مصر موتورز مجتمع السيارات - هل اتعرضت لموقف زي ده قبل كده ....وعملت ايه ......؟؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - هل اتعرضت لموقف زي ده قبل كده ....وعملت ايه ......؟؟ (https://www.masrmotors.com/vb/showthread.php?t=109401)

رد: هل اتعرضت لموقف زي ده قبل كده ....وعملت ايه ......؟؟

اقتباس:

المشاركة الأصلية كتبت بواسطة ahmedraafat00 (المشاركة 855752)

ياااااااااه الموقف صعب اوى وواضح انه حصل لناس كتييييييييييييييير
انا حصلى برده بس كان ابسط من كده
اول ما بدأت أسوق وانزل بالعربيه روحت انا وصحابى كارفور اسكندريه وطبعا الباركينج هناك كبيييييييير اوى وصلت وركنت العربيه ومبسوط بقى وعمال اقولهم والنبى ركنة معلم :lvly:
دخلنا بقى وقعدنا نلف وكلنا وخرجنا ندور على العربيه مش لاقينها نلف هنا وهناك مش لاقيها وفى تلك اللحظه ادركت المصيبه انى نسيت أعلم انا ركنت العربيه فين ؟ والانظار مكانش شغال كمان كنا تلاته كل واحد راح دور فى حته لحد ما الحمد لله لقينها وفهمت بقى ان كل مكان بركن فيه بيبقى ليه رقم وحرف معين عشان اعرف اوصله :)

اللي مياخدش باله ويعلم هو واقف فين في كارفور ده هيدوخ علي ما يلاقي عربيته هناك

رد: هل اتعرضت لموقف زي ده قبل كده ....وعملت ايه ......؟؟

انا اتعرضت لنفس الموقف ركنت جنب مجمع التحرير وتوهت خالص معرفش الاسوار فجاه كترت والشوارع بقت شبه بعض معايا ودماغى لفت حسيت انى هقع على ركبى والله ومن نحسى بقى مش الموقف متنيل لا لازم يتنيل زيادة لقيت عربية شكل بتاعتى نيسان فضى بردوا رحت عليها ادوس على الريموت مش مستجيب قلت ادخل المفتاح يمكن بطارية الريموت فضيت ماهو يوم نحس ويجى صاحبها ويمسك فى ويقولى حرامية وراسه والف جزمة لياخدنى القسم لولا معايا كارنيه النقابة ورخصة عربيتى مكنش اتعاطف معايا المهم لما فهم الموقف اتعاطف معايا ودور معايا والله قالى اقعدى فى عربيتى وسابهالى بالمفتاح بتاعها كمان وراح هو يدور على عربيتى وطبعا هو اللى لقاها لانه مكنش مخضوض زيى طبعا

رد: هل اتعرضت لموقف زي ده قبل كده ....وعملت ايه ......؟؟

من يومها بعلم امكان بمحل او بسال اى حد على اسم الشاره لو معرفوش

رد: هل اتعرضت لموقف زي ده قبل كده ....وعملت ايه ......؟؟

السلام عليكم
حصل معايا موقف شبه ده بس مع اختلاف بسيط
كنت ايام الكليه مسافر انا واصدقائي من المنيا للأسكندريه ووصلنا بالليل بعد يوم عناء في الطريق ودخنا السبع دوخات لغاية ما وجدنا شقه وكنا نخرج من شارع لشارع ولفينا لغاية ما اتهدينا وفي الآخر الحمد لله وجدنا شقه وفي الصباح الباكر ركبنا العربيه وذهبنا للبحر وبالليل جينا نرجه ما كناش عارفين الشقه فين وكل شارع ندخل فيه نقول ايوه هو ده بس يطلع مش هو
والله المستعان