مصر موتورز مجتمع السيارات - مساعدة ،، تركيب تربو لفلوينس 2012

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - مساعدة ،، تركيب تربو لفلوينس 2012 (https://www.masrmotors.com/vb/showthread.php?t=118692)

رد: مساعدة ،، تركيب تربو لفلوينس 2012

اقتباس:

المشاركة الأصلية كتبت بواسطة strong2008r (المشاركة 917371)

بصراحة حيرتونى معاكوا
بانسبة للهدف من التيربو فا اكيد علشان ازود الاحصنة بتاعت العربية و دة طبيعى بيبقى للمتعة
موضوع الضمان ، بيتهيألى مش هحتاج للوقت اللى فاضل فيه ، او ممكن استغنى عنه بس اشوف نتيجة مرضية من التيربو
المشكلة ان حضراتكوا حيرتونى و مش عارف اصلن هينفع يركب ولا لا ؟
و لو ركب هشوف نتيجة مرضية ولا بلاش منه احسن ؟؟؟

المتعة نيتجة مش هدف !

هينفع يركب او لا العربية هيا اللى هتقول انت ممكن تاخد كام صورة واضحة للحوض و الكبوت و ركزلى اكتر على الجانب اللى اصاد السواق و صورلى المنطقة اللى بين الكبوت و الاكصدام

اكيد ان شاء الله هتشوف نتيجة احسن من اللى كنت متخيلها حتى

محدش بيحيرك صديقنا العزيز romeoalmansour فاهم كويس جدا فى البرمجة و بيحسب الموضوع بحذافيره من وجهة نظر الكمبيوتر - انا بفضل الله اقدر اعملك الكيت اللى تديلك معدل الهواء اللى انت طالبه و اخد مجرد فكرة او تصور من دماغك احوله لتصميم و بعد كده جهاز قدامك احنا بنفكر مع بعض كلنا دلوقت بصوت عالى فده لمصلحتك و ممكن عضو كمان يكون فاهم فى السسبينشن يقولك مثلا ان فى حاجات معينة هتضاف للعفشة بتاعة العربية و عضو كمان يقولك هتضيف شدادات مثلا للبودى او دعامات او تربط ايه فى المكان الفلانى جمع كل ده و اقعد مع نفسك و خد قرار و فى النهاية محدش يقدر يقول العربية دية فين و هتبقى ايه بدون ما نشوفها !

رد: مساعدة ،، تركيب تربو لفلوينس 2012

يبقي توكلوا علي الله - وربنا يوفقوا ان شاء الله

رد: مساعدة ،، تركيب تربو لفلوينس 2012

اقتباس:

المشاركة الأصلية كتبت بواسطة ramy safwt (المشاركة 917430)

ده اللى هيحسم الوضوع الزيادة هتكون قد ايه ؟ الجزئية اللى هنقدر نتحكم فيها حجم التربينة و عددها و قدرة محركها و بالتالى هنتحكم بالظبط هنطلع كمية هواء قد ايه - اللى مش هنقدر نتحكم فيه ان الموتور نفسه لما يتقاس و يتحط على الاسكان و يتفحص عموما هيبان ده اخره فين

مثلا موتور هيتعدل بشكل محدود

قدرته 80 معانا تربو مثلا يرفع 100 على 80 دول مثلا اقصى قدرة للبلوكه و البساتم 140 مثلا يبقى احنا مقيدين اننا نركب تربو يرفع 60 بس

المثال ده معكوس

موتور80 معانا تربو يرفع 100 البلوكه تستحمل لحد 200 احنا عندنا خيار اننا نركب ال 100 او نجيب اعلى منه يحقق ال 120 الزيادة

المثال لموتور مش هيكفيه التربو

موتور 100 اقصى طاقة للبلوكه و البساتم 400 حوض الموتور اخره يشير ترابين لحد 250 يبقى احنا هنا هنخرج من كاتجورى التربو و ندخل ندور فى السوبر شارجر

مثال لموتور مينفعش يتربن

موتور 80 اخر حاجه فى البلوكة و البساتم 120 اقل تربو 75 يبقى كده مش هينفع يتعمل فيها حاجه

الكمبيوتر اكيد فيه المود الرياضى والمود الطبيعى هتفرق فى توقيت الشيفتات على الفتيس الاوتوماتك لو مش موجوده هيطر يتحرك بالموجب و السالب اوفر درايف يا اما يدخل فى تغيير سيستم البرمجة من النورمال للنورمال و الاسبور و ممكن يغير الشريحة

عموما الكمبيوتر مستحيل يتخطى قراية الحساسات لما الاير ماس يقوله عاوز بنزين يزيد لازم هيديله بنزين

ممكن حاجه زى كده نبقى نراجعها حته حته مع بعض البرنامج من اول هلأخره بس اساسا فين العربية

عمومن ان شاء الله هكلم حضرتك فى اقرب زيارة ليا للعبور و تبقى العربية قدامك و نشوف الموضوع دة

رد: مساعدة ،، تركيب تربو لفلوينس 2012

اكدلى او انفيلى المعلومات دية عن الموتور بتاعك

عندك الموتور 2000 سى سى -"فى الرخصة 1997 سى سى" انجيكشن مالتى بوينت - 4 سليندر 16 صباب دول اوفر هيد - قطر السليندر 82.7 مم الشوط 93 مم طاقة المحرك 103 كيلو وات عند 6000 ار بى ام عزم الدوران 195 نيوتن متر عند 3750 ار بى ام - معامل الانضغاط 10.2 وزن العربية بالحمولة القصوى 1814 كيلو جرام

مصدر المعلومات http://www.carshowroom.com.au/newcar...Fluence/LD712A

رد: مساعدة ،، تركيب تربو لفلوينس 2012

اقتباس:

المشاركة الأصلية كتبت بواسطة ramy safwt (المشاركة 917505)

لا المعلومات دى مش للماتور بتاعى ،، الماتور عندى 1600 cc

رد: مساعدة ،، تركيب تربو لفلوينس 2012

اقتباس:

المشاركة الأصلية كتبت بواسطة strong2008r (المشاركة 917528)

لا المعلومات دى مش للماتور بتاعى ،، الماتور عندى 1600 cc

اقتباس:

المشاركة الأصلية كتبت بواسطة ramy safwt (المشاركة 917505)

بص يا باشا هيا دى امكانيات العربية http://www.auto-data.net/en/?f=showCar&car_id=18014
هتفيدك فى حاجة المعلومات دى ولا لازم تشوف العربية اول ؟؟

رد: مساعدة ،، تركيب تربو لفلوينس 2012

المعلومات دية اهم حاجه فى الموضوع عشان اقدر احسب عربيتك محتاج هتربو يطلع هواء قد ايه بالظبط من خلال برامج مخصصة للتعديلات دية

مثلا انا اخدت من الصفحة سعة المحرك و معامل الانضغاط و قطر السلندر و الشوط و الار بي ام بتاعة العزم الاقصى و افترضت ان درجة الحرارة بتاعة الجو 25 درجة و افترضت ان كفائة موتورك حاليا 70 % فالبرنامج حسبلى معامل الانضغاط و التربو اللى يركب المفروض يكون مواصفاته ايه و درجة الحرارة هتكون كام بعد ما يركب للهواء و هيزود تدفق هواء قد ايه

فى جداول تانية بقى حسبت ابعاد التربينة و قوة الموتور بتاع التربو

http://www.masr1.com/di-0SCZ.png

لما اشوف العربية هعرف الاينجين فى اى كام بالظبط فممكن تطلع 80 % مثلا ممكن 60 %ليها طريقة للحساب على عداد الار بي ام و بيفصل امتى بالظبط

لما اشوف قطر البوابة كام هقدر احدد قطر خرج التربينة كام و بالتالى اقدر احدد بالظبط انه انسب اختيار ليك عشان احقق الارقام اللى حسبتها تربينة واحده كبيرة 2 صغيرين واحده كبيرة و التانية صغيرة اكتر من 2 لسبب بسيط جدا لو البوابة 3 بوصة مينفعش اركب تربو 2 بوصة ممكن اركب اعلى 3.5 بوصة مثلا بناء على المعلومة دية اقدر اعمل حسابات سليمة مطلوب منى اطلع ضغط معين و كمية هواء فى الثانية بمقدار محدد الضغط هيكون فورس على مساحة مقطع البوابة عشان احسب الفورس فحسب قدرة المحرك و وزن التربينة الداخلية مع زارع العزم اللى هيطلع من قطر التربينة الداخلية نفسها و طول الزعنفة اللى عليها

لما اجى احسب معدل التدفق هشتغل على سرعة الموتور و عدد الازرع فى التربينة

لما اجى احسب الكفائة النهائية للتربينة فلازم اعرف طول المشوار اللى هيقطعه الهواء من اول التربو لحد البوابة و ده معناه انى اعرف بشكل نهائى التربو هيثبت فين و طول الخرطوم قد ايه و هيحافظ على الضغط ولا هينفخ " ترجع للخامة "

معلومة اخيرة للأمانة الموتور اللى على عربيتك بتاع 2010 مش 2012 كل مواتير الاستوك 2012 نازله 2 لتر لو دورت على النت هتلاقيها معروضه بره كده