامله 20000 وبرضه نفس معدل الإستهلاك .... يعنى ما إتحسنتش أو وفرت بعد الــ 5000 كم.. المهم .... أرجع وأقول زى ماحضرتك قلت ..... بكبر دماغى وبعتبر نفسى سايق 1600 ده غير الإمكانيات والكماليات ووسائل المساعدة والحمايه اللى فى الســـاجــــا تخليك ماتبصش لموضوع الإستهلاك ده نهائى .. العربية دى بجد عن ثقه وتجربة وأشهد الله على كلامى ..... العربية دى رقم (1) فى السوق المصرى بالمقارنه بمثيلاتها فى الفئه السعرية زى..... ( VERNA - LOGAN) أنا نفسى بخاف أحسد عربيتى والله .. كفاية كده بقى أحسن أنا رغاى أوى .. مستنى تعليقك بالنسبه لإستهلاكى .... مع خالص دعائى لك من القلب بالصحه والعافيه وحسن الحال والغنى عن السؤال... |
رد: الساجا سفاحة بنزين
أ/ محمد عبد المجيد
هو الإستهلاك يعتبر عالى حتى بالنسبة لل 1600 أنا لقيت ناس بتقول إن الفيرنا بتمشى 12 كيلو لكل لتر جوه البلد و 16 كيلو فى السفر بس مش عارف هل الأرقام دى صح ولا لأ و مقالوش كانوا ماشيين كام و بالتكييف شغال و لا لأ هو حضرتك فى السفر كنت ماشى كام و كنت مشغل التكييف ولا لأ ؟ طبعاً الساجا فى البروشور بتاعها مكتوب: إقتصادية فى البنزين ... طب بناء على إيه الكلام ده ؟!... الأستاذ صلاح جرب البوجيهات الثلاثة شمعة و بيقول إنها وفرت معاه الغريبة إن فى ناس مش بتشتكى من موضوع زيادة الإستهلاك خالص و بالرغم من كده أنا سبق و قريت مشاركات لناس معاها جين 2 و بتشتكى برده من زيادة الإستهلاك مع العلم إن الجين 2 1600 سى سى و موديل المحرك CPS يعنى مالوش دعوه بالتعديل المتهم بزيادة الإستهلاك أنا بأفكر نراسل بروتون ماليزيا علشان يفيدونا ... يمكن المشكلة فى البنزين بتاعنا ولا حاجة؟ |
رد: الساجا سفاحة بنزين
السرعه فى السفر كانت بين 90 كم و 110 كم ،RPM لا يتجاوز 3000 لفه وطبعا بدون تكييف خالص لأنى لسه فى الالف الاولى وبلين والعربية تعتبر شبه فاضيه لأن بناتى الثلاثه لسه صغيرين اوى اوى.. الموضوع ده لازم نشوف ليه حل ضرورى جدا جدا وبأى شكل أحسن كده مش هينفع خالص معانا.. أنا لو إضطريت إنى أقلب الموتور لغاز والموتر يطلع من الضمان هعملها لكن كده حرام اوى اوى.... انا حركتى قليله جدا جدا جدا فوق ماتتصور لدرجه إنى عملت الالف كم الاولى فى شهرين وكام يوم ومع ذلك متوسط مصروف البنزين 250 جم فى الشهر ... ده مبلغ بالنسبالى مش عادى.... |
رد: الساجا سفاحة بنزين
أنا كنت بعت الرسالة التالية لشركة بروتون ماليزيا يوم 23/1 حوالى الساعة 9 مساءً
نص الرسالة: I want to know the regular fuel consumption for SAGA 2010 witch i bought from Ezz El Arab (your dealer in <?xml:namespace prefix = st1 ns = "urn:schemas-microsoft-comhttp://www.masrmotors.com/vb/ /><st1...y-region w:st=</st1:country-region><st1:place w:st="on">Egypt</st1:place>) because the consumption now is: 9km/litre in town and 11km/litre in the highway (with speed 100 and the air condition off) I think that this consumption is too much Please note that this query is from many owners of your SAGA Thanks و من حوالى نصف ساعة لقيت أ/ عواطف (مدير مبيعات بروتون عز العرب) تتصل بى و أخبرتنى أن بروتون ماليزيا أخبروهم بالشكوى بخصوص الإستهلاك و أنه سيتم الرد على بأرقام و بيانات رسمية و تستأذنى فى أن أنتظر ليوم الأحد لإن مدير خدمات ما بعد البيع مسافر لماليزيا أنا بصراحة لم أتخيل أن الموضوع سيكون بالسرعة دى أو سيتم تداولة بالطريقة دى بصراحة كفاية الإهتمام لأننا جميعاً فى مصر نعرف خدمات ما بعد البيع المتلخصة فى: 1- عبيله و إديله 2- ما فيش ترجيع 3- نفض و أنتطر 4- :fun_wallbash::fun_wallba sh::fun_wallbash: و سنوافيكم بالتطورات |
رد: الساجا سفاحة بنزين
اقتباس:
انت عملت وفكرت فى احسن حل وتستاهل الف شكر على الدماغ الحلوة |
| الساعة الآن 05:53 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017