|
رد: توثيق مذبحة الحرس الجمهوري بقيادة السيسي أمام دار الحرس الجمهوري بالقاهرة 8 يوليو 2013
يا أبو نورا أنا بوثق للتاريخ لكن أنا شخصياً كان لي إتنين حضروا المجزرة بأنفسهم وربنا أنقذهم من القتل لكن شافوا كل حاجة تفتكر بعدها محتاج أناقش ناس بتتكلم من بيوتها ومصادرهم الإعلام القذر والمتحدث الكذاب وأخويا كان من المعتصمين أيضاً لكنه روح قبل المجزرة أنا لا يوجد عندي ذرة شك أن السيسي وأحمد علي كذابان والإعلام الحكومي والخاص كذابون يعني مش باحث عن الحقيقة أنا عارف الحقيقة من على الأرض من البشر مش مسلم دماغي لسحرة فرعون على الفضائيات هما يبرمجوني وليس الكلام منقول - |
رد: توثيق مذبحة الحرس الجمهوري بقيادة السيسي أمام دار الحرس الجمهوري بالقاهرة 8 يوليو 2013
اخوان كاذبوووون منافقووووون
والسيسي اشرف واطهر من جماعه الاخوان المتأسلمين كلها ومعلش موتوا بغيظكم زي ماكنتوا بتقولولنا انتم جماعه اصلا معجونيين بالكدب والنفاق والطاعه العمياء توصل بيكم السفاله انكم تخلوا القوات المسلحه هي الطرف التالت ده ايه الفجر ده وكل ده عشان محمد كرسي وكنت مزعل نفسك اني قلت علي مرسي ارهابي وحسستني اني غلطت واللي بيته من زجاج وعملتي فيلم وقولت اني بشتمه لكن حلال ليك انت وجماعتك كل اللي انت قولته علي البطل السيسي عامه لو كنت زعلان اني قولت علي مرسي انه ارهابي فمتزعلش فمرسي كرسي وجماعه الاخوان المسلمين كلهم ارهابيين ومنافقين انتم كده كده عندكم مشاكل وعقد نفسيه من قاده القوات المسلحه عشان هم اللي عارفين حقيقتكم الزباله عبد الناصر وكنتوا هتموتوه في المنشيه ويدوب اول ماعدم المرشد وحل الجماعه كرهتوا اسمه واسم اللي جابه السادات قتلتوه ومبارك والسيسي وبصراحه مش هكتب تفاصيل لانكم خلاص وصلتوا لمرحله انكم مش ناقصيين تتفضحوا اكتر من كده بس عاوز تفاصيل وتقول زيع من فضايح ووساخه الاخوان من ايام الملك فاروق وعدم رضاهم في المشاركه في ثوره يوليو علي الملك وبعد كده مش هنشارك في ثوره 25 وبعد كده يا سبحان الله بقوا هم اللي عملوا كل الثورات واكتر ناس سفاله اقصد وطنيه طبعا انا مرتبتش الكلام زيك وعملت توثيق للتاريخ الاهم بقي تفتكر ان في حد مصدقك سواء انت او جماعتك غير اللي في رابعه اه نسيت اقولك انك برده اتهمتني اني رميتك بالباطل لما قولتلك ان موضوع قناه السويس كنت بتقنعنا بالباطل فمردتش عليك لاني كنت حاسس اني ممكن اكون غلطان لكن في الموضوع ده مضطر اقولك ان كل كلامك باطل ومليان نفاق وكذب وعلي طريقتكم اللي زهقتنا سنه كامله وايام سوده شوفناها ربنا ما يعودها يارب موتوا بغيظكم وحلوه اللقطه بتاعه ممنوع لذوي القلوب الضعيفه علي كام صوره معفنه ميجوش حاجه جمب اللي انتوا لسه مقطعينه وموتوه في رابعه ولا التاني اللي قطعته صباعه وموتوه ضرب برده في رابعه ولا صور الاتحاديه ابقي اتفرج عليهم في اعلام سحره فرعون وبعدكده هتعرف ان صورك دي اونطه ومناظر طبيعيه قال ايه القوات المسلحه هي الطرف التالت علي رأي المثل الهي ال؟ تلهيك واللي فيها تجيبه فيك ارحمنا بقي انت مبتتعبش كان في منكم وخلص وعاشت مصر حره من غير حكم الاخوان المتأسلمين ونقول كمان عشان تضايق اكتر زي ما انت بتضايقنا بمواضعيك المضلله الكاذبه زي الاخوان والقنوانت بتاعه فرعون الجزيره واليرموق والقدس والحره ده الباقي طبعا بعد ما اتروقتوا واتفلكوا بقيه القنوان الكاذبه اه نسيت اقولك اني من الللي بتحسبن عليهم لاني راضي عن المجزره الكادبه اللي انتم دبرتوها وبرده من اللي بتحسبن عليهم لاني كاره حكم الاخوان ولكني مسلم وموحد بالله ومتقولش تاني اني بغلط لانك في الموضوع ده قولت علي السيسي كذاب وعلي العقيد احمد علي كذاب وبدون دليل ولو الدليل اللي معاك الموضوع ده يبقي اسف انت وجماعتك اللي كدابين وعلي طريقتك انت تصدق اللي عاوزه وتكدب اللي عاوزه انا مصدق اعلام فرعون وانت مصدق موضوعك وجماعتك السيسي بطل والقوات المسلحه ابطال انهم خلصونا من اللي شبهكم |
رد: توثيق مذبحة الحرس الجمهوري بقيادة السيسي أمام دار الحرس الجمهوري بالقاهرة 8 يوليو 2013
انهم جماعة لا تمومن بالوطنية وليس لها ملاز غير السلطة
وبيمتو بعض علشان يلفقوا التهم والقتل لاناس تانى اعتقد انك مش بتحب ولا تقفل الاستماع الى الطرف الاخر الجماعة اللى هى اهلوا وعشرتوا خلاص دى جماعة محظورة وكدبش مبارك لما قال عليها محظورة دول لا يتنموا الى الاسلام ولا مرسى يسقط الاسلام لما هو سقط ولا الكلام اللى بيمسحوا دماغ الداس بية باسم الاسلام ملحوظة انا قبطى واعيش تحت راية الاسلام لمدة عمرى كلوا وهلا بالاسلام وسوف اموت وانا تحت حكم الاسلام الان الاسلام لا يتمثل فى مرسى وجماعتة المحظورة |
رد: توثيق مذبحة الحرس الجمهوري بقيادة السيسي أمام دار الحرس الجمهوري بالقاهرة 8 يوليو 2013
الناس كانت فكره ان المشير طنطاوى سلم البلد للاخوان بس الحقيقه انه سلم الاخوان للبلد علشان الناس تعرف تفكرهم وتخطيطهم وانحطاطهم وبكده حيخسروا الشعب طول عمرهم لحد مايموتوا.
والله الجيش ده مش هيتعوض ياريت كلنا نحاول نحافظ عليه. حماه الله جيش مصر اعتراف واحد اختار مرسى وانا اسف لكل شعب مصر |
رد: توثيق مذبحة الحرس الجمهوري بقيادة السيسي أمام دار الحرس الجمهوري بالقاهرة 8 يوليو 2013
الأخ كاتب المقالة أرجو أن تعرف شئ مهم:
1. الجيش المصري له عقيدة قتالية و هي أن العدو الرئيسي هو اسرائيل و من يساندها يعني أمريكا و حلفاؤها 2. لم يذكر التاريخ أبدا أن الجيش المصري ضرب شعبه منذ أن أسسه محمد علي من أكثر من 200 سنة 3. من يحاصر وحدة عسكرية سواء كانت نادي أو وحدة مقاتلة فهو يعرض نفسه للضرب بالرصاص الحي لأنه ممنوع في كل دول العالم متقدمة و متخلفة 4. في أمريكا هناك ثلاث خطوط أمام البيت الأبيض الأول لو تخطيته يضرب عليك غاز, الثاني لو تخطيته يضرب عليك رصاص مطاطي و الثالث لو تخطيته يضرب عليك رصاص حي و ليس لك دية 5. كل الوحدات العسكرية مكتوب عليها ممنوع الاقتراب و التصوير يعني معروف عدم التعرض نهائيا لها 6. المعتصمون بقالهم 5 أيام معتصمين أمام الحرس الجمهوري و لم يتعرض لهم أحد بسؤ يبقي اشمعني اليوم ده بالذات يتم التعرض لهم الا اذا كان هناك من يبيت النية و يخطط لايقاع الجيش بالمعتصمين 7. هل يعقل أن الجيش يقوم بقتل المعتصمين ساعة الصلاة الا لااذا كان جيش اسرائيل يعني نشغل دماغنا شوية 8. من يضرب الرصاص معروف أن الفوارغ للطلقات يتم قذفها علي بعد مترين من الضارب و علي يمينه فكيف تصل الفوارغ علي بعد 20 و 30 متر من الجيش و عند المعتصمين ازاي يعني 9. الجيش ليس عنده خرطوش لأن الجيش لا يستعمل هذا النوع من الطلقات لأن الجيش يقتل العدو لا يصيبه و الا يبقي هبل من الجيش 10. ما تفسيرك لما يحدث في سيناء الآن بعد هدوء سنة كاملة أيام مرسي و بعده الدنيا تولع و كمان تفجير الغاز الطبيعي رجع تاني و كمان البلطجي المسمي البلتاجي يقول بنفسه أن ما يحدث في سيناء ممكن أن يتوقف تلقائيا لو مرسي رجع تاني يعني الحكاية رد علي عزل الرئيس 11. الانقلاب أن يحكم المنقلب لا أن يؤدي التحية العسكرية للرئيس المدني الجديد و يعمل كوزير تحت قيادة رئيس وزرائه كمان راجع نفسك و تأني قبل كيل الاتهامات للجيش و الفريق السيسي لأنه رجل شريف و نظيف اليد و محترم و تاريخه مشرف و أنا أعرفه و أعرف تاريخه و كل القيادات بالجيش نظرا لطبيعة مهنتي و أنصحك أن تعرف أن الشرعية التي تتغني بها و بقية الاخوان ليست مطلقة فهي من الشعب الذي يمنحها و ينزعها بحريته. لقد قلتم علي عزل الجيش لمبارك و هو الرجل العسكري الأصيل و قائد قوات سابق و بطل من أبطال أكتوبر لكن الشعب ثار ضده و طالب بعزله و نزلت بضعة ملايين للشوارع و قلتم يا أخوان أن ذلك انحياز من الجيش للشعب و لم تسموه انقلاب و لما نزل الشعب [اعداد أكثر بكثير من 25 يناير و طالب بعزل مرسي و استجاب الجيش كما حدث مع مبارك قلتم انقلاب يبقي ازاي يعني تحكموا علي الأمور الأخوان مطالبون بمراجعة النفس و منهجهم هم دعاة فقط و ليسوا سياسيين أبدا و الشعب رفضهم و احترام الشعب فرض مش سنة |
رد: توثيق مذبحة الحرس الجمهوري بقيادة السيسي أمام دار الحرس الجمهوري بالقاهرة 8 يوليو 2013
أنا أرد على المشاركات المحترمة التي تلتزم أدب الحوار فقط تامر كوكو tamer.koko بدأت ردك بالشتيمة والقذف فسامحني أني لن أجاريك في هذا الأستاذ اللي بيقول إنه قبطي malakmaher لا تزايد على الوطنية فالرد على المزايدة هيكون مزايدة وسهل جداً جداً لكن أنا أبحث عن حوار هادف الأستاذ ashraflotfy1 أحترم فيك حوارك المحترم تسألني هل يعقل أن يقتل الجيش المصريين أولاً أنا لست من هواة النقل موضوعي دايماً بيبقى موضوعي ثانياً أنا قلت قبل كده أنا أخويا كان هناك ومشي قبل المجزرة ولي إتنين معارفي حضروا المجزرة وشافوا القناصة بأم اعينهم يعني سيبك من الفيديوهات اللي الناس بتغض الطرف عنها بقلك معارفي وكادوا يقتلون من قناصة الجيش وصديقي أفلت من الموت بواسطة الداخلية في ميدان النهضة لكن خاله توفاه الله بطلق ناري من الداخلية والبلطجية التابعين لها اللي كانوا واقفين جنبها أنا عارف إنك يمكن متعرفنيش ومش مضطر تصدقني لكن أنا بقول الكلام ده معتمد على ثقتي في الأعضاء القدامي اللي أعرفهم من ستة سنوات نايل ثم أساتذة ثم مصر موتورز ومن ضمنهم أبو نورا هذا هو ردي على مسألة هو الجيش قتل ولا لأ طيب الجيش أنكر ذلك طبيعي جداً وهل تعتقد إن الجيش هيطل بيان يعترف فيه بقتل 55 نفس والله الموفق والمستعان خلينا منطقيين الجيش لن يعترف بالمجزرة إلا في ظروف خاصة جداً وستقام بعدها محاكم عسكرية تروح فيها رقاب مسألة العقيدة القتالية للجيش المصري وبتقول إنك بتتحدث من علم ووظيفة تعطيك هذا الكلام أنا أيضاً أحد أفراد الجيش المصري خدمت فيه فترة وعرف بقول إيه وعارف يعني إيه عقيدة قتالية وهذا الكلام لكن في النهاية الجيش قدر يخللي بعض أفراده يقتلوا 55 إنسان إما بتصويرهم على إنهم أعداء الوطن أو شغل تعبئة معنوية ضدهم إن الإخوان يستاهلوا القتل أكثر من اليهود زي ما بعض الخونة بيقولوا كده الآن في كل مكان وهذا الرد على بعض النقاط:ـــ اقتباس:
في مصر الثورة إبداء الرأي بالإعتصامات واللي حلال لبتوع تمرد حلال للإسلاميين محاصرة المؤسسات بدأت برجالة السيسي أو الرجالة اللي السيسي إعتبرهم شعب مصر وإنحاز لهم وإحتقر غيرهم وقتله المحاصرة بدأت بالقصور الرئاسية في نوفمبر وتكسير الأبواب وإلقاء النار وبعد صمت الجيش متعمداً وصمت الشرطة متعمدةً أصبح الأمر ثوري أن تحاصر مؤسسة من مؤسسات الدولة فإما أن تمنع على الكل أو تسمح للكل ونادي الحرس الجمهوري ليس وحدة عسكرية بالمعنى الدقيق بل هو نادي إجتماعي زي نادي الجزيرة ولكنه يخص الحرس الجمهوري وفي النهاية طالما السيسي والداخلية بصفتهم حكام البلد الآن وافقوا على محاصرة المؤسسات الرئاسية في نوفمبر يبقى كله على كله اقتباس:
بترد على نفسك بنفسك يا ريت توصل الكلام ده للسيسي وبلطجية الداخلية كانوا واقفين يتفرجوا على القصور الرئاسية بتحاصر من شهر نوفمبر وهما في منتهى الخيانة لدرجة إن بعض البلطجية المؤجرين من رجالة الوطني والإنقاذ ركبوا ونش عشان يخلعوا الباب مش محتاجة كلام كثير والصراحة جملتك دي بعتبرها رد على نفسك اقتباس:
إشمعنى تسأل عنها المسئول عن خطة الحرب دي في الجيش يعني تسأل عنها قائد العملية اقتباس:
الناس اللي الرصاص مطر عليهم وهما بيصلوا قالولي كده بعضمة لسانهم يعني شهادة من الواقع وإنت بتنكر بدون أي سند ياريتك قبل ما تنكر لو الدماء غالية بصحيح عليك كنت خدت عربيتك وطلعت الصبح يوم المجزرة على رابعة المستشفى الميداني وطبعاً عشان توصل لرواية صحيحة عندك من 500 إلى 1000 مصاب إسأل منهم 300 بس عشان تقارن وتحكم لكن طول ما مصادر الإعلام الموجه وقناة العبرية والشئون المعنوية والمتحدث الكذاب هتفضل تنقل كلامه وخلاص اقتباس:
سيادتك كنت موجود وقست المسافات وحللت يعني ما يؤرقك هو موقع الفوارغ المظروف ؟ ! اقتباس:
أمال إيه كلامك عن الفوارغ ؟؟؟؟؟؟؟؟؟؟؟؟؟؟ !!!!!!!!!! ياريتك كنت قريت أي أخبار عن تقرير الطب الشرعي قبل هذا الرد !! القتلى كله برصاص حي بص يا باشا على الخبر ده http://www.shorouknews.com/news/view...d-e31cdf99af65 ولو مش مصدق الخبر وباحث عن الحقيقة روح المشرحة وهتعرف الحقيقة بنفسك لو بجد نفسك تعرفها اقتباس:
معرفش لكن ما أنا متأكد منه إن الناس في سينا والصعيد والعرب الساح الشمالي وغيره عموماً مسلحين من قديم الأزل وعلى الجيش القوي اللي قتل 57 معتصم أعزل قدام الحرس أنه يروح يحل مشكلة سينا واللي أعرفه كمان إن التأييد لمرسي على أشده في مناطق العرب سينا و مطروح والواحات بالإضافة للصعيد وهما حالياً كرامتهم واجعاهم من الإنقلاب العسكري وواجعاهم من مظاهراتهم اليومية التي يتجاهلها إعلام السيسي تماماً وأنا أدعوهم للسلمية والصبر والصمود اقتباس:
كلنا لدينا عقل مهما الكلام إتقال الحاكم الآن هو السيسي العدلي ما هو إلا صورة أو عروسة بفتل كخدعة من المجلس العسكري عشان ميكررش أخطاء فترته الأولى اقتباس:
لا أرى أن من يقتل 57 إنسان في مجزرة هو رجل شريف ثم يخرج ثلاث مرات أو أكثر هو ومتحدثه ببيانات لا يذكر فيها هؤلاء القتلى أقسم بالله لو القتلى إسرائيليين لخرج السيسي فور الواقعة ليعرب عن أسفه وعزائه يعني حتى لو لم تكن يديه مختلطة بدمائهم فتصرفه حتى الآن ينفي عنه كل الشرف ويؤكد أنه لا يهتم بالدماء فما بالك وأنا متأكد من شهادة أصدقائى أنه هو من قتلهم عن أي شرف تتحدث شرف مخضب بدماء العشرات القادة الشرفاء موجودين في الجيش وعلى إستعداد لذكر أسماء بصفتى خدمت في الجيش لكن مينفعش طبعاً لكن السيسي ليس من الشرفاء بعد هذه المجازر من الآخر بيني وبين السيسي دم أكثر 100 شهيد حتى الآن في رابعة والحرس ونهضة مصر وإعلام السيسي القذر لم يذكرهم فاكر حمادة اللي ملوا بيه الإعلام تفتكر إتعموا الآن ولا المبلغ المدفوع غطى على كل حاجه حسبي الله ونعم الوكيل اقتباس:
مبارك تقريباً أجمع الشعب على خلعه لكن عندما يكون الشعب منقسم الآن والمحافظات في الصعيد ومطروح وسيناء خارج السيطرة وكله تأييد لمرسي والسيسي يحتقرهم حتى الآن ويسميهم في الإعلام الإرهابيين وهذا الإحتقار لن ينمحي من الذاكرة بسهولة ولن يمر مرور الكرام كذبة السيسي كبيرة لكن عايزنا نصدقها كمان يعني هيوصل بينا التابعية له إننا نعترف بالصورة اللي هو بيلتقطها فقط ؟؟ طبعاً المصلحة تبرر أكثر من ذلك ده السيسي وهو بيصور مظاهرات 30 يونيو صور الملايين في رابعة وما جاورها على أنها تبعه ولا دول مش بشر عندكوا في الجيش ؟؟؟؟؟؟ :_ـ- https://www.youtube.com/watch?v=kRCsfxz-WP8 كذبة السيسي إنه إنحاز لأغلبية الشعب بتتكشف يوم بعد يوم وتعتيمه على المحافظات والمعارضة الشديدة له مش هتدوم لكن هو في النهاية بيستحل الدماء وهذه هي المشكلة اقتباس:
الجملة دي مهمة جداً لأنها متكلفة جداً جداً تخيل أنه أنفق عليها مليارات الدولارات في النهاية مطلوب طرد الإسلاميين عموماً من الساحة السياسية لأن أرجوزات الجيش لما بينزلوا قدامهم في الإنتخابات بيسقطوا فلابد من حل غير شرعي حملة تستمر سنة بالإشتراك مع السعودية والإمارات والكويت ثم إنقلاب مقنع ثم تلميع الجملة اللي سيادتك قلتها لفترة ثم القضاء بإخراج أي إسلامي من السياسة إما بالإعتقال أو بحل الأحزاب بكرر هدفي من موضوعي هو توصيل شهادة من الموقع وشهود العيان من معارفي وأقاربي الذين حضروا المجزرة يعني لما واحد يرد ويقول مش معقول وهوا ممد على الكنبة يبقى حاجة من -*- مشافش حاجة وبيكرر كلام إعلام السيسي وعلى رأسه العبرية والCبC أو الCC بإختصار وغيرهم -*- عارف المجزرة لكن مشارك في حملة الشئون المعنوية والمخابرات للتغطية عليها -*- كرهه للإسلاميين عماه فمش فارقة معاه المهم يخلص منهم ويحافظ على وش السيسي مغسول من الدم -*- باحث عن الحقيقة ومهتم لأمر الدماء وده على الأقل هيتحرك ويشوف ويروح المستشفى الميداني وينزل بنفسه يشوف مين اللي السيسي بيصورهم إنهم وحوش دول أنا فرد من جيش مصر العظيم خدمت به لا أهاجمه بل أهاجم قائد الإنقلاب السيسي وعصابته وما فعلوه من مجازر - |
رد: توثيق مذبحة الحرس الجمهوري بقيادة السيسي أمام دار الحرس الجمهوري بالقاهرة 8 يوليو 2013
شاهد عيان على أحداث الحرس الجمهورى
المواجهات بدأت بعد صلاة الفجر بعشرين دقيقة اليوم السابع أكدت ميرنا الهلباوى شاهد عيان على أحداث الحرس الجمهورى فى حوارها مع الإعلامى جابر القرموطى فى حلقة أمس من برنامج "مانشيت"، أن المواجهات بين المعتصمين والشرطة والجيش بدأت بعد انتهاء صلاة الفجر بعشرين دقيقة وبدون سابق إنذار سمعت دوى رصاص، ولكن لم تستطع تحديد نوعية الرصاص، وبعد بدء المواجهات استخدمت الداخلية قنابل الغاز، والمعتصمون ردوا على الغاز بالحجارة والخرطوش. وأضافت ميرنا أنها شاهدت اثنين من المعتصمين يعتليان سطح المسجد وبعضهم احتمى داخل المسجد، وقامت قوات الشرطة بمحاصرة المسجد وصاح شيخ المسجد فى الميكروفون وندد بما يحدث، كما أوضحت قائلة "اللجان الإلكترونية للإخوان تهاجمنى بشراسة بعد كتابتى ما شاهدته على تويتر"، وهذه شهادتى أمام الله ومن يريد التصديق أو التكذيب حر فى ذلك، كما أكدت أن المواجهات استمرت حتى بعد التاسعة صباحًا، وأرفض الربط بين شهادتى وبين صلة القرابة مع كمال الهلباوى، حيث أشارت إلى أن القيادى الإخوانى كمال الهلباوى شقيق جدها. واستطردت حديثها أنها لم تشاهد أى أطفال فى الواقعة، لكنها سمعت صوت طفلة من ميكروفون المسجد، قالت إن الجيش رمى مولتوف، ولأن هذا أمر غير منطقى سحبوا منها الميكروفون، وقالت إن شيخ المسجد كان يكرر أن الهجوم بدأ خلال الصلاة وهذا كذب ولم يحدث، لأننى شاهدت بعضهم وهم ينهوا صلاتهم على باب الإعتصام وعادوا إلى أماكنهم. واختتمت حديثها أن قناة الـCNN اتصلت بها للأخذ بشهادتها فى وقت مبكر ولكن شهادتها لم تعرض حتى الآن، رغم أن القناة عرضت شهادات أخرى مغايرة للحقيقة. |
| الساعة الآن 03:05 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017