رد: حافظ على نفسك وعلى غيرك اثـناء القيادة
 

رد: حافظ على نفسك وعلى غيرك اثـناء القيادة
 

جزاكم الله خيرا
مفروض طبعا انك تفهم اللى جاى وراك انك حتهدى السرعة فلازم تشغل انتظار
والغريبة ان كتير من المصريين فاهم ان الانتظار معناها انك هتقف خالص مع ان معناها اصلا انك حتهدى السرعة تمهيدا لوقوفك وممكن متقفش ولكن تبقى قللت السرعة
وانا شخصيا كتير باعتقد ان اللى ماشى امامى هيدخل يمين لما يدى اشارة يمين وخصوصا لما يكون الشارع مزدحم والمسافات ضيقة وافهم انه هيخرج من الطريق الى اى شارع يمين واجهز نفسى ادخل مكانه ثم أفاجأ انه وقف
واذكر انى كنت ماشى فى شارع عين شمس وجاى من عين شمس الى حلمية الزيتون وهو ملىء بالمطبات الصناعية
ونظرا لانى واخد على السواقة على الطرق السريعة فكنت قبل كل مطب بشغل انتظار وكان الناتج ان واحد جاى ورايا شتمنى
وقال / يا............ لما انت مش هتقف بتدى انتظار ليه ؟؟؟
ولما قلت له / انى بديك انتظار علشان اعرفك ان فى مطب جاى وبنبهك علشان تهدى السرعة ..........انا غلطان ؟؟؟؟
شتمنى تانى وسابنى ومشى
والقصة دى هى احد اسباب كتابة هذا الموضوع
وخصوصا انى لما راقبت تصرفات الناس فى الشارع لقيت عندهم مفاهيم غلط كتير
فقررت احاول تصحيحها وخصوصا ان الطرق السريعة بشوف عليها بلاوى
والسبب الرئيسى ان الباشوات بيتصرفو هنا غلط فلما بيطلع على الطرق السريعة
ياأما بيبقى خايف ومعتبر كل اللى حواليه مجانين
أو بيتصرف زى مبيتصرف فى المدن وبيكون الناتج سيء فى الحالتين

رد: حافظ على نفسك وعلى غيرك اثـناء القيادة
 

رد: حافظ على نفسك وعلى غيرك اثـناء القيادة
 

كلام جميل بس فين الى يسمع

رد: حافظ على نفسك وعلى غيرك اثـناء القيادة
 

العفو ياحبيبى ونورتنى

اكيد اللى بيسمعو كتير واللى هينفذوا كتير برضه ولو واحد فقط استفاد من الموضوع ده يبقى الموضوع جاب نتيجة
فقد قال رسول الله (صلى الله عليه وسلم )
لان يهدى الله بك رجلا خير لك من حمر النعم
وفى رواية
خير من الدنيا وما فيها
صدق رسول الله


ملحوظة صغيرة
فى توقيعك تحت امضاء عمرو دياب .....أيه قرأنيه مكتوبة غلط
والتصحيح هو
اللهم اتنا فى الدنيا حسنة

وليس فالدنيا
شكرا ليك

رد: حافظ على نفسك وعلى غيرك اثـناء القيادة
 

احلي حاجه فيك يا ابو عمو انك تقول كلام وتعمل غيره ده انتا ربتلي الرعب وخلتني قطعت الخلف من الركوب معاك

ربنا يكون في عون اللي ماشي جنبك علي الطريق ههههههههههه

رد: حافظ على نفسك وعلى غيرك اثـناء القيادة
 

انا بعمل غيره برضه ؟؟؟؟

الله يسامحك ياشيخ
اذا كان انت وانت راكب جنبى دايما تزهق من صوت التكتكة بتاعة الأشارة
وبطل هزار لان الناس هنا مش هتعتقد ان كلامك د ه هزار
وانا لا انكر قيادتى بسرعات عالية لكن بنفذ التعليمات دى بالحرف

اتلم واختشى لاحسن احط لك سم فى تانك الفيرنا