رد: مين نازل يوم 30|6 ؟؟؟؟؟
 

بصرحة اصدمت اما دخلت الموضوع فكرت ان الشباب اللى قاموا بالثورة اول ناس هتنزل للاعتراض الاوضاع الحالية- حتى لو مش هنشيل مرسى كفاية نعرفوا اننا موجوديين لتغيير سياساته على الافل اللى موديانا على طريق مسدود
انا مش هكلم غير فى الواقع اللى شايفه الوعود اللى فى الهوا النهضة اللى مش شايفنها غير فى سد اثيوبيا اتحقق منها ايه
بنزين طاوبير بال5 كيلو و4 صفوف بالعربيات حتى على ال 92
دا لو فيه اصلا
نور بيقطع كام مرة فى اليوم كل مرة بالساعات
امان مفيش ممكن تسبت فى اى مكان انت او غيرك دا غير سيناء الضري كل يوم وبقت هيصا لا واللى بيعمل حاجة محدش بيدور عليه حتى لو عارفينه اعمل مشكلة كدا واطلب الشرطة شوف هيجو بعد اد ايه اذا جم اصلا وحصل قدامى كزا مرة ومن كام يوم
اسعار مولعة وفى ازدياد فى كل السلع- شغل مفيش
طرق عايزا جرارات تمشى عليها مش عربيات دا غير اسعارها وترخيصها اللى مش بنشوف منها حاجة
وزارة التموين طلعت بيان ان مخزونات السكر والزيت والقمح 165يوم حتلا بالتعاقدات الجديد يعنى اخرنا شهر 11
المياه بالسلامة قريب
مرسى نفسه رئيس دولتنا طلع قال رمضان المياه والنور بح
لا وضرايب جديدة على كل حاجة حتى على الدخل مش لما تعمل الحد الادنى والاقصى وتشغلنا الاول تبقى تعمل ضرايب دخل 10 و20%
قولى انت يبقى فاضل ايه عشان مطلعش اعترض واقول لا سواء شيلت مرسى ولا لا
انا لا هكلم على سياسات ولا التفرد بالراى وحبس الحريات ومكتب ارشاد بيمشى مصر كلها ولا وعود ولا انتخابات صح ولا مزورة بعد تعيين بجاتو وغيره فى مناصب رد الجميل
انا بكلم على الواقع اللى عايشه انا واهلى وشايفه بعينى من بقاله سنتين وكل شوية للاسوا ومرضهوش لاهلى ولا ولادى من بعدى ايا كان الرئيس وميوله او حزبه
وانتمائه

رد: مين نازل يوم 30|6 ؟؟؟؟؟
 

مش نازل طبعا
لعدة اسباب :
1 - مرسي هو الرئيس الشرعي لمصر( رغم تحفظي علي أداءة ) ولانه جاء عبر الصناديق بإراده شعبيه حره
2 - هناك قاعده فقهيه تقول ( درء المفاسد مقدم علي جلب المنافع ) حيث ان عزل الرئيس بهذا الاسلوب هو اسلوب لي زراع لا يجوز ويؤدي الي مزيد من الدم ويدل ايضا علي أن المصريين لا يحترمون الديموقراطيه في مصر
3- لا يوجد علي الساحه من هو خير منه او أفضل منه علي الاقل في هذه المرحله , فأذا سقط مرسي سنعود للمربع صفر ( لا رئيس - لا مجلس شعب - لا مجلس شوري - لا دستور ....لالالالا ) وسندخل في حرب اهليه لا محاله للصراع علي الكرسي
4 - هل الاحتياطي النقدي سيسمح بأنقلاب أو ثوره اخري .... ام ستعلن مصر افلاسها ونصبح مثل سوريا أو العراق تقطعها الصراعات
5- من يضمن انه اذا جاء رئيس اخر لا يظهر لنا فريق اخر يطالب بإسقاطه بعد شهرين أو ثلاثه
6 - هل من أيد الرئيس مرسي سيسمح بأسقاطه من قبل المعارضين الذين طالبوا باسقاطه يمكن حتي قبل ما يوصل لقصر الرئاسه
7 - مقتنع تماما بأن الصراع الحالي ليس له اي صله بمصلحة الوطن بقدر ما هو صراع للوصول للكرسي حتي لو كان علي جسد المصريين من القتلي والجرحي
8 - كيف اثق في المعارضه بعد أن خانوا الثوره وتعاونوا مع الفلول والبلطجيه المأجورين لإحداث فتن وصراعات في الشارع لخلق تصور للمصريين أن هكذا سيكون حكم الاخوان وانهم غير جديرين بالحكم
9 - السؤال المهم والخطير للساده الداعين لتظاهرات 30 - 6 .... ماذا بعد اسقاط الرئيس ؟؟؟ هل ستستقر الامور ويعود الامن والامان وتحل مشكلة المرور والخبز وسد النهضه والحد الادني للاجور وتصبح مصر ذات ترتيب عالمي في الاقتصاد ..... لو ضمن لي حد هذا سأكون أول من ينزل ويطالب بأسقاط الرئيس

رد: مين نازل يوم 30|6 ؟؟؟؟؟
 

عموما من غير مسببات ولا اعذار
اللى عاجبه الوضع على كدا مينزلش واللى مش عاجبه ينزل يقول وكل واحد ادرى بمصلحته
بس فى مثل بيقول اللى ميشفش من الغربال يبقى اعمى
تحياتى لصاحب الموضوع ......والاخوة الاعضاء

رد: مين نازل يوم 30|6 ؟؟؟؟؟
 

:clapW15::clapW15::clapW1 5::clapW15:

رد: مين نازل يوم 30|6 ؟؟؟؟؟
 

رد: مين نازل يوم 30|6 ؟؟؟؟؟
 

اسمحلى ارد على حضرتك
1- على سبيل المثال انت راكب عربيتك وانا راكب عربيتى وجيت قولتلى انا همشى وراك علشان معرفش الطريق وبعد شوية واحنا ماشيين لقتنى نزلت الترعة تنزل ورايا ولا تلحق نفسك
2- فعلا درء المفاسد مقدم على جلب المنافع ولذلك اسقاط الاخوان مقدم على منافعهم ان وجدت
3- لا معلش متقوليش ان مرسى هو خير من انجبت مصر وان مفيش زيه وان كان من ناحية مفيش زيه فهو مفيش زيه مفيش حد زيه يعرف يقول 56734 بيروحوا فى حارة مزنوقة ويعملوا حاجة غلط ، لو القرد مات القرداتى يشتغل ، .....لضمان سلامة الخاطفين والمخطوفين، وعد السودان بحلايب وشلاتين ، يعنى باختصار تحس انه حاجة كدة اسبيشيال
4-ده على اساس انك مش متجه حاليا وبخطى ثابته تجاه الافلاس
5- الضامن ربنا
6- متنساش ان مرسى نجح بفضل عاصرى الليمون ولو على حد الاخوان لوحدهم مكانش فاز
7- الصراع الحالى هو صراع بين ناس عايزة تعيش عايزة تشتغل عايزة تحس بالامان عايزة تخلى البلد دى احسن بلد فى الدنيا وبين فئة كل اللى يهمها احكام قبضتها على السلطة
8- يعنى المعارضة هم من اتفقوا مع الفلول على التصالح مثلا عن التهم الموجهة ضدهم مقابل المال
9- حضرتك بتتكلم زى ماتكون الحاجات دى فى ايدينا والناس حاسة بيها لكن من بطرهم على النعمة نازلين يوم 30
عامة انا لا اعتقد ان بلد ربنا ذكرها فى القران ورسوله كرمها هتنهار
اللهم احفظ مصر

رد: مين نازل يوم 30|6 ؟؟؟؟؟
 

وعلى فكرة مرسي هو اللي جابه لنفسه
يعني لو معملش المصايب والكوارث اللي عملها في اول سنة ليه محدش كان يقدر يعترض وحتى لو كان في معارضين مش هيبقوا كتير زي دلوقتي