مصر موتورز مجتمع السيارات - كمبروسر الهواء المحمول... إستفسار عن تجارب؟؟؟؟؟

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

- - كمبروسر الهواء المحمول... إستفسار عن تجارب؟؟؟؟؟ (https://www.masrmotors.com/vb/showthread.php?t=108054)

رد: كمبروسر الهواء المحمول... إستفسار عن تجارب؟؟؟؟؟

مبروككك عليك يا باشا وان شاء الله يعمر معاك

ولوممكن ترفع صوره نكون شاكرين مهللين لك وربنا يباركلك فيه

رد: كمبروسر الهواء المحمول... إستفسار عن تجارب؟؟؟؟؟

اقتباس:

المشاركة الأصلية كتبت بواسطة zing0 (المشاركة 868471)

فيه إعلان عن المنفاخ الواحد بستم (أنا شايف إنه مقنع جداً للعربيات الملاكى), و فيه صورة ليه.
فعلاً بينفخ الكاوتش من الأرض فى دقيقه و يمكن أقل, يعنى ممكن على ما تسخن العربية يكون نفخ الكاوتش, و الموقف ده حصل معايا بالفعل.

الحمد لله ربنا أعانى و نزلت جبت الواحد بستم بـ 145 جنية من محل (مش من إللى فارشين فى الشارع), و طبعاً صينى (كله صينى, ده بقى فى بنى آدمين صينى فى مصر كمان). و طبعاً الضامن هو الله, و معاك ضمان إستبدال لحد باب المحل فقط.

المهم كنت نازل الشغل الصبح و كعادة زوبه و مفاجأتها الرخمة ألاقى الكاوتش نايم عالأرض, خرم عالصبح كده :cry2W9:
طبعاً كالعادة نازل متأخر, رحت فاتح الشنطة و مطلع المنفاخ و قولت أجرب, لو فيه نتيجه ماشى, مفيش ألحق أشوف أى مواصله.
كنت عامله سلكين بمشبك كروكودايل (مشبك تمساح من عند بتوع قطع غيار الإلكترونيات) و ركبتهم فى قطاشات البطاريه, و سميت الله و دورت العربية (علشان أسخن عادى), و رحت مركب الخرطوم فى الكاوتش, و بسم الله , و شغلت.
الله أكبر, بجد أداء لم أكن أتوقعه, فى أقل من دقيقه كان الكاوتش على 35
و بالنسبة للمؤشر بتاعه,مش بيختلف أوى عن الديجيتال.
لأنى رحت لبتاع كاوتش عنده مؤشر ديجيتال و لاقاه على 36.

دلوقتى هسيب رابط الإعلان بتاعه و ليه فيديوهات عاليوتيوب لنفس الشركه
بس ده طبعاً للإيضاح مش للإعلان, و كفايه أنك تعرف ثمنه فى الشركه (الوااااااد بستم بـ 250 ج و مبيرضوش يقولوا غير لما تتصل + مصاريف الشحن 20 جنيه)
فى التوفيقيه بـ 145 أو حتى 150 (السعر الشائع بدون فصال) - طبعاً فرق سعر شاسع.
الشركه مسمياه هرقل (براحتهم حتى لو هيسموه عنترة بن شداد_ صنع فى قبيلة عبس), فى التوفيقية ما لوش أسم غير 1 بستم.
http://dvd4arab.maktoob.com/f499/3488867.html

[COLOR="rgb(255, 0, 255)"]هو كان بيركب على الولاعه - وانت عملت التعديل وخليته يركب مباشره على البطاريه

؟؟؟؟؟؟؟؟؟؟؟؟؟؟؟؟[/COLOR]

رد: كمبروسر الهواء المحمول... إستفسار عن تجارب؟؟؟؟؟

عن تجربه اللى يشتغل من ولاعه السياره جميل جدا وعملى وسلكه طويل

تستعمله بكل سهوله لتعبئه هواء في الاربع كوتشات للسياره بكل سهوله

سهل في الحمل وخفيف ويحتوى على مؤشر قياس للضغط

اشتريه وانت مطمئن

والله الموفق

رد: كمبروسر الهواء المحمول... إستفسار عن تجارب؟؟؟؟؟

اقتباس:

هو كان بيركب على الولاعه - وانت عملت التعديل وخليته يركب مباشره على البطاريه

إللى عندى بيشتغل عالولاعة, بس أكتشفت إن الولاعة مش شغاله, فعملت له سلكين بجانب جاك الولاعه, و نصيحه للى هيعمل الموضوع ده, لااااااازم يكون سلك لايقل عن 1 مم, و المشبك يكون كبير مش صغير لأنه بيسخّن السلك.

اقتباس:

مبروككك عليك يا باشا وان شاء الله يعمر معاك
ولوممكن ترفع صوره نكون شاكرين مهللين لك وربنا يباركلك فيه

يا باشا صورته هيا بالضبط إللى فى الإعلان.

و أنا تحت أمركم فى أى إستفسار, بس الثمن غااااالى ...
صلّى على حبيبك

رد: كمبروسر الهواء المحمول... إستفسار عن تجارب؟؟؟؟؟

موضوع رائع وانا استفدت منه وتم الشراء والحمد لله
اشتريت 2 بستم وهرفع صور له قريبا والانطباع عنه بعد تجربته ان شاء الله

رد: كمبروسر الهواء المحمول... إستفسار عن تجارب؟؟؟؟؟

شكرا لصاحب الموضوع و كل من شارك به
لانى فعلا استفدت
و ان شاء الله
فى اقرب فرصه انزل اشترى واحد بستم
.

رد: كمبروسر الهواء المحمول... إستفسار عن تجارب؟؟؟؟؟

موضوع جميل جدا و مهم جدا
انا حصل معايا موقف رخم بس الحمد لله ربنا بيسترها
كنت في كارفور في مدينة العبور و معايا والدتي
و خرجت لقيت فرده نايمة عالأرض
و مفيش أي بتاع كاوتش قريب خالص
بالصدفة كنت لقيت قبلها عرض في كارفور علي منفاخ ولاعة ب 60 جنيه
روحت داخل مشتريه علي طول و نفخت العربية هي خدت مني 10 دقايق بالمنفاخ دة
و العمر الأفتراضي للمنفاخ دة 5 شهور لو بتستعمله كل يومين مثلا و بعد كدة بيبوظ
بس أحسن من إشتغالات الصنايعية و بتوع الكاوتش