مصر موتورز مجتمع السيارات - لانسر 1300 اتوماتيك خليجى ايه مميزاتها و عيوبها ؟

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

- - لانسر 1300 اتوماتيك خليجى ايه مميزاتها و عيوبها ؟ (https://www.masrmotors.com/vb/showthread.php?t=2725)

رد: لانسر 1300 اتوماتيك خليجى ايه مميزاتها و عيوبها ؟

المحرك صغير و السحب مش حلو خصوصا في الاتوماتيك

رد: لانسر 1300 اتوماتيك خليجى ايه مميزاتها و عيوبها ؟

اقتباس:

المشاركة الأصلية كتبت بواسطة emam14mo (المشاركة 7181)

ارجو من اى احد الافادة بمميزات الانسر 1300 اتوماتيك الخليجى و عيوبها

اولا الخليجي 1400 و 1800 مفيش 1300 دي لمصر بس

و عن الجنوط الانسر للتك السيارة ثمنها كام و من اين تباع

اي جنط عادي خالص مفيش اي فرق بنها و بين اي عربيه عديه اي جنط 15 او 16 يعجبك ركبه

وعن كيفية الصيانة ؟

دي هي المشكله لان اخر كلام سمعته التوكيل بيرفض اي سياره خليجي تخش له يبقا كل شغلك هيبقا مع ميكانيكيين بس نقي الميكانيكي اوي

انا رايي الشخصي ملهاش لزمه خالص و مش فرق كبير بين هنا و هناك و كمان عربيتهم وطيه يعني هتحك في مطبات و مفيش ضمان و صداع كل ده عشان محرك اكبر 100cc و تكييف قوي و كمان عمكرك ما هتستخدم التكييف القوي ده لانه بيبرد اوي ليهم هناك انت مش هتحتاجه خالص و ده الي حصل مع صحبي الي جايب كورولا 2007 خليجي

رد: لانسر 1300 اتوماتيك خليجى ايه مميزاتها و عيوبها ؟

انا من القاهرة لدي لانسر اوتوماتيك 1300 خليجي ضعيفة جدا جدا وسرعتها القصوي 160كم لا اعلم هل هذه سرعتها القصوي ام هذا عيب في السيارة افيدوني؟

رد: لانسر 1300 اتوماتيك خليجى ايه مميزاتها و عيوبها ؟

لانسرعامةً عربيه قليله المشاكل
ال 1300 سى سى عيبها ان موتورها ضعيف عليها حبتين خاصةً لو اوتوماتيك, يعنى ال 1600 سى سى يا دوب على العربيه, و لو 1300 سى سى هات جنوط نفس مقاس الأصلى بتاع العربيه علشان هيا مش مستحمله حاجه زياده
مميزاتها توافر قطع الغيار و سعر اعادة بيع كويسو العربيه واسعه نسبياً و مريحه

رد: لانسر 1300 اتوماتيك خليجى ايه مميزاتها و عيوبها ؟

يا جماعه حرام والله الظلم ده للعربية
انا معايا لانسر 1300 واوتوماتيك والحمد لله العربية زي الفل وبمشي بيها 160 وعادي مش بحس انها مخنوقه او ضعيفة زي ما الاخ بيقول وكمان فراملها زي الفل وعلي فكرة ابن عمي معاه فيكترا 2002 فرامل ABS اخدت منه عربيته في ظرف كدا كان حاصل وجربت فراملها لقيتها زي الانسر بتاعتي رفم ان اللانسر بتاعتي بدون ABS تقوم تيجي انت تقول فراملها وحشة طيب ازاي؟
ثم المفروض اصحاب السيارات بس هما اللي يقولوا رايهم فيها لانهم مجربنها ولكن يجي واحد يقولك انا سمعت او يفتعل الكلام ده بقي اللي مينفعش يا راجلة
مع احترامي للجميع

رد: لانسر 1300 اتوماتيك خليجى ايه مميزاتها و عيوبها ؟

كلام غريب جداَ نرجو الحيادية فى التقييم ؟؟؟؟؟؟؟؟؟؟؟؟؟؟

رد: لانسر 1300 اتوماتيك خليجى ايه مميزاتها و عيوبها ؟

اقتباس:

المشاركة الأصلية كتبت بواسطة medo akef (المشاركة 103082)

انا رايي الشخصي ملهاش لزمه خالص و مش فرق كبير بين هنا و هناك و كمان عربيتهم وطيه يعني هتحك في مطبات و مفيش ضمان و صداع كل ده عشان محرك اكبر 100cc و تكييف قوي و كمان عمكرك ما هتستخدم التكييف القوي ده لانه بيبرد اوي ليهم هناك انت مش هتحتاجه خالص و ده الي حصل مع صحبي الي جايب كورولا 2007 خليجي

انا عن نفسي الان هعدل كلامي بعد ما اشتريت لانسر 1300 خليجي 2009 السياره اكثر من الرائعه و مش بحث بضعف ولا حاجه خالص و بشغل التكييف و لفه و صحبها اصلا شغال في توكيل متسوبيشي في الامارات و معاه اختها 2006 هناك و بيقول تمام و و هو جايب 170 و هو فاتح التكييف
و و انا بدور و انا بشتري قابلني الف عربيه 1300 و مودلات قديمه و شغاله فل ولا فيها اي ضعف
و فرق فعلا في التقفيل الياباني و المصري و واضح اوي للي شاف الاثنين