|
رد: هل الكلام السيئ اللي بنسمعه عن الميجان هيبقى موجود في الفلوينس؟؟
هو انا نفسي اقول كلمه عامه شويه دون الدخول في تفاصيل موديلات الميجان 2 مع اني شفت بنفسي في جاري مشاكل مع الميجان 2 2007 ولحد ما باعها و جاب اوكتافيا
بس مش دي القضيه .. اللي عايز اقوله ان الرينو مش عربيه واحده ... يعني مش بسبب الميجان 2 بقت رينو وحشه واي عربيه رينو تبقى كذا و كذا طيب ما هي رينو و نيسان في تعاون مشترك ... ليه مبنسمعش الكلام ده عن نيسان مثلا برغم اني مش من ملاك الرينو و لا عمري امتلكتها ... لكن مقدرش انكر ان الفلونس عجبتني جدا حدا بس في نفس الوقت معتقدش اني ممكن افكر اشتريها حاليا .. ليه لسبب بسيط جدا .... ان سعر اعاده البيع للميجان 2 وحشه جدا .. وزيها زي البرافو اللي يمكن بقالها 3 سنين عجباني جدا ... لكن معتقدش اني ممكن افكر اشتريها ... ليه برضو .. لأني (بغض النظر عن اي عوامل تانيه ) مش لاقي فلوسي في الشارع علشان اجيب عربيه و وبعد كام سنه لما افكر اجدد الاقي نفسي بادي من الصفر :( بس في فرق بين البرافو و الفلونس ( البرافو مجرد مثال للعربيات اللي سعرها بيقع في اعاده البيع) البرافو مشكلتها انها عربيه شبابي و مش منتشره ... وتيربو وفتيس ديوال لوجيك ... يعني التوكيل لا مفر منه لكن الفلونس عربيه لسه جديده و بتقول يا هادي ... ورينو نفسهم قالو انهم في الميجان الجديده (هاتشباك الفلونس ) تغلبو على تعقيد التصميم اللي في الميجان 2 .. و زودو اعتماديتها يعني الكلام ده لو صح في خلال سنه واحده ممكن نلاقي الفلونس قفلت على عربيات زي السيراتو و الانسر واللينيا و تاخد من الكورولا و السيفيك بس تثبت نفسها :) وساعتها ... عن نفسي على الاقل ... حفكر فيها قبل السيراتو او اللينيا .. واكيد قبل الكورولا لكن كل اللي اقدر اقوله عنها دلوقتي انها حلوه كشكل و مواصفات ... ومعتقدش ان حتى اللي اشتروها يقدرو يقولو اكتر من انطباع اولي عنها مفيش عربيه تبان لبتها قبل سنه على الاقل :( التوكيل انا جربت توكيل كيا مع صديق ليا ... و شفته احسن من غبور مثلا .. على الاقل في الزحمه و التعامل ... يمكن ساعه الراحه او الغدا هي اللي غريبه شويه بس معتقدش ان نصير رينو حيبقى اقل او اوحش من نصير كيا اقعدوا بالعافيه ... والسلام عليكم و رحمه الله و بركاته .... |
رد: هل الكلام السيئ اللي بنسمعه عن الميجان هيبقى موجود في الفلوينس؟؟
اقتباس:
انا عن نفسى ركبت الفلوانس ولما ركبتها حسيتها مختلفه عن الميجان 2 والعربيه دى مبنيه على نفس موتور وعفشه الميجان 2 مع استبدال الفتيس وبعض الحاجات البسيطه بس اهمهم الفتيس اللى الناس اشتكوا منه عشان كده انا متوقع للعربيه دى انها هتنجح بس لو الناس تسيبها شويه من فكره اللى معاه رينو ربنا يعينو:HAPPY_~211: وعلى فكره دى عربيه ابن خالتى وهو عضو جديد معانا فى المنتدى اول واحد يجيب فلوانس على فكرهptmnlo123per122 |
رد: هل الكلام السيئ اللي بنسمعه عن الميجان هيبقى موجود في الفلوينس؟؟
الف مبروك ...
هي العربيه فعلا ابتدت تنتشر لسه شايف واحده امبارح والنهارده اتنين ... لو بكره شفت تلاته يبقى حتغرق البلد على اخر السنه :) وفي انتظار التقرير يا اسلام باشا على احر من الجمر |
رد: هل الكلام السيئ اللي بنسمعه عن الميجان هيبقى موجود في الفلوينس؟؟
مشكورين كلكم يا جماعة على الاهتمام بجد انتم ناس محترمين انا رأيي اني اصبر كام شهر كده على العربية لغايط ما اتأكد و عن نفسي مش هتفرق معايا سعر اعادة البيع لاني بجيب عربية تعد معايا فوق ال10 سنين "كان معايا فيات 132 اعدت 18 سنة معايا P:" و مش من النوع اللي بيغير كتير
|
رد: هل الكلام السيئ اللي بنسمعه عن الميجان هيبقى موجود في الفلوينس؟؟
اقتباس:
متشكر جدا يا باشا بس ياريت تقولى عن قطع الغيار ايع ظروفها وادينى امثلة والصيانة عاملة ايه معلش هتعبك معايا |
رد: هل الكلام السيئ اللي بنسمعه عن الميجان هيبقى موجود في الفلوينس؟؟
احب أقول انى معايا رينو من 2003 كليووأقل حاجة اقولها انها عربية ممتازة من وجهة نظرى ويم ما اغير حجيب رينو تانى والكلام دة بقولة بصدق مش دفاع وبس
|
رد: هل الكلام السيئ اللي بنسمعه عن الميجان هيبقى موجود في الفلوينس؟؟
مش معني ان عربية او اتنين طلع فيهم عيوب يبقي كل الرينو وحش انا لي اكتر من واحد معاه ميجان 2 و وعمرهم ما شتكو من حاجة ولا هي بتبقي حظوظ
|
| الساعة الآن 02:12 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017