المشاركة الأصلية كتبت بواسطة dr_eslam_66 (المشاركة 812496)

هوا الأعضاء الكرام الحمد لله أنا حاسس إ،هم أوفوا وأشملوا معظم نقاط الحذر. وترتيبها من الاهمية إلى الأقل بالنسبة لي هو كالآتي:
1-الحزام.
2- المرايات والنقاط العمياء.
3- مسافة الأمان.
4- التركيز والتيقظ والإنتباه (يندرج تحتيه الموبايل والسجاير والأكل والمشروبات).
5- التوقع ومحاولة محاكاة سيناريوهات قبل حصولها.

أخيرا بقى والي لاحظته بنفسي الكاسيت ثم الكاسيت ثم الكاسيت وجود بعض العادات السيئة بإني صوت الكاسيت يكون عااااالي جدا بشكل يعزلك تماما عن أي إشارة تنبيه أو كلاكس خارج زجاج سيارتك دا أكبر غلط.
أنا شوفت بنفسي واحد بيدوس على رجل بنيآدم وكانت الدنيا زحمة والراجل عمال يخبطله على العربية وهوا واقف فوق رجله لاسامع ولا حاسس ولا شايف وقاموا الناس جريوا على الشباك بتاع السواق يخبطوله عليه ولما فتح الشباك ياااااه على الديسكوا الي كان جوا.
بصراحة أنا كنت عايز أركن وأسأله إنتا مركب ساوند سيستم إيه ومنين وبكام :shyy:.

المشاركة الأصلية كتبت بواسطة svneleven (المشاركة 812489)

أحيانا بيتقال عليها الديد زون Dead Zone بنفس المعني و يمكن ده اللي حضرتك تقصده لأنها قريبه من ديف زون.