|
رد: وأخيرا ... بريوس تكشف سبب التسارع المفاجئ لسيارات تويوتا
ماهو يا فادى لحد دلوقتى مفيش تفسير واضح للعيوب المزعومة ديه اصلاً وكل يوم نشوف سيناريو جديد وتصور جديد للعيوب ديه بس محدش عارف الحقيقة فين او ايه بالظبط وده مش منطقى وبيؤكد ان الموضوع تصفيه حسابات مش مشاكل تصنيع
حتى الكلام اللى قاله رأفت مسروجة عن عيوب التويوتا فى مصر مجروح لانه كان شغال فى التوكيل نفسه قبل كده ومشوه منه وبعد كده رجعو غيرو الكلام وقالو ان الحالات اللى فى مصر غالبيتها كان بسبب عدم دراية اصحاب السيارة بالاستخدام الامثل للفيس ال mmt وبعدين باى منطق شركة كبيرة زى تويوتا ليها مصانع واسواق فى العالم كله تعرف بعيب او عيوب على مدى سنين ومتصلحاش فى الاصدارات اللى بعدها وازاى عربية زى البريوس اللى كانت ثوريه والاعلى مبيعاً فى فئتها واشتراها مواطنين وممثلين وصفوة المجتمع الغربى يطلع فيها عيوب كارثية بالشكل ده ومنسمعش عنها غير دلوقتى انا شايف انه اغراق اعلامى ودعاية سلبيه موجهه حتى الان لا يوجد دليل دامغ على صحتها |
رد: وأخيرا ... بريوس تكشف سبب التسارع المفاجئ لسيارات تويوتا
اقتباس:
شهر اغسطس 2009 .. ظابط امريكي عنده 45 سنه و زوجته و اولاده كان مأجر عربيه ليكزس موديل السنه -2009 - في هاي واي اتصل بالطوارئ و بلغهم ان بدال البنزين علق و مش عارف يوقف العربيه على سرعه 125 ميل للاسف الهاي واي انتهى والعربيه تجاوزت السور واتحرقت و اتفحمت بالركاب ... و بالتالي مقدروش يعملوا اي تحقيقات حول الحادث لكن في نفس الوقت محدش مصدق ان ظابط امريكي متمرس مقدرش يسيطر على عربيه ويفرملها الحادثه دي كانت البدايه ... وابتدت معاها النظريات و الفرضيات الاول موضوع الدواسه الاضافيه اللي ممكن تشبك في دواسه البنزين ... لكن العربيات المؤجره مفيهاش دواسات اضافيه ... طيب الدواسه الاصليه مش متثبته في مكانها كويس ... وده لانه كان حدث في 2007 استدعاء بسبب الدواسات .. فقالك هو ده السبب .. لكن برضو مش مقنع ان ظابط متمرس معرفش يتعامل مع دواسه فقالك طيب يمكن العيب في دواسه البنزين نفسها وانها ممكن نتيجه ظروف بارده قاسيه مع تشغيل تكييف سخن يحصل تكثيف ويزيد معامل الاحتكاك و الدواسه تعلق قامت تويوتا استدعت اكتر من 8 مليون عربيه و عملت تعديل يتلافى الاحتمال ده لو حصل طيب حتى لو الدواسه علقت ما هو كان ممكن يدوس فرامل وبالتالي محدش إقتنع ان هو ده السبب اللي مقدرش يتعامل معاه الظابط المتمرس قالك ما هو البنزين مع الفرامل متوقفش العربيه .. عملو تجارب و لقو ان الفرامل اقوى و توقف العربيه حتى لو دايس بنزين بس تويوتا قالت انا حركب نظام يخليك لما تدوس فرامل البنزين يفصل و حتى لو كان ده السبب وحتى لو الدواسه علقت ما انت ممكن برضو تمور الفتيس (على الN ) و تدوس فرامل ... وازاي الظابط المتمرس مفكرش يمور الفتيس طالما البنزين معلق !!! قالك العيب اليكتروني و ظهر البروفيسور الامريكي ديفيد غيلبرت على قناه ABC وعمل تجربه تسارع غير مقصود لعربيه تويوتا وقالك انه ممكن يكون خلل في الانظمه وبالتالي مفيش تحكم لا فرامل و لا بنزين ينفعو ... و الناس قالت بس هو ده ptmnlo123per154 لكن ظهر ان في تواطؤ و خداع منه هو و القناه و انهم فبركو الموضوع و لا يمكن يحصل بالطريقه دي طبعا خلال الحوار ده كله اللي طلعت تقول انا عربيتي خيشت من 4 سنين و مكنتش عارفه السبب و اللي تقولك انا وقعت بالعربيه في المياه مع اني كنت دايسه فرامل بس العربيه مرضيتش تفرمل فلمو ال 56 حادثه بسبب التسارع ... (قبل تويوتا كان معنى التسارع انه السائق يزود سرعه العربيه و ميعرفش يوقفها ) لكن دلوقتي بقى معناها ان العربيه هي اللي بتزود السرعه من نفسها ... واخد بالك يا ريس يعني التأمين و التعويضات و القضايا حتشتغل على ودنه زي ما صاحبنا حاول يفبرك موضوع البريوس وطلع مفلس و مديون ب 700 الف دولار التحقيقات شغاله ... و محدش قادر يثبت اي حاجه لحد دلوقتي ... وكل ما يجيبو عربيه و يعملو عليها اختبارات تطلع سليمه !!!!! وتويوتا شغاله بسياسه التحسيس و الاعتذار .. لكن في نفس الوقت بتفند كل الاتهامات منين بقى سيادتك اصدرت حكمك !!! اذا كانت اللجان الفيدراليه لسه مش عارفه السبب ... يبقى ازاي حيحاكمو تويوتا انها كانت عارفه السبب و مخبياه ... اذا كانو لحد دلوقتي مش عارفين السبب من الاساس ptmnlo123per1106 بغض النظر الحادثه كانت فعلا مؤلمه و قاسيه .. و للأسف مقدروش يكملو فيها التحقيق بسبب الحريق ... http://www.youtube.com/watch?v=KHGSWs4uJzY&NR=1 http://www.youtube.com/watch?v=gZWPI...eature=related http://www.youtube.com/watch?v=u53oRzkRIbY&feature=fvw لكن لو كانت تويوتا زي ما بتقول اقتباس:
طيب على الاقل تويتا بتعالج العيوب اللي بيدعوها ... شركه غيرها عندها عيوب جوهريه في تصميماتها و موتت 2000 واحد واترفعت عليها قضايا و فضلت تدفع تعويضات ارخص ما تستدعي عربياتها و تصلح العيوب اللي فيها ..... ولا اكمنها امريكاني يبقى منهم فيهم ... تموت الناس براحتها متهيألي كفايه كده عليا معاك بس الموضوع ملك للناس كلها و اتفضل شارك و ناقش الاخوه الاعضاء زي ما يعجبك ... وقول ارائك و معتقداتك زي ما انت عايز ... بس اعفيني من الاستمرار معاك في النقاش ... اللي بالنسبه ليا لا بيودي و لا بيجيب سيبني بقى اشوف اكل عيشي ... يا اخي اياكش تولع ... تويوتا على فورد ptmnlo123per172 |
رد: وأخيرا ... بريوس تكشف سبب التسارع المفاجئ لسيارات تويوتا
** تويوتاتين أكثر من تويوتا ** |
رد: وأخيرا ... بريوس تكشف سبب التسارع المفاجئ لسيارات تويوتا
اقتباس:
لكن لا تنسى ان تويودا اعترف بنفسه أن تويوتا أهملت الجودة, و ركزت على التوسع, نفس الكلام اللى انا بقوله من سنة, تويودا النهاردة جاى يقول نفس الكلام اللى انا كنت بقوله, يا سبحان الله. بجد برافو عليا. قلت هذا الكلام وسط العاصفة. و الأن ثبت صحته و ظهر للجميع كيف كنت بعيد النظر لأبعد حد. اقرا الموضوع ده يمكن يفيدك http://www.masrmotors.com/vb/showthread.php?t=21333 و لا تنسى ان اليابان نفسها انتقدت تويوتا و اهمالها و تسببها الاضرار بسمعة الصناعة اليابانية ككل, طب اليابان كمان متواطئة و بتتأمر على تويوتا؟! اقتباس:
يا سيدى قانون الصناعة هو اصلاح عيوب الصناعة من قبل الصانع, هذا شىء ملزمة به اى شركة سيارات. اقتباس:
أو ربما يكون السبب الحقيقى مصيبة تويوتا لا تريد الكشف عنها, و بتلبسها فى الدواسة. ليه؟ لأن اكتشاف العيب هيؤدى الى استدعاء عدد كبير من السيارات, و خسارة مالية للشركة و على مستوى السمعة طبعا. اقتباس:
بقولك ايه, تعيش تويوتا, فداكى يا تويوتا!! نموت نموت و تحيا تويوتا, ربنا يوعدنا كده بموته جوه حتة بريوس من اللى بتحافظ على البيئة, و لا حتة لكزس عشان الواحد يموت و هو مبسوط, اصل الجماعة اليابانيين مبيغلطوش حتى الموت, ليه نظام عندهم! انا مش هتكلم تانى لأنك لا تتقبل كلامى, و يا سيدى نستنى نتيجة التحقيقات و نشوف, و لا طبعا هتقولى أصل القضاة كانوا متربصين. سلام! |
رد: وأخيرا ... بريوس تكشف سبب التسارع المفاجئ لسيارات تويوتا
واللـه يا سـامح انت وفادى بتفكرونى بنكتة " هونجا حتى الموت " ههههههه:ROFL_C~118:
لآ وسيادة اللواء كل النار ما تهدى بيولع فيها ! هههههههههه:bat_467: هكذا من المناقشات الحاميه ....من الرأى والرأى الآخر.....نصل الى الحقيقـــه !!!!! Dr. Bolbolan من قناة الجزيييييييييييييييره ! :HAPPY_~211: |
رد: وأخيرا ... بريوس تكشف سبب التسارع المفاجئ لسيارات تويوتا
اقتباس:
انا حاولت اعرض كل اللي اعرفه و اقول وجهه نظري الشخصيه و طلبت الناس تقول رأيها .. وابسط دليل اني كنت عملت من سنه او اكتر موضوع عن الفتيس الخلوزعي mmt و زميلنا ايمن عبد الرازق لما طلب مني موضوع عنه يقصد موضوع تاني عنه لانه شافه وعلق عليه و اليومين دول حصلت تطورات و اتضح ان كلامنا عنه كان صح فعلا كل الحكايه اني بحاول اكون حيادي على اد ما اقدر .... يعني مش كله دفاع عن تويوتا و لا كله هجوم على كل ما هو اسيوي و خلاص تويوتا فعلا اعتماديتها قلت .. وفي مشكله و تحقيق وجدال كبير ....لكنها لسه برضو اعتماديتها افضل من عربيات تانيه و شركات تانيه كتييير ... بس للاسف العجل سكاكينه كترت عن نفسي معتقدش اني ممكن افكر اشتريها لاني بتمن الكورولا ممكن اجيب برافو مثلا و الياريس موتورها صغير على اوتوماتيك و الكامري الي الجحيم بجماركها ... يعني اجيبها و اسيب الاي كلاس !!! معلش داخل من الموبايل مش عارف اشكر او اجيب روابط موضوع الفتيس ال mmt موجود في توقيعي (قائمه موضوعاتي المفضله )واسمه (الصحافه المدفوعه و المراره المفقوعه) و هونجا الي الابد دي مش بتاعتي خااااالص حتى شوف الموضوع كده و انت تعرف |
رد: وأخيرا ... بريوس تكشف سبب التسارع المفاجئ لسيارات تويوتا
و الله يا دكتور ،،
مش بشعللها و لا حاجة ،، بس مينفعشي لو الأهلي اتغلب ادافع عنه ،، استني يومين كده لما الأهلي يرجع يفوز تاني و اطلع لساني لكل المنافسين إلا بقه لو زملكاوي مافتحشي بوقي خالص |
| الساعة الآن 04:44 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017