مصر موتورز مجتمع السيارات - بتدي عربيتك لحد؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - بتدي عربيتك لحد؟؟؟؟؟؟ (https://www.masrmotors.com/vb/showthread.php?t=18020)

رد: بتدي عربيتك لحد؟؟؟؟؟؟

اقتباس:

المشاركة الأصلية كتبت بواسطة shooter123 (المشاركة 118421)

اجرب مين يا عم اجرب في 65 الف جنية ؟؟؟؟؟؟؟؟
كان ممكن اجرب لو معايا 128

:)
طب ما انا بجرب في 95 الف و الحمد لله ربنا بيسترها:)
بص طول ما الواحد نيته كويسه عمر ما ربنا بيخيب ظنه
يعني لما يبقي حد و عارفه كويس و عارف انه امين و بيسوق كويس و طلب العربيه
مفيش مشاكل و حتي لا قدر الله لو حصل حاجه يبقي دا قدرها مش اهمال منه

رد: بتدي عربيتك لحد؟؟؟؟؟؟

يا نهاااااااااااااار بتجرب في 95 الف ptmnlo123per154 انت قلبك ميت بجد
ثم انت بتقولي لو حصل حاجة يبقي قدرها كدا ؟؟ طيب ازاي يعني لما تحط البنزين جنب النار ويولوعوا ترجع تقول قدرهم :waving: صباح الفل
يا عم خاف علي عربيتك عشان لما تيجي تبيعها تلاقي فلوسك ولا انت مش فارق معاك فلوسها؟
اصل انا قبل ما اشتري اخر عربيه معايا كنت راكب لانوس وكان نفسي اركب ياباني والحمد لله ربنا وفقني بعد تعب جاااااامد والله اني اجيب الفرق فحاسس اني بجد تعبت في فلوس العربية عشان كدا بخاف عليها يمكن ازيد من اللازم
وبجد انت تاخد لقب ابو قلب مييييييييت

رد: بتدي عربيتك لحد؟؟؟؟؟؟

اقتباس:

المشاركة الأصلية كتبت بواسطة hazem_khidr (المشاركة 118710)

أنت راجل محترم جدا والله أنا بعمل زيك كده بالضبط و لأن أنا إتعمل معاية كده برضه وإتعلمت على نفس الوضع ده في عربيات ناس تانية ولازم تثق يا شوتر إن اللي هيحصل لعربيتك وهيه معاك هيحصلها وهيه مع غيرك طالما مكتوب لها كده إتوكل إنت وسيبها على الله أنا متعلم السواقة على عربية ب 115 ألف وكنت بخدها لوحدي بعد مبدأت أسوق بإسبوع وكنت بقول لصاحبها اللي حصل معايه بالتفصيل كلت مطب حكيت وأنا بركن كده وكان عادي يقولي خد باللك جت سليمه لأنه راجل وعارف إنه كان كده في يوم من الأيام ودلوقتي بعد 4 سنين سواقه لو إتصلت بيه وقلتله هوه أو حد غيره من إتنين تلاتة صحابي عمرهم يقولوا لأ لأنهم عرفين سواقتي وبعدين بص أكيد كتير بتبقي عايز تجرب عربية حد أو تاخد بيها لفة وبعدين مش كل من هب ودب ممكن تديله عربيتك ممكن الناس اللي قريبين منك و الللي محتجها بجد فعلا مش واخدها يتمسخر بيها لأنها( كما تدين تدان ) بس بإختصار طبق الجملة دي وإنت هتلاقي نفسك بتسوق عربية غيرك بإحترام بالتالي هوه هيسوق عربيتك برضه بإحترام وعموما هيه وجهات نظر وطبيعة شخصية مع إحترامي للجميع تحياتي :waving::waving::waving:

رد: بتدي عربيتك لحد؟؟؟؟؟؟

ممكن ادى العربيه لواحد صاحبى يسوقها وهو معايا
لكن اديله العربيه لوحدوا لايمكن ابدا ابدا ابدا ابدا ابدا ابدا ابدا

رد: بتدي عربيتك لحد؟؟؟؟؟؟

اقتباس:

المشاركة الأصلية كتبت بواسطة shooter123 (المشاركة 118806)

و مين قال اني بحط البنزين جنب النار
انا لو تلاحظ بقولك بديها لناس بثق في سواقتهم جدا
و ناس بتعرف تسوق
الكلام دا لو بدي العربيه لواحد مش بيعرف يسوق يبقي اه بحط النار جنب البنزين
انا معاك ان في نوعيه مش بتحافظ علي حاجه الناس
و النوعيه دي بتبان علي طول و عمري ما اخليه حتي يسوق العربيه و انا جنبه
و كان ليا واحد صاحبي كده بيركب عربيته يحسس عليها
و مره كان معاه عربيه واحد قريبه و كان قارص عليها جامد
فبقوله بالراحه لقيته بيقولي يا عم هيا عربيتناptmnlo123per111
طبعا واحد زي دا لو اتنطط قدامي عمري ما اخليه يركب علي الكرسي اليمين حتي ههههههههه

رد: بتدي عربيتك لحد؟؟؟؟؟؟

كلام استاذ حازم صح 100%

يعني لو حضرتك بعد الشر عملت حادثه بالعربيه ....

مش ممكن تاخد عربية اخوك ؟؟؟

هي مش مسالت فلوس ولا حاجه ...مسالةامانه ...

انت مش بتجيب عيل تقوله سوق ...بتجيب واحد بيعرف يسوق

ولو خد العربية اي حد هيحصل ليه ايه هتصغر ...؟؟؟

ما هو لو شاريها مستعمله هتلاقي ميت واحد سا يقها قبلك صح ...؟؟؟؟؟تبقى عربية زباله بقى ؟؟؟

صح ولا غلط .؟

رد: بتدي عربيتك لحد؟؟؟؟؟؟

مش اى حد طبعا ممكن يركب عربيتي ...ده اولا

ثانيا بقى لازم اكون انا قاعد جنبه ,,,,,,, حتى لو هيزعل مني يتفلق المهم ابقى شايف الى حصل في عربيتي ..

مش مشكله عندى انها تتخبط او الكلام ده لان ده نصيب دى العربيات بتتخبط وهي واقفه مكانها بس المهم ابقي عارف الى بيحصل فى العربيه عشان مجيش اركب وراه والاقي حاجه يركبني ميت عفريت وخصوصا انى الحمد لله بسوق من التوكتوك لغايه اللوادر ال66 ...... يعنى رجلي حساسه شويه بزياده

وتسلم ايدك على الموضوع يا ريس