رد: تعالو نفكر مع بعض هنعمل ايه بعد قرار البنزين
 

طبعا كان بيتسرق لكن الموضوع زاد عشان الشرطة الفاشلة اللي مش بتعرف تشتغل غير لما تقل أدبها علي الناس غير كده ما تعرفش. و كمان هو حضرتك ما سمعتش قبل كده عن الدقيق المدعم اللي بيتباع في السوق السودا؟ فكرة دعم سعر السلعة هيخلي السوق السودا موجودة دايما لكن الصح ان الدعم يوصل للمواطن مباشرة (في ايده) يعني مثلا فلوس زيادة علي المرتبات تعوض الناس عن رفع الدعم عن السلع الاستراتيجية أو موضوع زي الكوبونات عشان كل مواطن ياخد الدعم في ايده و مش يمر علي حد في السكة يسرق منه شوية. حكاية 10 لتر اللي أنا قولتها كانت اقتراح و كنت أقصد أنه المفروض يدرس الموضوع صح و يشوف احتياجات الناس فعلا لأنه المفروض بيدور علي مصلحة المواطن. أما القضاء علي سوق العربيات مش هيحصل كل الحكاية أنك هتلاقي المنظرة قلت شوية و الناس بدأت تشتري العربيات اللي فعلا مناسبة لاحتياجاتهم. و كمان حضرتك الدعم موجود للعربيات اللي 1600 و تحت اللي هي أصلا أكتر من 90 % من سوق السيارات علي ما أتوقع.

رد: تعالو نفكر مع بعض هنعمل ايه بعد قرار البنزين
 

يعنى المشكله كلها هنا فى ان الاجهزه الرقابيه مش شايفه شغلها يبقى ديه غلطه حكومه مش يحملها على المواطن وحضرتك المنظره بتبقى بى المرسيدس والبى ام والعربيات الغاليه ال اصلا مش هتفرق مع صاحبها اللتر بى 10 جنيه ولا بى 50 جنيه على الرغم انه يستحق دعم عشان هو دافع تامينات وضرائب وجمارك اكتر منى بكتير
كمان سوق العربيات اكيد هيتاثر عشان الدعم هيبقى محدود يعنى الهينزل طالع عينه عشان يجيب عربيه بسيطه بى 70 الف ولا حاجه هياخد مسبه من البنزين مدعم والباقى بالحر يعنى يبقى عليه قسط وفلوس صيانه وكمان البنزين طب ازاى ؟
وكمان السوق السوده هتشتغل عشان اكيد الكوبونات هتلاقى البيبعها اهو توفرلك شويه من تمن البنزين بدل متجيبو حر مثلا بى 5 اهو بالكوبون السوق السوده هيقف عليك بى 3 مثلا
وكمان زى مكنت بقول لحضرتك هى الناس عملت ثورة عشان الدعم يتشال والاسعار تذيد ولا الاسعار تقل مفروض ان فلوس القناه والصناديق الخاصه والدهب دول يزودو الدعم مش ينقصوه ده غير ان قرار زى ده هيذود سعر السلع بصوره رهيبه
وده طبعا غير دقيقه المحمول النوين يغلوها يعنى ربنا يسترها

رد: تعالو نفكر مع بعض هنعمل ايه بعد قرار البنزين
 

المشكله كمان فى اسعار الموصلات لانها هاتغلى لان البنزين غالى
يعنى مفيش حاجه اسمها العداد فى التاكسى

رد: تعالو نفكر مع بعض هنعمل ايه بعد قرار البنزين
 

حكاية السوق السودا اللي حضرتك بتتكلم عليها مش هتكون مشكلة. ليه؟ حضرتك مواطن مش محتاج البنزين بتاعك هتبيع الكوبونات و تاخد فلوس و ده معناه ان الدعم بتاع الحكومة وصل لسيادتك. أنت أخدته في صورة بنزين أو بيعته و أخدت فلوس مش مشكلة و ديه حاجة ترجع لحضرتك. لكن في الوفت الحالي اللي بيبيع البنزين في السوق السودا مش المواطن الغلبان لأ ده الحرامي صاحب البنزينه. أتمني تكون وجهة نظري وصلت لسيادتك.
كل اللي عاوز أوصله أن الغاء الدعم واجب و مصلحة للجميع لكن المهم أوصل الدعم ازاي للمواطن بطريقة صح عشان المواطن هو اللي يستفيد مش التجار الجشعين؟ هيه ديه المعضلة اللي الحكومة مش عارفة تعملها.
أما ما عدا ذلك في أن الحكومة فاشلة و ساذجة و مش عارفة تتصرف فأنا أتفق معاك تماما.

رد: تعالو نفكر مع بعض هنعمل ايه بعد قرار البنزين
 

انا فاهم وجهه نظر حضرتك
متفقين اننا نحارب السوق السوده
حضرتك عايز تحاربها بى الغاء الدعم
وانا هحاربها بى الاجهزه الرقابيه
بس حضرتك نسيت حاجه ان كل المنتجات هتغلى وهتلاقى جشع التجار حتى لو بياخد حصته من الدعم هيقلك مفيش وكله بالسعر الحر وطبعا محدش هيقول لى حد انت بتعمل ايه وغير ده كله ال مش هيعرف مثلا يجيب كوبون حد معندهوش عربيه ده لوهينزل على التموين او يعملوها فى المرور يبقى كل عربيه ليها حصتها وشكرا على كده الو ما الدعم هيخلص او حصتك هركن عربيتى واخد مواصلات النقل العام الهى اصلا للغلابه وبطبيعه الحال مش مستحمله ذياده يعنى المترو بدل مهيركبو 2 مليون هيركبو 10 مليون ومواصلات النقل العام نفس النظام يعنى جينا بردو على المواطن الغلبان
ده طبعا غير الناس البتسافر كل يوم هتتبهدل عشان الاجره هتغلى الهى غليت اصلا ولسه البنزين مدعم ما بالك بقى لما يشيلو الدعم او يقولو ليك حصه معينه

رد: تعالو نفكر مع بعض هنعمل ايه بعد قرار البنزين
 

للأسف كلام حضرتك صحيح. المشكلة ليها أبعاد تانية كتير و عاوزة متخصصين يدرسو تأثيرها علي كل نواحي حياة المواطن العادي. ربنا يخلق في قضاه رحمة. و شكرا علي الحوار الراقي و المحترم.

رد: تعالو نفكر مع بعض هنعمل ايه بعد قرار البنزين