رد: كل ما تريد أن تعرفة عن الباسات 2010 TSI 1.4 P1
 

يا باشا دي شهادة أعتز بيها والله
ربنا يجزيك خير و يبارك لحضرتك
و ربنا يرزقنا إحنا الإثنين بالفايتون ptmnlo123per159

رد: كل ما تريد أن تعرفة عن الباسات 2010 TSI 1.4 P1
 

ألف مليوووووووون مبروك واختيار موفق فعلا ، الباسات عربية روعة ، وموضوع أكثر من ممتاز .

العجيب والغريب إنها مش بتنزل الخليج إلا 2000 سي سي Tsi بالفتيس الجديد ، ومعندهمش نيه خالص ينزلوها 1400 حاجة عجيبة فعلا .

رد: كل ما تريد أن تعرفة عن الباسات 2010 TSI 1.4 P1
 

إسلام باشا ..الله يبارك في حضرتك و يجزيك خيرا على كلامك الجميل
بالنسبة للخليج أعتقد السبب الرئيسي لوجود النسخة 2.0 هو عدم و جود جمارك زي الإستهبال اللي عندنا
ربنا يرحمنا من السرقة اللي بنتسرقها عيني عينك

رد: كل ما تريد أن تعرفة عن الباسات 2010 TSI 1.4 P1
 

اوروبا يهمهم معدلات الاستهلاك و اقتصاديات التشغيل .. و علشان كده بيحاولو دايما يعملو مواتير بسعات صغيره لاكبر قوه ممكنه
والخليج كل اللي يهمهم الهورس باور والحجم و بالتالي عايزين دايما اكبر مواتير ومش مهم الاستهلاك
احنا هنا بقى عايزين ال 1600 علشان الجمرك بس !!!
لدرجه ان في عربيات مواتيرها اكبر من حجمها زي الفيرنا و الجيتس ولو نزلت بمواتير اصغر محدش يشتريها زي الكيا ريو 1400 مثلا

رد: كل ما تريد أن تعرفة عن الباسات 2010 TSI 1.4 P1
 

فعلا معظم الموديلات اللي شفتها للبيع على النت في المانيا كانت 1.8 TSI
قليل جدا إن الواحد يشوف 2.0 TSI في أوروبا
لكن الإخوة العرب البنزين عندهم بيرخص مش بيغلى و ساعات كتير متلاقيش ال 95 كمان ptmnlo123per111
الحمدلله ان تنك العربية 70 لتر

رد: كل ما تريد أن تعرفة عن الباسات 2010 TSI 1.4 P1
 

بصراحة تقرير رائع وفادني كتير في اتخاذ قرار شراء باسات
أنا اليومين دول باشتري عربية باسات جديدة وعاوز اعرف يا ريت ايه هي الحاجات اللي ممكن اتأكد منها عند الاستلام زي الوظائف الأساسية والكماليات كلها ومحتويات الشنطة ...الخ

رد: كل ما تريد أن تعرفة عن الباسات 2010 TSI 1.4 P1
 

ألف شكر وربنا يوفق حضرتك لما فيه الخير
عند الإستلام طبعا حضرتك تتأكد من وجود كتيب الضمان و دليل الإستخدام و الإستبن و مفتاح العجل و الكوريك و القطرة (شنكل)
طبعا لازم العربية يكون فيها على الأقل 10 لتر بنزين 95
مع التدوير يجب إختفاء جميع علامات التحذير من العدادات
خلال أول 1500 كيلو لا تزيد السرعة عن 150 كيلو في الساعة علشان تليين الموتور و تجنب إرتفاع عدد لفات الموتور يعني بلاش النمط الرياضي
تأكد أن فتحات التكييف اللي في الوسط تعمل بشكل طبيعي حيث ان بعض السيارات الباسات الجديدة تحتاج الى برمجة لتصحيح عمل بوابات الهواء الموجودة في وسط التابلوه
افحص البدن الخارجي للسيارة للتأكد من عدم وجود اي خبطات او تجريح في الصاج