مصر موتورز مجتمع السيارات - انا قربت انتحر Verna ولا fiat siena

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - انا قربت انتحر Verna ولا fiat siena (https://www.masrmotors.com/vb/showthread.php?t=16844)

رد: انا قربت انتحر Verna ولا fiat siena

اقتباس:

المشاركة الأصلية كتبت بواسطة POP EL GAMED (المشاركة 107774)

مين اللى شويه زراير يا مادا الاسبيرانزا ال516 مع تلاته اعرفهم وسوقتها منهم كذا مره عربيه مش فظيعه وهى موجهه ناحيه اللى نفسه يركب عربيه فيها كل الكماليات بسعر رخيص يعنى هى مع واحد صاحبى عامله حوالى 40 الف عفشتها بتخبط التابلوه ضعيف جدا مش شويه زراير ده التابلوه كله تحس انه بلاستيك سحب العربيه ضعيف ال ABS انا حاولت كتير انى اشوف ايه ادائه جربته على كل السرعات ومحسيتش بيه 40 50 60 70 80 محستش بيه اشتغل غير على 70 و80 بس كان ضعيف يعنى كنت حاسس بيه بيشتغل عشان يقولى فيه ABS عشان الاحراج

يا بوب يا حبيبي
انا ركبتها مع الاستاذ حازم شاهين
هو فعلا ال ABS مبيشتغلش الا علي السرعات العاليه
التابلوه فعلا بلاستيك بس مش وحش للدرجه دي
الزراير بتاعت التكييف و الحاجات دي خاماتها مش حلوه خالص
العفشه بش بشعه للدرجه دي هو في تخبيط و تزييق فعلا بس مش مزعج للدرجه دي
فعلا السحب مش كويس عشان تصميم المحرك كده ( في موضوع ابو نورا عامله عن الموضوع ده )
بس العربيه كويسه جدا لفئه كبيره من الناس بس

رد: انا قربت انتحر Verna ولا fiat siena

اقتباس:

المشاركة الأصلية كتبت بواسطة elmanahry (المشاركة 107832)

باشمهندس احمد احييك على العقل والنضج فى ردك انت فعلا car expert شكرا جزيلا ولكن هل يعيب فعلا انت تكون السيارة منتشرة ماهو يعطى الاحساس بالاطمئنان

كلام حضرتك ده وسام اضعه علي صدري بكل فخر

و طبعا العربيه لما تكون منتشره بيبقي مفيش تميز لاي حد بيشتريها
و لكن طبعا قطع غيارها بتبقي في اي حته و سعر اعاده بيعها بيبقي كويس جدا

و ميرسي جدا علي تعليق حضرتك الجميل جدا

رد: انا قربت انتحر Verna ولا fiat siena

اقتباس:

المشاركة الأصلية كتبت بواسطة sam ram (المشاركة 107925)

العربيات الفيات الموجوده حاليا مواتيرها كلها 1300 و 1400 سي سي ( بونتو - جراند بونتو - لينيا - برافو- فيات 500 )
ما عدا السيينا و الباليو 1500 وهما العربيتين اللي بيجو من الصين ..
وبصراحه عمري ما عدا عليا موتور لفيات 1500 سي سي ..
كانت معايا سيينا موديل 2000 - 1400 سي سي ... و كانت كل مشاكلها عيوب التقفيل المصري و كنبه ضيقه و سوء توزيع الوزن ... فيما عدا ذلك سلسه جدا وناعمه ومتجاوبه و تسارع حلو جدا لحد 100 - 110 ... و بعد كده ممكن تقعد تسبح و تحوقل علشان توصل من 120 ل 140 ptmnlo123per172
ودي طبيعه مواتير الفيات ... بيعرفو يوظفو القوه الحصانيه القليله والعزم على دورات منخفضه الي سلاسه و مرونه و تسارع اولي ممتاز على حساب التسارع النهائي والسرعه القصوى

معلش سرحت شويه ... انما القصد ايه ...
الاقبال الاكبر على فيات بيكون بسسب ادائها الاقتصادي و محركاتها المعمره
ايه علاقه الموتور ال 1500 بفيات ؟؟ حد سمع عنه في عربيه فيات قبل السيينا و الباليو ؟؟

الانوس عربيه بقالها 13 سنه و اتحفظت و بقت زي ال 128 عند الميكانيكيه
الفيرنا احدث من الانوس بقالها كذا سنه برضو و معروفه عيوبها وميزاتها
اللوجان جديده نسبيا و لسه مش معروف عيوبها لكن على الاقل بنشوفها ماشيه في الشوارع وعليها اقبال
البروتون ساجا .... لسه جديده ... لكن بروتون اظهرت معدنها من خلال الواجا و الجين 2 ( اوبشنز و اداء جيد و سعر جيد قصاد عيوب تقفيل وخامات )
ال سبيرانزا 516 .... اوبشنز وحبشتكنات مقابل خامات متواضعه وتقنيه قديمه .. وكله بتمنه ...
انما السيينا ..!!؟؟؟
حد معاه سيينا 1500 او جربها ؟؟!!
اللي تعرفه احسن من اللي متعرفوش
خليك في الفيرنا احسن ... او فكر في لانوس - لوجان - سبيرانزا 516 - بروتون
و لو لسه مصمم تنتحر .... هات سيينا ptmnlo123per1127

هي دي الخلاصه يا باشا و الله
و حلوه اوبشنز و حبشتكانات دي :HAPPY_~211:

رد: انا قربت انتحر Verna ولا fiat siena

http://www.masrmotors.com/vb/showthread.php?t=16602
اتفضل ياباشا دا تقرير عنها مع الصور شفها وقول رايك

رد: انا قربت انتحر Verna ولا fiat siena

اخيرااا و بعد البعد و التمحيص وجدت أصل محرك السيينا ال1500,
المحرك اسمه "فياسا" Fiasa, كما هو مكتوب فى ويكيبديا,
المفاجأة انه لا يصنع بالصين, فبعد البحث مرة اخرى عن وجدت أن "فياسا"FIASA تعنى
Fiat Automóveis SA (Fiat Brazilian subsidiary)

أى فرع فيات فى البرازيل, و بالتالى محرك السيينا يصنع فى البرازيل و ليس بالصين, بينما تجمع السيارة فى الصين على الأغلب.

رد: انا قربت انتحر Verna ولا fiat siena

يعني فياسا ده كويس على كده ؟؟
انا طول عمري بستخدم اوجمنتين 1000 - بروفين 600 ....
لكن عمري ما جربت الفياسا 1500 ده قبل كده