رد: جولف 6 ولا فيات برافو T-jet ؟
 

بردو انا متحيز للبرافو لانها افضل في المقارنه دي

رد: جولف 6 ولا فيات برافو T-jet ؟
 

انا من ضمن الفريق المتحيز للجولف

اولا : نقطه مهمه جدا وهى عراقه شركه فولكس فاجن الالمانيه فهى اقوى جدا جدا جدا من فيات الايطاليه

ثانيا : الجولف ك شاسيه مبنى عليه اكثر من عربيه مثل الجيتا والاوكتافيا والاودى
موتور الجولف 1600 الى بيدى 102 حصان موجود فى الجيتا والاوكتافيا والاودى
وكلهم عربيات فى منتهى الروعه والدليل على ذلك انتشارهم باستثناء الاودى الى مالهاش سوق فى مصر

ثالثا من ناحيه الاداء الرياضى : دى مساله نسبيه
لو انت استخدامك للعربيه هيكون فى رالى او سباق عربيات يبقى انت بتدور على موتور اقوى وسحب اعلى وتسارع اعلى وفى النقطه دى العربيات اليابانى تكسب
مثل السيفيك والكورولا وال لانسر والسوبارو كلهم عربيات فى منتهى القوة والتسارع اعلى بكتير جدا من الجولف

من ناحيه الثبات والاتزان فطبعا العربيات الالمانى مثل الفولكس والفورد والاوبل ثم باقى العربيات الاوروبى مثل البيجو والفيات والسيات

من ناحيه الكماليات : دى مسأله نسبيه
فكل عربيه وكل موديل ليه مميزاته وكمالياته
فمش هتلاقى عربيه فيها كل المواصفات والكماليات والموتور والسحب والاداء الا المرسيدس وال BMW

انت لو استخدامك للعربيه جوه المدينه او داخل مصر عامه تبقى الجولف اقوى
لو انت فى دوله من دول الخليج او اوروبا او هتسافر بيها بره مصر تبقى اى عربيه تانيه غير الجولف

ربنا يوفقك

رد: جولف 6 ولا فيات برافو T-jet ؟
 

هعلق على النقطة دى بس لأنها غريبة شوية,
على حد علمى فان التسارع و السرعة القصوى يعتمد بالأساس على منحنى العزم (و الذى تعطى القوة الحصانية و العزم الأقصى فكرة عن شكله لمحركات تستخدم نفس التقنيات) و المقاومات التى تواجه السيارة (الوزن, مقاومة الهواء, و غير ذلك), بالاضافة الى علبة التروس طبعا و نسبة التخفيض و الدفع خلفى ام امامى.
و يحتسب أداء السيارة بالاعتماد على هذه الأرقام, و لا يوجد بالحسبة اى عوامل تعتمد على ماركة السيارة أو بلد الصنع!! لذا لم افهم كيف تكون الهوندا ذات ال120 حصانا مثلا اسرع من البرافو ذات ال150 حصانا؟!! رغم ان المحركات الأسيوية عموما أقل كفاءة و تكنولوجيا من مثيلاتها الأوروبية! مع العلم ان السيارات الايطالية هى الأفضل على صعيد المحركات و الأداء الرياضى(حتى أفضل من الألمانى بكثير) لأنها تسيطر تقريبا على معظم السباقات المهمة(الشركات اليابانية تشارك فى معظم السباقات ايضا لكنها لم تحقق النتائج المرجوة!!!!).

الثبات بالذات تشتهر به السيارات الفرنسية و خاصة السيتروين, قبل الألمانى. الألمانى ليس مميزا على هذا الصعيد أبدا.

رد: جولف 6 ولا فيات برافو T-jet ؟
 

سترون هي العرفت العالم معني الثبات الحقيقي ده صحيح

رد: جولف 6 ولا فيات برافو T-jet ؟
 

مع احترامي الكامل ليك يا شريف . بس هيا فعلا جولف 6 1600 خليجي . انا رحت النهاردة وشفتها في المعرض واتأكدت بنفسي




شكرا ليك على ردك واهتمامك بس ممكن توضحلي تقصد ايه بالمعاملة الخاصة في قطع الغيار و التوكيل ؟

وكمان كنت احب استفسر منك اكتر عن النقطة اللي ذكرتها هنا وشكرا ليك مرة تانية

رد: جولف 6 ولا فيات برافو T-jet ؟
 

يجوز طبعا
لان في 2009 ال5 و ال 6 كانو موجودين في مصر
و برضة نفس الكلام يسري مع ان الاوبشنز هتبقي احسن

رد: جولف 6 ولا فيات برافو T-jet ؟
 

مشكورين لكل الناس اللي ردوا عليا وساعدوني . بس كان عندي استفسار تاني بخصوص عيوب البرافو والليون ..
ياريت كمان لو حد عنده اي معلومات عن التوكيل بتاع البرافو ( أوماترا مصر ) عشان انا سمعت ان خدمة ما بعد البيع ومركز الخدمة سيء جدا وحابب اتأكد من الكلام دة