|
رد: فيرارى ايطاليا Ferrari 458 Italia
ايه ياجدعان الطوب و الزلط و الكلام الكبير ده
على كده غبور بقى كتر خير خالنا نغير جنوط فقط و نستفيد بالشنطه و الله راجل تمام بالتالى العربيه البورش دى هانلاقيها مع المقاولين فقط |
رد: فيرارى ايطاليا Ferrari 458 Italia
على حد علمي المتواضع جدا جدا .. لأني لا ركبت لا بورش و لا فيراري و لا لامبورجيني ...
لكن اللي اعرفه ان اللامبورجيني دي عربيه زي الشعار بتاعها .. ثور هائج محدش يعرف يسيطر عليه بسهوله ... الفيراري عربيه رياضيه من الطراز الاول .. مش عربيه شوارع عاديه .. اما البورش فهي عربيه رياضيه تصلح للقياده اليوميه في الشوارع العاديه .. يعني الناس ممكن تروح كل يوم الصبح بالبورش .. لكن مينفعش تعمل الكلام ده بالفيراري او الامبورجيني الدريفتات دي ممكن تكون مقصوده لأن اللي سايق العربيه محترف و يقدر يتحكم فيها .. لكن اللي انا قصدي عليه ان توزيع وزن العربيه الامثل بيكون اللي موتورها في المنتصف ... حتى الموتور الامامي بيكون له تأثير سلبي على الاداء ... لكن مش معنى كده ان المواتير الخلفيه او الاماميه وحشه و بتخلي اداء العربيه وحش ... لكنه مش الوضع الامثل ... مازيراتي كان ليها عربيه اسطوره اسمها بورا ... وكان موتورها وسطي .. وبعد كده نزلو نفس العربيه باسم ميراك مع تغييرات بسيطه في الشكل ... بس بموتور خلفي اصغر علشان يكبرو المقصوره و يضيفو كنبه صغيره ورا ... و طبعا الاداء اختلف كتير نتيجه الحركه دي .. و الميراك محققتش نفس نجاح البورا http://www.car-mag.jp/contents/img/h...oto/bora_1.jpg http://www.autodrome.fr/maserati_bora_1972_profile.JPG مازيراتي بورا 1971 http://www.diseno-art.com/images/maserati_merak.jpg http://www.photogy.com/albums/Masera...i_merak_ss.jpg مازيراتي ميراك 1974 لكن عموما ... البورش جامده جامده جامده .. ptmnlo123per1106 اقتباس:
فاضلك مشاركه كمان يا احمد يا كار و اديك تقييم سلبي او اشتكيك للاداره .. واقول بيتعالى علينا اكمن ربنا فتحها عليه و ركب فيرنا يا اقطاعي ... يا اقطاعيييي ptmnlo123per111 |
رد: فيرارى ايطاليا Ferrari 458 Italia
بجد يا سامى باشا ...كلامك منطقى و صح و مفهوم... بيعجبنى فى مشاركاتك دايما الموضوعية و عدم التحيز و التفاصيل التى تنم معرفة عميقة بعالم السيارات عموما ... روح يا شيخ ربنا يبارك لك
و انا بجد سعيد انى فى منتدى بيضم حضرتك و امثال سيادتك كتير و مش عاوز اقول اسامى علشان مانساش حد بس هو فيه ملحوظة صغيرة قد كدة عن اللمبورجينى من موقف حصل قدام عينى برده كان جلاردو (التعبانة بتاعتهم) مش مورسيلاجو يعنى .. و شفتها بتاخد غرز قدامى و بتاخد ملفات فظيعة و انا طبعا فضلت اجرى وراه على قد ما قدرت علشن اشوفه بيعمل ايه ... هى صحيح ثور هائج و لكنه الان هائج بتعقل و حرفنه جامدة جدا و ثبات فوق الخرافى بشوية :) و صباحك زى الفل و رمضان كريم |
رد: فيرارى ايطاليا Ferrari 458 Italia
اقتباس:
البورا كانت أول عربية بمحرك فى المنتصف, و من ساعتها أصبح هذا التصميم قياسيا فى السيارات الرياضية, و أى سيارة رياضية محركها لا يقع فى المنتصف, لا تستحق أن تصنف كسيارة رياضية حقيقية. بورش سمعتها أنها سيارة رياضية تميل الى الكلاسيكية فى الاداء و الطابع, مما أفقدها طابعها الرياضى الصرف, فلم تنجح أبدا بفرض نفسها على السائقين, مما دفعها الى انتاج سيارات مثل الكايين و الباناميرا. لمبرجينى هى الشركة التى تأسست بهدف منافسة فيرارى فى الأساس, و لم تنجح فى ذلك بشكل كبير, و لكنها بالتأكيد استفادت من سمعة السيارات الايطالية عموما, بمعنى لو كانت لمبرجينى ألمانية أو أى شىء اخر, لما استطاعت أن تحصد هذا الاعجاب. |
رد: فيرارى ايطاليا Ferrari 458 Italia
اقتباس:
هو مفهوم ان الامبورجيني صعبه في التحكم و السيطره عليها كان شائع لبدايه التسعينات مع ظهور الديابلو ... و كانت الكاونتش من قبلها مستمره 16 سنه من 74 ل 90 ... في الفتره دي انتقلت ملكيه الشركه من فيوروسو لامبورجيني بعد ما كانت الرائعه كاونتاش على خط الانتاج .. و فضلت الشركه من بعده في حاله اشبه بالعقم و انتقلت ملكيتها لكذا شركه سويسري و اندونيسي و كرايسلر الامريكيه و استقرت في اخر التسعينات مع شركه أودي ... وبالتالي فالديابلو خرجت تحت لواء كرايسلر وتحسنت كتير معاها القدره على السيطره على العربيه اما التغيير الحقيقي في مفهوم السيطره و التحكم على عربيه لامبروجيني ابتدا من المورسيلاجو و بالتالي الجالاردو و لحد الريفنتون ( يعني الموديلات اللي خرجت تحت لواء اودي .. معايا يا بشمهندس فادي :) ) فمقدرش اعلق على كلام حضرتك غير انه صح 100 في ال 100 و على عيني و راسي ... كفايه انك بتشوفهم عندك على الطبيعه ... الكويت بتوصل فيها افخم و اغلا العربيات قبل بقيه العالم .. لدرجه ان الاوستن رابيد جربوها هناك حتى قبل ما يبتدو يعرضوها للناس .. اقتباس:
حتى مازيراتي اختلطت بجنسيات مختلفه منها سيتروين الفرنسيه في السبعينات الشركه الوحيده النقيه المدافعه عن حقوق اللواء الايطالي في عالم السرعه القصوى فيراري... النقيه ... الغاليه ... الطاهره ... (حته فيلم عربي) :) انا ساعات بشوف البورش على الطبيعه وانبهر بيها سواء كاريرا او كايين او بوكستر ولما شفت الامبورجيني اتخشبت في مكاني لكن لما شفت الفيراري على شط اسكندريه .. قلبي هفهف .. اااااه يا فيراري ptmnlo123per1147 |
رد: فيرارى ايطاليا Ferrari 458 Italia
PLEASE ,,,,,, don't miss BUGATTI Veyron http://www.emofaces.com/en/emoticons...n-animated.gif <object width="425" height="350"> <embed src="http://i.netcarshow.com/ncs_show.swf?c=Bugatti&m= 2009-Veyron" type="application/x-shockwave-flash" wmode="transparent" width="425" height="350"></object> |
رد: فيرارى ايطاليا Ferrari 458 Italia
انا شفت الموضوع اول امبارح و مالحقتش اعلق عليه
جيت لقيت الموضوع اتنقل من فيراري لبورش و مين الافضل و اتنقل للتصميم و وضعيه المحرك و دخلت مازيراتي في النص و بعدين جات لمبورجيني بدورها كاحد الجيران للعزيزه فيراري بصراحه الواحد دخل يلم في معلومات و في وجهات نظر من كل الموجودين شكرا للباشمهندس سامح و الباشمهندس فادي والباشمهندس احمد كامل و محمد باشا من الكويت و وائل بيه ابو نورا طبعا و الاقطاعي الكبير الوجيه احمد كار. كلمه بس احب اضيفها لما قريت المناقشه عن وضعيه الموتور و من الافضل تذكرت كلمه لانزو فيراري كان دائما يقولها لمصممي طرازاته اللذين كانوا شغوفين بوضع المحركات بالخلف او المنتصف فقد كان يقول لهم( الحصان يجب ان يكون في الامام ليجر العربه و ليس في الخلف) و طبعا يقصد به حصان فيراري الجامح علي الشعار:) |
| الساعة الآن 05:20 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017