رد: العربيه اتسرقت عز الضهر بالمنصورة
 

ان شاء الله هترجع وع فكره اولاد رجب بيتابع بالكاميرات لو دخلوا تاني هيجيبهم وبيمسكهم وان شاء الله ترجعلك قريب جدا

رد: العربيه اتسرقت عز الضهر بالمنصورة
 

الف شكر لكل الردود الجميله دي و ربنا يبعد عنا جميعا و يكفينا شر السرقات
لان الموضوع فعلا زاد عن حده جدا و زي ما قال الاستاذ باسم لانسر دا اسمه فجر مش سرقة

رد: العربيه اتسرقت عز الضهر بالمنصورة
 

ربنا يعيدها لكم سليمة بإذن الله و ينتقم من كل حرامي سافل

رد: العربيه اتسرقت عز الضهر بالمنصورة
 

اللهم يا جامع الناس ليوم لا ريب فية
اجمع على ضالتى
قول هذا الدعاء واتركها للة وحدة
وان شاء اللة الشرطة من صورتهم سهل جدا جدا انها تجيبهم بس يتقوا اللة ويشتغلو ويحللو المرتب اللى بيخدوة

رد: العربيه اتسرقت عز الضهر بالمنصورة
 

رد: العربيه اتسرقت عز الضهر بالمنصورة
 

الحمد لله العربيه رجعت
اللي حصل كالتالي :النهارده 29 ديسمبر حوالي 3 عصرا لقيت اتصال من المباحث بيقول اننا لقينا عربيتك مركونه في عزبة الشال (حي من احياء المنصورة بس هو اسمه كده) بجوار حي الاستاد اللي حصلت فيه السرقة و فيه المخبر واقف جنبها و عايز المفتاح التاني علشان يدورها و تاخدوها ... طبعا مش قادر اوصفلكم الفرحة كانت قد ايه... و جريت انا و الحاج علي المكان اللي ضابط المباحث قاللي عليه و الحمد لله لقيت العربيه و اصحاب المحلات اللي حوالين العربية قالوا لنا انها كانت هنا من تلات اربع ايام مركونه فشكينا في امرها و بلغنا القسم و جم بتوع المباحث و شافوها و طلبونا في التليفون .... و اخدنا العربية و رحنا بيها علي قسم ثان المنصورة و اتعمل محضر تسليم للعربية و الحمد لله استلمناها بعد الاكراميات و الحلاوة و الذي منه طبعا و الف حمد و شكر انها جت علي قد كده .. و طبعا الحرامي قلب العربيه غطا و كوريك و شوية ملابس جاهزة كانو في العربية وقت السرقة ز الف حمد و شكر لك يا رب ان العربية نفسها موجوده ... و الف شكر لكل الاعضاء الافاضل اعضاء مصر موتورز عل المشاركة و الردود و ربنا ما يوريها لحد بجد موقف صعب صعب صعب ربنا ما يحكم بيه علي حد و ياريت كل واحد يخلي باله و يحط عينيه في وسط راسه زي ما بيقولوا حفظنا الله جميعا من شر السرقة و السلام عليكم و رحمة الله و بركاته

رد: العربيه اتسرقت عز الضهر بالمنصورة
 

الف مليون مبروك و الحمد لله ان العربية رجعت
بس برضه الناس دى لازم تيجى لانهم اكيد هايختفوا فترة و يرجعوا تانى يعيدوا نفس الموضوع مع ناس تانى