رد: اصلحها ولا ابيعها ولا اولع فيها واريح نفسى .. مستنى رايكم ...
 

انا كنت فى نفس موقفك ده من حوالى شهر العربيه جابتلى 7000 جنيه وكنت محتار بين البيع او الشد فقلت انا لو بيعت مش هعرف اجيب عربيه تانى ولو جبت هتكون فى حدود 12 مثلا الله اعلم بحالتها واكيد هصلح فيها برضو قمت اتخذت القرار انى اشدها لانى بعد ما اشدها هبقى عارف ايه الى فيها كويس وهبقى كل حاجه شاريها بنفسى وشدتها واتكلفت حوالى 6000 جنيه ودلوقت بفنش فيها وان شاء الله هبقى اعمل موضوع عن التكاليف قريب

رد: اصلحها ولا ابيعها ولا اولع فيها واريح نفسى .. مستنى رايكم ...
 

على فكرة الحاوى شاف العربية بنفسه وقالى ان الشاسيه مش مفتوح ولا حاجة

وقالى ان الركبة الشمال الى اتغيرت دى اتلحمت غلط وده الى قالب العجلة بس انا

قبل ما غيرها كانت العجلة مقلوبة من بعد العفشجى الى غير المقص والبطاحة على طول

فمش عارف اذا كان فعلا مقلوبة علشان الركبة بايظة وفضلت معوجة بعد مالركبة الجديدة

اتلحمت غلط زى ما بيقول الحاوى !! ورحت كمان عند على السفاح بتاع صلاح الدين

قالى ان الركبة دى راكبة على بارومة اصلا وهو الى بعتنى للحاوى ....

فانا مش عارف اصلا اذا كان الشاسيه مفتوح ولا لاء .

وياريت تبعتلى رقمك لسهولة التواصل

وشكرا جدا على اهتمامك

رد: اصلحها ولا ابيعها ولا اولع فيها واريح نفسى .. مستنى رايكم ...
 

رد: اصلحها ولا ابيعها ولا اولع فيها واريح نفسى .. مستنى رايكم ...
 

السلام عليكم

انا توكلت على الله ياباشا وبدات اعمل العربية

وبعمل زى مانت قولتلى بالظبط .


وفى النهاية بشكرك جدا على اهتمامك وبتمنالك التوفيق فى حياتك باذن الله

رد: اصلحها ولا ابيعها ولا اولع فيها واريح نفسى .. مستنى رايكم ...
 

شكرا محمد باشا على اهتمامك

وسورى كان بقالى فترة مش بدخل

رد: اصلحها ولا ابيعها ولا اولع فيها واريح نفسى .. مستنى رايكم ...
 

تمام اوى اوى .........كدة وش العربية بقى زى الفل قنطرة جديدة وركبتين بقت استاندر

الشروخ معظمها بيكون فى كرتيرة العجل وقايم السائق وعلى الكرتيرة من جوة عند حوض الموتور
واللى بيعملها السمكرى مش العفشجى.....مش حضرتك بتعمل الشغل دة عند سمكرى ولا اية؟

ان شاء الله بعد لما العربية تطلع تمام يا ريت تعملهم عشان تفضل مظبوطة على طول

صح جدا جدا جدا الله ينور عليك

ربنا يكرمك يا رب والعربية تطلع كويسة وتحافظ عليها وتبقى وش الخير عليك بس حاول تحب عربيتك عشان العربية تحبك

رد: اصلحها ولا ابيعها ولا اولع فيها واريح نفسى .. مستنى رايكم ...
 

يارب ياباشا وميرسى على ذوقك



المشكلة بقى ياباشا انه خلانى اغير العفشة كلها ماعدا المساعدين وفتح عليا فتحة ربنا الى يعلم بيها وعاوز اخد رايك فى سعر البضاعة الى اشترتها وسعر المصنعية لان حاسس ان الموضوع بهرج منى :12422A~17:

الادوات كلها جديدة ماعدا الاستبلايزر

اسكترا يوغسلافى 280 جنيه

2 كوتشة حامل اسكترا 15 جنيه

2 بيضة دركسيون 80 جنيه

2 مقص 130 جنيه

2 مسمار 17 ب 5 جنيه

مش عارف كوتش ايه تانى ب 20 جنيه

2 بطاحة 70 جنيه

2 فبرة مساعد 5 جنيه

قنطرة وركبتين 110 جنيه

الاستبلايزر مش عارف بكام

اجمالى 715 جنيه من غير الاستبلايزر ده لسة مدفعتش تمنه

اما بالنسبة للمصنعية 700 جنيه

وكل ده فى نص العربية الامامى فقط وكل لما اقوله اعملى النص الى ورا يقولى

لا مش دلوقتى لما تركب موتورك وتقفل عربيتك .. دلوقتى مينفعش