المشاركة الأصلية كتبت بواسطة خالدخليفة (المشاركة 173601)

والله ياعمنا الحمد لله ربنا باعدهم عنى لانى طريقة سواقتى مرعبة لانى واخد على الطرق السريعة يعنى الاولانى بطلع بيه والتانى معرفوش ولو العربية فيها سابع هنجيبه بفضل الله المهم انا بسبب سواقتى المرعبة نوعا ما(ربنا يعافينى ويهدينى) فالستات ميعرفوش سكتى الا 2 جيراننا يوم ملاقيش مكان فى الشارع غير وراهم او ادامهم اعرف انى هركن واصحى الصبح الاقى العربية مخبوطة غير كده ولله الحمد مفيش غير مرة وكنت فى اكتوبر وجاى ولقيت واحدة معاها شيروكى وماشية مش عاجبها حد وتحدف يمين وتنط شمال وكانها وحدها فى الشارع واخوكو صعيدى وميحبش الظلم وروحت جارى عليها وناطط ادامها ووقفت فجأة ودوست بنزين تانى وبعدت عنها (بمثابة اعلان حرب) وراحت جارية ورايا ورغم ان عربيتى نيسان صنى وشغالة بالغاز يعنى تسارع مفيش لكن موتور مماشاء الله وجريت ورايا مش لاحقانى واضطريت عامل حبة اكروبات بين العربيات فتاهت منى وببص فى المراية ولقيتها جاية فهديت السرعة وهيا شافتنى وقرصتها عقربة وراحت جاية عليا سبتها لحد م قربت وروحت كاسر شمال بين عربيتين ونطيت لادام وببص فى المراية لقيتها مزنوقة وبتشتم واحد ماشى ادامها وفهمت انها ناقصها مدخنة وتطلع دخان وفضلت تطاردنى لحد طلعة المحور وهنا بقى روحت مدى اشارة شمال على انى هطلع المحور وانا مش ناوى اطلعه ولقيتها جاية تجرى عليا ودايسة بنزين بجنون وفهمت ان الموضوع بقى مسألة شخصية وبدل مطلع المحور نزلت من تحت واديت انتظار وببص عليها لقيتها مدية انتظار وعايز ة ترجع وطبعا كان وراها عربيتين لازقين فيها وكلاكسات وزعيق وخناق سبتها بتتخانق معاهم ومشيت ركبت المحور من الجنب التانى
مكنتش بعاكسها والله بس انا مبحبش الظلم والتعالى على الناس واثارة الرعب بينهم ولذلك لما حسيت ان طريقة سواقتى ممكن تضايق الناس بقيت ا دى كلاكس خفيف كده انبه الناس انى جاى

المشاركة الأصلية كتبت بواسطة احمد 2022 (المشاركة 173765)

والة لو راكب معاها مين بالجزمة لو انتى كنت مكانها كان اية الى حصل كانت لمت عليك امة لا اللة الا اللة وصصلحلى واعملى وتتبلى انك كنت بتعاكسها
دول يقعدوا فى البيت احسن

المشاركة الأصلية كتبت بواسطة احمد بدر1978 (المشاركة 173770)

مش قوى كدة هى لو مكانة كانت طلبت تصليح العربة بس

المشاركة الأصلية كتبت بواسطة خالدخليفة (المشاركة 174654)

الشهادة لله انا بزوغ منهم فى المصالح الحكومية لكن فى شركات الاتصالات مبعرفش اول م اطلب خدمة العملاء فى فودافون او اتصالات و ترد عليا واحدة ست اعرف ان مشكلتى مش هتتحل