مصر موتورز مجتمع السيارات - قصة اول عربيه فى حياتك

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - قصة اول عربيه فى حياتك (https://www.masrmotors.com/vb/showthread.php?t=27038)

رد: قصة اول عربيه فى حياتك

اقتباس:

المشاركة الأصلية كتبت بواسطة corsair (المشاركة 190854)

اول عربية في حياتي كانت هتكرهني في كل العربيات اللي في الدنيا وكنت وصلت لمرحلة اني كنت هقطع الرخصة بتاعتها وبتاعتي وكنت هسوقها علي الدائري ونط منها وارميها من فوق الدائري واخلص هيه كانت 128 حمرا موديل 80 لبست في الحيط بيها جيبنها علشان اتعلم عليها لحد ما اجيب حاجه زيرو واتريها هيه اللي اتعلمت عليا مش انا كانت عاملة زي الشريط بتاع احمد حلمي في فيلم ظرف طارق لما كان بيرمي الشريط ويردله تاني كنت كل ما ابعها ترجعلي تاني واتنصب عليا بسببها في 1500 جنيه مشوفتش منها يوم حلو كانت عامله زي الزوجة النكدية بسببها كنت بقعد مع الميكانيكي والعفشجي والسمكري اكتر ما كنت بقعد ما اهل بيتي المهم ميجوزش عليها الا الرحمة راحت لصاحب نصيبها وربنا يكون في عونه زمانه بيكنس عليا السيدة زينب دلوقتي ونازل دعي عليها الله يسامحك يا ابو حميد فكرت الواحد بايام النوم تحت العربية

هههههههههههه وربنا انت عسل ياكورسير

رد: قصة اول عربيه فى حياتك

ربنا يخليك يا لول بس هقول ايه ميجوزش عليها الا الرحمة والدعاء للي اشتراها مني

رد: قصة اول عربيه فى حياتك

ايه يا خونا محدش عاوز يشترك تانى ولا ايه فين بقيه اعضاء المنتدى

رد: قصة اول عربيه فى حياتك

اول عربيه في حياتي 127 توب موديل 72 عربيه كانت لعنه ما كنش فيها حاجه سليمه
لحد الكراسي من الداخل كانت مكسره وكانت راشه دواخل وخوارج والعلب مفتوحه
يعني با لمختصر المزيد كانت عربيه شوربه وكانت ب10000 جنيه سنه 2003 الفتره دي كانت العربيه اللي مالهاش لازمه كان ليها سعر كانت ال31 وصلت ل35000 والبيجو ال 504 وصلت ل45000 وكنت ها اموت واشتري عربيه ولقيت دي في السوق مع واحد معرفه ومكانش عندي اي خلفيه عن العربيات وكنت في رمضان في شهر 11 وكان الجو شديد الحراره وتخيلو بقي علشان اروح بعربيه اشترتها وقعدت معايا 6 شهور اتعلمت عليها السواقه وطلعت الرخصه وبعتها بسرعه غريبه جدا وبنفس السعر

رد: قصة اول عربيه فى حياتك

كانت فيات 126 واتعلمت عليها السواقة والميكانيكا وكنت بقضى معاها كل وقت فراغى اشتريتها سنة 2000 وموتورها كان تعبان اعطاله كتيرة وانا معنديش اى خبرة وكنت بقف مع الميكانيكى اتعلم منه لحد مابقيت اصلح اى عطل فيها لوحدى واشتريت موتور استيراد وبعدها ارتحت من الاعطال لمدة 4سنين لحد مابعتها وجبت 124 ,,,أتوس ,,,واخيرا 131مو77

رد: قصة اول عربيه فى حياتك

ايه مافيش حد تانى ليه ذكريات مع اول عربيه عايزين بقيه اعضاء المنتدى تشارك معانا فينك يا ابو نور مستنى تشرف موضوعى