المشاركة الأصلية كتبت بواسطة SAbuhashem (المشاركة 121108)

في عربيات كتير مينفعش تمشي ببنزين أقَل من 95 زي معظم عربيات فولكس الجديدة وبعض عربيات فيات وغيرها كتير



وإذا حطيت بنزين 92 أكيد هتضرالموتور على المدى البعيد والمدى ده هيقصر لو كنت من هوآه الشد وخلافه



والسبب في ده هو حدوث الصفع أو التسقيف في الموتور وعلى فكرة التسقيف مش دايما بيكون مسموع ممكن يحصل ويدمر الموتور ومتسمعش خصوصا على النقلات بعد التاني



طيب الحل إيه ؟



الحل في الريماب أو الريفلاش لكمبيوتر العربية وعمل تيوننج ليه على بنزين 92 بحيث إنه يتقبل معطيات الهوا اللي في مصر - وعلى فكرة الكمبيوتر بيقرا الهوا في كل بلد بطريقة مختلفة - و البنزين اللي هو 92 ويظبط الشرارة الكهربائية بدون حدوث الصفع



عملية التيوننج دي بتتعمل بكل بساطة



التيوننج ماب بتتعمل مخصوص لكلل عربية على حدة وبيعملها التيونر وهو جنبك وفاتح الاب توب وموصله بكمبيوتر عربيتك علشان يعرف يقيس المتغيرات على كل سرعة و يدي لكمبيوتر عربيتك أحسن اوامر يتبعها في الخريطة الجديدة



الكلام ده طبعا بيتعمل برة على جهاز داينو احنا هنا بنعمله على الدائري بليل علشان بيكون فاضي وتعرف تجيب سرعات لمسافات بدون عوائق تخليك تعيد كله من جديد


الموضوع ده ممكن تطلع بيه بـكام حاجة كويسة



1 استخدام بنزين 92


2 استهلاك بنزين أقَل


3 قوة حصانية وعزم أعلى وبالتالي تسارع أعلى


4 سرعةقصوى أعلى

5 العربيات التربو زي الجولف والبسات والبرافو يعرف يفتح بوست أعلى ويفتح معاه اسطبل احصنه في الموتور



مش كل الكمبيوترات ممكن تقبل مابات لكن ممكن تركب شريحةعلى الكمبيوتر متحمل عليها المابات الجديدة


الموضوع ده هيتكلف حوالي 600 ل 1000 جنيه


لو هتركب شريحة تمنها ممكن يكون حوالي 1200 - 1500 جنيه وطبعا دي علشان دي عربية عادية


لكن السوبر كارز الارقام دي بتضرب في 10 ااضعاف زي ماينز و غيرها من عمالقة تعديل كنترولات العربيات .




اعتذر عن اسلوب الكتابة بس حبيت ابسط الامور على قدر الامكان بلغة الإنجليزي المتعرب



السلام عليكم