رد: للاهميه: حد اشترى تقسط من كونتكت قبل كده ؟؟؟
 

اخى العزيز
فعلا شركة كونتكت فى تقسيط السيارات الخاصة بالعالمية وهى الوكيل لجميع موديلات سيارات ( كيا - رينو )
وتندرج تحت الاسم التجاري ( شركة كونتكت العالمية المصرية لتقسيط السيارات - C - EIM)

تقسيط كونتكت مريح جدا ويقدم اكثر من نظام تقسيط للعميل والتمويل داخلي يعتى مفيش بنوك
الحاجة الوحيدة لدخولك البنك هى لاستخراج دفتر شيكات .
اما بالنسبة للورق المطلوب فهو يرتبط بطبيعة عمل حضرتك يعني
1- موظف
الاوراق المطلوبة ( شهادة مفردات مرتب موضح بها طبيعة العمل والراتب وبداية العمل )
ايصال مرافق ( كهرباء - مياه - غاز ) لمقر السكن
فى حالة تحويل المرتب على احد البنوك ( يتم استخراج كشف حساب بنكي )
2- نشاط فردى او شركة
البطاقة الضريبية + السجل التجاري ( صور منها طبعا مش الاصل
ايصال مرافق ( كهرباء - مياه - غاز ) لمقر السكن
كشف حساب بنكى ان وجد ( حيث انه يدعم العميل فى الحد الائتمانى
اما بالنسبة لموضوع الشيكات فهى عبارة عن شيكات ضمان
حيث يقوم العميل بالتوقيع على عدد شيكات ضمان مساوية لعدد الاقساط ومقسومة على 6
بمعنى انه فى حالة التقسيط على 60 شهر والقسط الشهري مثلا 1000جم من الصعب ان يقوم العميل بتوقيع 60 شيك فهذا سيستغرق الكثير من الوقت والشيكات ايضا حيث ان البنك يصدر عدد 20 شيك فقط . فيتم تجميع اجمالي عدد 6 اقساط وتجميعها فى شيك واحد اى ان القسط 1000 جم ومدة التقسيط 60 يتم التوقيع على عدد 10 شيكات ضمان قيمة كل شيك 6000جم ويتم استلام الشيكات واحد تلو الاخر بعد مرور 6 اشهر اى ان بعد سداد 6 اشهر يتم استلام شيك وهكذا.
واى استفسار اخر برجاء وضعه هنا
http://www.masrmotors.com/vb/showthread.php?t=103431

رد: اى استفسار عن شركة كونتكت
 

انا عايزة اشتري مستعمل تقسيط وانا من اسكندرية وعايزة نظام اسلامي وليا اكتر من استفسار وياريت حضرتك ترد عليه وبعتذر مقدما عن الاطالة
اول شرط لو انا عايزة اشتري عربية هيونداي او كيا وعجبتني عربية حالتها ممتازة وسعرها زي مانا عايزاه بس هي موديل 2007 او 2008 هل ممكن اتعامل مع كونتكت ؟

لو انا عجبتني العربية وحبيت اتعامل مع كونتكت ايه الاجراءات واعمل ايه بالظبط وهل الاجراءات دي بتطول (لان العربية المستعملة اللي هتعجبني ممكن تتباع بسرعة لو انا مشتريتهاش ) وخصوصا لو العربية حالتها وسعرها ممتاز ؟

هل في خبير بيطلع من كونتكت لمعاينة وتقييم سعر العربية ولا لا؟

دلوقتي انا عجبتني عربية مثلا وحسبت سعرها وسعر تقسيطها من موقع كونتكت بالفايدة (خدمة حساب سعر العربية بالفايدة من كونتكت ) هل السعر دة بيكون دقيق واعمل حسابي عليه ولا لا ؟

هل شركة كونتكت بتوفر عربيات مستعملة يعني لو انا ليا مواصفات عربية بسعر معين هل الشركة ممكن توفرهالي ولا لازم انا اللي اجيب العربية ؟

واخيييرا لو في رقم تليفون او مكان للشركة في اسكندرية عشان يكون التعامل مباشر لان فلوس المقدمة جاهزة ومعايا وانا عايزة اشتري اعمل ايه ؟

واالف شكر لحضرتك

رد: اى استفسار عن شركة كونتكت
 

شكرا بس ممكن عرف مين حضرتك و علاقتك بكونتكت و لو سمحت انا كنت حاجز رينو و عملت ابليكشن لكونتكت هناك و جالى موفقه بس التوكيل اتاخر قوى فى تسليم العريبه فقررت ااجل موضوع الشراء لمده شهر او شهريين و بلغت مندوب كونتكت انى اجلت موضوع الشراء عموما
عايز اعرف هل كده الموفقه بتاعتى اتلغت كده ولا هى ساريه ولا ايه الوضع ؟\

تحياتى

رد: اى استفسار عن شركة كونتكت
 

و يا ريت رقم كونتكت فى اسكندريه عشان مش عارف اوصل له و معيش غير رقم المندوب

رد: اى استفسار عن شركة كونتكت
 

اهلا وسهلا بحضرتك
طبعا الاسئلة كتيرة ولكنه حقك
انا سوف اقتبس السؤال للايضاح وسيتم الاجابة عنه ..

1- انا عايزة اشتري مستعمل تقسيط وانا من اسكندرية وعايزة نظام اسلامي وليا اكتر من استفسار وياريت حضرتك ترد عليه وبعتذر مقدما عن الاطالة ؟

اولا تقسيط المستعمل فى كونتكت لا يتم الا على نظام واحد فقط وهو النظام المرن بمعنى فائدة 10.69 % تقريبا لا يشترط التامين ...

2- س : اول شرط لو انا عايزة اشتري عربية هيونداي او كيا وعجبتني عربية حالتها ممتازة وسعرها زي مانا عايزاه بس هي موديل 2007 او 2008 هل ممكن اتعامل مع كونتكت ؟

الاجابة : السيارات الكيا والهيونداى وشيفورليه و ميتسوبيشى و دايهاتسو و بيجو
لابد ان يكون موديل السيارة هو 2009 اقل شى وفى هذه الحالة يتم التقسيط على اربع سنوات فقط اما اذا كان موديل السيارة اعلى فسوف يتم التقسيط على اربع سنوات .اى ان اي موديل اقل من 2009 لا يمكن تمويله ولمزيد من المعلومات اليكى الرابط فى هذه الجزئية
http://www.contactcars.com/TakseetG2.html#condations

3- س : لو انا عجبتني العربية وحبيت اتعامل مع كونتكت ايه الاجراءات واعمل ايه بالظبط وهل الاجراءات دي بتطول (لان العربية المستعملة اللي هتعجبني ممكن تتباع بسرعة لو انا مشتريتهاش ) وخصوصا لو العربية حالتها وسعرها ممتاز ؟
الاجابة : طبعا لو السيارة متوافقة مع شروط الشركة يتم التعاقد عيلها - اما بالنسبة الى الاجراءات
فى حالة ما اذا كانت السيارة متوفرة بها الشروط الاوليه وهى .
الشروط المطلوب توافرها فى السيارة المستعمله

عمر السيارة عند تقديم الطلب لايتعدى 4 سنوات من سنة الصنع.
عمر السيارة عند انتهاء التعاقد لا يتعدى 8 سنوات.
عداد السيارة حتى 70 الف كيلومتر.
طبعا دى اشياء حضرتك ممكن تعرفيها قبل التعاقد

بعد كده حضرتك او بالنسبة لاى عميل للسيارة مستعمل يتم الاتى
1- التقدم بطلب الشراء من الشركة او الموجودة فى المعارض او عن طريق الموقع الرسمي للشركة
ويتم فيه كتابة نوع السيارة وسعرها ومدة التقسيط
بعد تقديم الطلب وسداد مصاريف الاستعلام والتى هى ( عميل داخل القاهرة والاسكندرية 100 جم والبحيرة 150 جم ومطروح وباقى محافظات مصر 250 جم )
هذا اذا تم التقدم بالطلب عن طريق الشركة او احد المعارض اما بالنسبة لطلب عن طريق الانترنت سيتم التحصيل عند حضور مندوب الاستعلام
بعد المقابلة والاستعلام وفى حالة الموافقة
** ( هنا الشركة لم تري حالة السيارة ولا تعرف اذا كان العميل سيقوم بتغير نوعها ام لا ) ولكن الدراسة والموافقة بنيت على اساس مبلغ السيارة المكتوب من قبل العميل.
بعد ذلك سيتم الاتصال من احد موظفي الشركة بادارة التعاقدات وسيتم توجيه العميل الى احد مراكز الخدمة المعتمدة لدي الشركة لتقيم السيارة من جميع النواحى ( من ناحية حالة السيارة الخارجية والداخلية وايضا سعرها ) وكل هذا الاجراء يصب فى مصلحة العميل المشتري - اى انه فى حالة اذا كان البائع يطلب 100.000 جم بعد الطشف على السيارة سيتم ارفاق فاتورة تفصيلية عن حالة السيارة وعن القيمة السوقية للسيارة فى الوقت الحالي - اى انه لن يضحك عليك احد بعد الان . فهو اجراء لحماية العميل فى البداية )
وهنا يوجد حالتين :
1- اذا خرجت الفاتورة بنفس السعر المدون فى طلب الشراء ( الابلكيشن ) فمفيش مشكلة عند كونتكت
2- اذا خرجت الفاتورة بسعر اقل من المدون فى طلب الشراء - هنا تطلب الشركة منك التفاوض مع المشتري بشان السعر حيث ان ثمن السيارة فى السوق هو ما اثبتته الفاتورة فاذا وافق مفيش مشكلة
واذا لم يوافق وحضرتك معجب بالسيارة فنا عليك ان تتحمل فرق السعر المدون بالفاتورة عن ما هو مدون فى طلب الشراء
والخطوات كما هى مدونة بالموقع

http://www.contactcars.com/TakseetG2.html#condations
خطوات بسيطه و سهله لشراء سيارتك المستعمله

عن طريق تقديم طلب لشراء السياره تبدا الخطوات، يمكنك تقديم الطلب عن طريق موقعنا الاكترونى او افرع الشركة ( يسدد مبلغ 100 جم نقداَ كمصاريف استعلام للقاهره الكبرى والاسكندريه اما باقى المحافظات يسدد مبلغ من 150 جم الى 250 جم حسب المنطقه الجغرافيه ).
يتم الاتصال بك عن طريق اخصائى التقسيط لتنسيق ميعاد المقابله ولاستلام الاوراق المطلوبه من اثبات شخصيه، اثبات الاقامه واثبات للدخل وبالنسبه لاصحاب العمل يتم اضافه اوراق اثبات النشاط و كشف حساب بنكى حديث.
تتلقى مكالمه تليفونيا خلال 72 ساعة بالحد الائتمانى المسموح لك، يتم بعدها تحديد السيارة المطلوب تمويلها بعد مراجعة الشروط المطلوب توافرها فى السيارة المستعمله
يقوم المشترى بالذهاب الى احد مراكز الفحص الفنى المعتمد للقيام بفحص السيارة مع الاحتفاظ بالتقرير الفنى على ان تكون السيارة فى حالة جيدة ومطابقه للشروط الفنيه المطلوب توافرها حسب سياسه شركة كونتكت ( مراكز الخدمه المعتمدة) بحد اقصى اسبوع قبل نقل الملكيه
يتم الموافقة على سعر السيارة النهائى والحاله الفنيه بناءاَ على السياسة الداخلية للشركة الخاصة بالتسعير و تقييم الحالة
يقوم البائع بتسجيل السيارة باسم شركة كونتكت لتجارة السيارات فى الشهر العقارى والاحتفاظ باصل عقد البيع المسجل

المستندات المطلوبه من المشترى

مستند إثبات الشخصية .
دفتر الشيكات ( و فى حاله عدم وجود دفتر شيكات يتم مساعدة العميل فى فتح حساب و استصدار دفتر الشيكات).
توكيل بالسياره لصالح الشركة موثق بالشهر العقارى
قيمه مقدم السياره .
قيمه 2.0% مصاريف اداريه من قيمه القرض ( بحد ادنى 1000جم وبحد اقصى 5000 جم) .

المستندات المطلوبه من البائع

عقد بيع مسجل.
اصل رخصة السيارة.
شهادة مخالفات حديثة لا تتعدى اسبوع.
عقد بيع ابتدائى .
اثبات الشخصيه .

عقب توقيع الاوراق المطلوبه تقوم الشركه بمساعدتك فى انهاء اجراءات الترخيص باسمك و محظره لصالح الشركه

س
هل في خبير بيطلع من كونتكت لمعاينة وتقييم سعر العربية ولا لا؟
الاجابة : بالاعلي ( من خلال مراكز الخدمة ).

س
هل شركة كونتكت بتوفر عربيات مستعملة يعني لو انا ليا مواصفات عربية بسعر معين هل الشركة ممكن توفرهالي ولا لازم انا اللي اجيب العربية ؟

للاسف شركة كونتكت لا يوجد لديها سيارات مستعملة

ارجو ان اكون اجبت عن جميع الاسئلة واذا كان هنا اى شىء غير واضح انا تحت امرك ( يكفى انكى من حفظة القرءان الكريم )
وتحت امر جميع الاعضاء

رد: اى استفسار عن شركة كونتكت
 

ده رقم الهاتف
01000019417
وليد الصيفي

رد: اى استفسار عن شركة كونتكت
 

استاذ وليد ممكن تعرفنا بنفسك اكثر
حضرتك شغال فى كونتكت ولا اية
علشان الاعضاء تبقى عرفى بوضوح