رد: سؤال لملاك الميجان، ليه بتبيعوها برخص التراب
 

بالعكس يا باشا كلامك صحيح الى حد كبير

أنا بس بختلف معاك فى نقطتين
القيادة الرياضية : أنا على طول بنزل نقلات و كتير جداً بنقل على المانيوال مود و احرق على العربية
قطع الغيار الأصلية : أنا مركب حالياً تيل و طنابير أمامية وبارة دركسيون من برة التوكيل وشغالين معايا زى الفل والحمد لله ( أقل قطعة فيهم عاملة حوالى 20 الف دلوقتى من غير مشاكل ولا بوظان )


و أذا كان فى حد بيفكر أنه عاوز عربية حمالة أسية........يبقى ميفكرش فى الفرنساوى الجديد خالص

وزى ما حضرتك قولت.......أنت عاوز واحدة ست بيت وتعمل شغل البيت وانت ممكن تتغاضى عن أنك ترجع البيت تلاقيها مش مهتمة بنفسها و ريحتها بصل مثلاً أو تكون عاوز واحدة هاى كلاس تعرف تصرف عليها ( بس بحدود برضه.....) وترجع البيت تلاقى ما يسرك
لو عاوز الأتنين مع بعض يعنى أنت بتدور على ألمانى.........شخلل جيبك بأه ptmnlo123per157

عموماً قطع غيار الميجان مش غالية قوى زى ما قلت قبل كده وأن شاء الله قريب هجيبلكم أسعر قطع الغيار داخل و خارج التوكيل

رد: سؤال لملاك الميجان، ليه بتبيعوها برخص التراب
 

يا باشا أنت سمعت.............أنا جربت وبقولك أنها مش بتاكل بطارية ولا حاجة

المشكلة أن فى مو 2005 كان فيه دفعة بطاريات بايظة من المصنع وكانو بيغيروها فى الضمان........غير كده مفيش

أنا عربيتى مو 2005 غيرتلها بطارية فى الضمان فى أول 2006 على 25 ألف وغيرتها تانى بعد سنتين و3 شهور على 72 الف كم

رد: سؤال لملاك الميجان، ليه بتبيعوها برخص التراب
 

بصراحه الميجان عربيه امـــــــــــــــــان جدا بس عاوزه واحد فاضلها وعاه فلوس علشان يقعد جنبها ويصرف عليها

رد: سؤال لملاك الميجان، ليه بتبيعوها برخص التراب
 

porto بقولك ايه متغلطش في العربية ده لانها تخصني ولو عايز تتاكد شوف الموضوع ده

http://www.masrmotors.com/vb/showthread.php?t=3141

رد: سؤال لملاك الميجان، ليه بتبيعوها برخص التراب
 

بورتو...تسمحلى أسألك سؤال ؟؟؟

بتاءً على أيه قررت أنها عاوزة واحد معاه فلوس يصرف عليها ؟؟

هل حضرتك شفت أسعار قطع غيارها والصيانات الدورية بتوعها وقارنتهم بعربية تانية؟؟
و لو حصل يا ريت تقولنا العربية التانية دى كانت أيه ؟
ولو محصلش قارن بينها وبين أسعار الصيانات الدورية للكورولا لحد ال 120 ألف كم وقوللى أيه النتيجة.

أسعار الصيانات الدورية للميجان هتلاقيها فى قسم رينو فى موضوع
أسعار الصيانات الدورية للميجان 2 ( منقول بتصرف )

الفكرة أنها مش عاوزة أهمال فى الصيانة بس..........و على فكرة أى عربية أياً كانت هتهمل صيانتها هتستحملك شوية وبعد كده هتوريك اللى عمرك ما شفته ptmnlo123per191

رد: سؤال لملاك الميجان، ليه بتبيعوها برخص التراب
 

الاخوه الأعزاء

انا عندي ميجان مو 2005 و عامله 110000 كم و الحمد لله للإن اداؤها ممتاز و باغير بطاريه كل سنتين خارج التوكيل ب650 جنيه فقط ومجرد ادخل رقم كود الكاسيت المكتوب علي السياره يعود كل شىء للعمل بدون حاجه للذهاب للتوكيل

انا باتفق معاكم ان السياره قطع غيارها غاليه فعلا بس اظن ده حال كل السيارت الحديثه لان بالطبع قطعة الغيار هى جزء من ثمن السياره

السياره بها كم من الاوبشنز غير عادي ان يتوفر في سياره بهذا السعر والمسأله اصلا مسألة أذواق وهل انت تهوي التعامل مع هذه الكماليات وعندك استعداد لذفع ثمن هذه الرفاهيه ام لآ

هذا رايي والخلاف فى الراي لا يفسد للود قضيه

رد: سؤال لملاك الميجان، ليه بتبيعوها برخص التراب
 

نرجو وضع الاستفسارات في امكانها الصحيحة


مشرف القسم...