رد: باركولى على الالنترا يارجاله
 

ارتحت ليها جدا الالنترا وكنت قريت ان سمير ريان راجل محترم وتعاملاته مضمونه
نصايح ابو نورا
رحت هناك وقابلت شخصيه محترمه قوى اسمه سمير عوض فرجنى على كل حاجه نفسى فيها
واختارت بناتى نوران ومريم 8 سنين و7 سنين اللون النبيتى مع انى مكنتش مقتنع بيه قوى
(تحس ان العربيه طالعه من علبه كاتشاب)

رد: باركولى على الالنترا يارجاله
 

العرض كان من اوتو سمير ريان ان غبور منزل 3 الاف جنيه على الالنترا والنيو اكسنت ومن المعرض حوالى 500 جنيه كمان
جبت المانيوال كمالياتها
تكييف وباور وسى دى mp3
و usb ومرايات كهرباء
اه بالمناسبه انا جربت الباور الكهربا لما اجرتها 2010 لقيته بيبتدى يتقل كل ماتزود سرعه يبدو انه كان فيه عيب وعملوه خلاص
توكلت على الله ورحت استلمت امبارح وسقتها بصراحه حاجه جميله ماشاء الله

رد: باركولى على الالنترا يارجاله
 

النهارده جه معايا مندوب من عند سمير ريان وخلصت الاجراءات فى 20 دقيقه فى مرور عبود الملعون
انا مش مصدق نفسى بصراحه
وعملت جوله بالعربيه فى الزحمه وعلى الاوتوستراد وطريق السويس بس مازودتش السرعه عن 100 وفعلا الباور بيتقل كل ماتزود سرعه وعفشه ناعمه جدا واخدت بيها كل المطبات اللى ممكن تتخيلوها ماحكتش ولا مره (كان معايا مراتى وامى والبنتين
انشاء الله كوريا هاتاخد كاس العالم اللى جاى

رد: باركولى على الالنترا يارجاله
 

الله يباركلك فيها ويديك خيرها ويكفيك شرها وشر المستخبى وشر الطريق وشر المطبات والمنحنيات وامناء الشرطة والميكروباصات
رجاء : اجعلها اداه فى طاعة الله

بس ياريت تقولى اللانوس كانت تعباك فى ايه فى الوقت الاخير عشان انا معايا لانوس 2010- ويمكن من تجربتك اتعلم .

رد: باركولى على الالنترا يارجاله
 

يا ريت أنا محتاج نصيحة لله لأنى هأشترى خلال يومين أجيب النترا ولا سيراتو ولا صنى

بانتظار النصيحة على وجه السرعة

رد: باركولى على الالنترا يارجاله
 

مبروك كمان مرة يا علاء باشا وعقبال ال bmw
بس سؤال هو مش المفروض انا لو جايب العربية كاش انا اللى بخلص الترخيص مع نفسى فى المرور
معلش انا بسأل علشان حكاية المندوب اللى خلص الليلة فى ثلث ساعة , ده كان بطلب منك ولا خدمة من سمير الريان ولا ايه بالضبط
اه و مستنييين التقرير

رد: باركولى على الالنترا يارجاله
 

ربنا يباركلك فيها ويكفيك شرها ان شاء الله