رد: تقرير شامل عن الآفيو
 

يا جماعه انا معايا افيو كورى و مفيش ولا مشكله من دول موجوده الrpm مافهوش حاجه و العربيه ثابته حتى 160 انا مش عارف انتو ظالمنها ليه

رد: تقرير شامل عن الآفيو
 

صباح الخير عليكو اية الى انتا كاتبة دة اكيد انتا بتسمع كتير اعرفك باننى عندى افيو وزى الفل بس فيها عيب واح وهو زيادة لفات الموتور ولاكنة لا يؤثر كتير على السيارة انتا شركتها بدون مبرر اسة كل العيوب دة انتا بينك وبين الافيو اية انا عايز اعرف نوغ عربينك

رد: تقرير شامل عن الآفيو
 

يا جماعة انا كل ما امشى الاقى واحد راكب افيو وملية البلد يعنى الناس الى بتشتريها دة ميعرفوش حاجة ولا اية اعرفكمان اى حد قبل ما يشترى عربية بيسال 1000 مرةقبل ما يشترى وللحق العربية ممتازة مقارنة بغيرها

رد: تقرير شامل عن الآفيو
 

رد: تقرير شامل عن الآفيو
 

الحقيقة انا شوفت حضرتك في منتدي اخر بنفس الاسم وحاطط نفس الكلام
يا استاذي انت كدة بتشوة سمعة السيارة وبتخلي واحد مثلا مشتري العربية مش حاسس بالحاجات دي غزبن عنوا هيقعد يدقق في السيارة ولو فيها مسمار بيزيق هيسمعوا ويدايق ودماغو تبتدي تلعب علشان حضرتك مهندس صيانة فبتشوف الحاجات دي غزبن عن ايرادك لانك مهندس وبتحس بالعربية بس ولاهي اكتر من 10 اعرفهم معاهم السيارة ولا حد اشتكي من اي شي مش معقول كل دول من القلة الي بتذكورهم انهم حظهم حلو والعربية انا سوقتها وعربية ممتازة ثابتة كويس لحد 130 140 عفشة ممتازة اناقة وسع ولا عفشة بتخبط ولا اي حاجة
ومن الاخر كدة لو العربية فيها كل المشاكل ازاي عايشة لحد دلوقتي وانتشرت الانتشار الغريب دة مفيش شارع الواحد بيمشي فية الا وبيكون في علي الاقل 3 او 4 سيارات افيو وسالت ناس كتيرة مش هقول الكل قال ممتازة لا الناس الي اشتكت منها بس بسبب خفتها علي الطريق بعد 130 وعن العفشة انها نشفة حبة
مش هقدر اقول اكتر من كدة لا مش معقول اكتر من كام الف سيارة افيو في الطرق المصرية كلها معيوبة او نسبة ولتكن علي سبيل مثال حضرتك 90% لان حضرتك ذكرت ان واحد من كل 10 اللة اعلم

رد: تقرير شامل عن الآفيو
 

يا أخ أحمد من ناحية اني باشوه سمعة السيارة فأنا بالتأكيد بأذكر عيوبها لأنها معيبة فعلا و ده مابيتقالش عليه تشويه ده بتقال عليه تقييم.
و من ناحية انك سوقتها و كانت ثابتة فأنا ماجيبتش سيرة الثبات و لعلم سيادتك اني قفلت بيها العداد يعني مشيت بسرعة 200 كيلو في الساعة و بالتالي أنا لم أذكر نقطة الثبات بسوء.
أما عن كلام سيادتك إن أنا باشوف حاجات معينة في العربية و باحس بيها فده طبيعي جدا و الطبيعي أكتر ان أنا أنقل ملاحظاتي للزملاء في المنتدى اللي هو أصلا أهم حاجة فيه تبادل الآراء.
في مشاركتك انك قولت انك قريت موضوعي ده في منتدى آخر و بالطبع انت قريت المشاركات بتاعة الناس اللي بتشتكي من العربية و بنفس العيوب و رغم ده انت قولت ان مافيش حد بيشتكي غيري؟؟؟ لمعلوماتك يا سيد أحمد أنا نشرت الموضوع ده في كل منتديات السيارات في مصر و تلقيت عليه عدد جيد جدا من الردود و الميلات يفوق عددها ال 400 كلها و مجموع الردود المعترضة 18 رد فقط منهم رد حضرتك.
و النقطة المهمة ان كون السيارة بها عيوب فده مايمنعش من انتشارها و الدليل على كده انتشار الشاهين و اللادا في الوقت اللي كان فيه في السوق عربيات أفضل زي الإكسيل و الريسر و السويفت و كلها كان سعرها مقارب للشاهين و أرخص من الدوجان. المهم ان فيه أسباب غير جودة السيارة ممكن تبيعها زي مثلا الإشاعات اللي بيقولوها الناس بتاعة المبيعات. و في حالة الآفيو فالتصميم الخارجي الجميل لها هو ما أعتقد أنه العامل الأول في بيعها و يليه احتواؤها على محرك من عائلة المحركات التي أثبتت كفاءة في اللانوس. و أنا اشتريتها بعد أن ركبتها بالفعل خارج مصر في أسبانيا و تخيلت أن الإنتاج المصري سيكون فقط أقل في الكماليات و التشطيب و التقفيل و لكنني فوجئت بأنها سيارة أخرى تماما لا تشبه التي ركبتها إلا في الشكل.
أما أهم نقطة وردت في حوارك يا أحمد هي أن موضوعي سيجعل ملاك السيارة يركزون مع عيوبها و يدققوا فيها و -على حد تعبيرك- دماغهم حاتلعب و ان ده حايضايقهم و هذه المقولة سيادتك مقولة مصرية الصميم و غرضها الغطرشة على عيوب أي شيء طالما كانت عيوب بسيطة أو متوسطة أو كبيرة و لكنها مرت في الخفاء و لم تتحول لفضيحة و لهذا لم أسمعها في أي دولة متقدمة زرتها أو تعاملت مع أحد مواطنيها ,, فالأولوية عندهم هي البحث عن العيوب في كل شيء ثم إصلاحها و يلي ذلك تطويرها.
أرجوك يا أستاذ أحمد ألا تساهم في نشر هذه المبادئ ××××××××××××××××× و التي بدورها تكبل حركة بلدنا و تجذبها للخلف باستمرار

رد: تقرير شامل عن الآفيو
 

عموما حضرتك واستاذي الكريم المبجل انا الحمد اللة مش بساعد في نشر اي شي يودي الي الرجوع الي الخلف انا كل قصدي ان حضرتك بالمنظر لو واحد جايب السيارة ومقتنع بيها هتخلية يشك في نفسوا وفي اي صوت يظهر بالعربية
وبعدين من الواضح ان حضرتك داخل كل المنتديات علشان تحظر من الموضوع مش اكتر
وارجو من سيادتكم مراعاة الاسلوب ×××××× في مشاراكات حضرتك لان حضرتك كدة بتتهمني باتهامات ليس لديها اساس من الصحة