مصر موتورز مجتمع السيارات - ناوي شراء سيارة BYD

اقتباس:

المشاركة الأصلية كتبت بواسطة gogo_run99 (المشاركة 844305)

الاخ الكريم
هاني عبد الحميد
بداية أشكر إهتمامك بنصحي بشأن تركيب السماعات خاصة وأنه فور عودتي من السفر توجهت إلى مركز الخدمة لصيانة الـ 1000 كم الأولى وقد كانت قراءت العداد سجلت 1333كم وفوجئت لدى طلبي تركيب سماعات خلفية مطالبتي بملبغ لايليق بثمن سماعتين حيث علمت أن المبلغ المطلوب كبير جداً بحجة تبديل الفبرة بالمثبت بها وش السماعة مما جعلني أعدل عن التنفيذ فإن عاونتني بالوصف """أين أجد السلك الموصل للسماعات أكون شاكرا لك وكيف يتم توصيلها..
هذا_ ومن جانت آخر أحب نقل خبرتي من واقع ماصادفت مع السيارة سواء نتاج خطأ شخصي أو عيب آخر لعل الإستفادة تصل لكافة الأعضاء.
أولاً خطأ وقع مني ظناً مني أنه يحقق مصلحة ...... فخلال الـ 24 ساعة الأولي من شراء السيارة نصحني فني الكاوتش "من خارج مركز الصيانة" أن أضيف مادة مانعة لثقب الكاوتش وأن عملها الأساسي هو عمل اللاحام من تلقاء نفسة إذ ما تعرضت الفردة للثقب.... وكان أبلغ أثر سلبي منها هو غربلة السيارة عند الإسراع بالسيارة من 90حتى 120 ثم الثبات بدون غربلة من بعد الـ 120 وحتى 150 ثم تعود الغربلة بشدة أكبر من بعد الـ150 وتبين لي أن السبب هو وجود المادة سائلة داخل الإطار واستحال ترصيصها في وجود المادة داخلها مما حدى بي إلى التخلص منها وضبط الإطار وأصبح توازن السيارة رائع عند كل السرعات وبثبات وكأنني أقود طائرة.
ملاحظة هامة جداً....
لا يحاول أحد استخدام السرعات العالية إلا على الطريق المناسب كالطريق الشرقي للقوات المسلحة.
وقد تم عمل الصيانة الدورية بالمركز ولفت إنتباهي أنهم يتقاضون مصنعية ""وهو أمر استغربه"" كما حاول أحد العمال المسئولين عن الكهرباء استدعائي من خلال الإتصال بي هاتفياً على موبيلي وشعرت منه بمحاولة ابتزازي وهذا ماكنت أتمنى وجوده...
على العموم كل مكان فيه من العناصر البشرية من قد يسئ إلى المكان....
وعلى العموم التقدير العام للصيانة يصل إلى جيد ويحتاج إلى المتابعة الجادة اللصيقة من المسئول عنه...
وفي العموم السيارة أكثر من رائعة
اللهم بارك لي فيها وأكفني شرها وأصلح بيني وبين نفسي ورفاقي
والسلام عليكم ورحمة الله وبركاته.:fun_7_5_128[1]:

سلام عليكم:اخى الكريم.
لوسمحت لى ..ولو سمح لى الاخ هانى .. ان اساعدك فى حل هذة المشكلة البسيطة جداااااااا
قدامك طريقتين للحل.....
1- بتحب تشتغل بايدك...هتلاقيها سهلة وبسيطة..ركز معايا...
افتح شنطة العربية...دخل دماغك جوة الشنطة..بص على السقف اللى خلف الكنبة الخلفية
هتلاقى فتحة السماعات موجودة..ومقطوعة جاهزة..
ركز شوية فى داير الصاجة المفتوح ..هتلاقى الفيشة موجودة...سهلة جدا مفيش مشكلة
هتجيب منشار اركيت ..او صفيحة منشار وتقطع السلوتكس اللى هو مغطى ومدارى فتحة السماعات على المقاس الاستوك..(الآصلى) اللى موجود اساسا..
وتجيب سماعتين نضاف..بومبية..وتركب فيهم ترملتين نحاس رفيعين..وتعزلهم بشرط لحام
لييييييية بقى..علشان انت مش هتلاقى برة فيشة تركب على الفيشة اللى موجودة فى العربية
اصلا... ف الترملة الرفيعة ..هتحل مكان الفيشة..والعزل اللى انت عاملة علشان لما تركب
فى الفيشةالموجودة المكان بيبقى محكوم..منعا لتلامس الاسلاك..وركب السماعتين..وعيش
وطبا لازم تظبط الصوت من الكاسييت لانة محتج تظبيط على زوقك انت ..يعنى بيز وتربيل
وسكسكة..انت وهواك فى السمع...وعيش ياباشا...وادعيلى.

2- الطريقة التانية.... هتروح لكهربائى..هايعملك نفس اللى قلته لك...لو انت ما بتحبش
تشتغل بايدك...
وفى الحالتين لو عايز الصوت يبقى قنبلة...ومتفجر ...وهيصة جامدة.. وشو يعنى
هاتشيل الضهر السيلوتكس اللى احنا كنا هانفتحة دة..وتجيب ضهر تخانة اكبر شوية
من عند بتاع السيلوتكس .. او السروجى..وهما مسمارين...فك . وركب ..
الطريقة دى لوبتحب الصوت العالى...والطريقة الاولى للصوت المعتدل..وانت وراحتك
اتمنى ان اكون قدرت اوصل لحضرتك المعلومة بطريقة سهلة..وعذرا على الاطالة.
واى سؤال انا تحت امرك.. وتقبل تحياتى.