رد: لعنة عدم ثبات السيارة (يا فرحة ما تمت مع البورا)
 

جنط 17 وكاويتش 215 45 17 وسوست ومساعدين كونى
حاول تعمل بودى كت ( كساحات وتنفيخ اكصدامات )
ركب شداد امامى وخلفى

رد: لعنة عدم ثبات السيارة (يا فرحة ما تمت مع البورا)
 

رد: لعنة عدم ثبات السيارة (يا فرحة ما تمت مع البورا)
 

ديجو باشا شرفت الموضوع عندى, بص مش أنا أول واحد شكر فى ثبات و جرى الأكسنت أنا ليا 2 أصدقاء دلوقتى واحد معاه كرولا 2007 و التانى معاه جولف 4, و بردو مش حاسين بالفرق الفظيع عن الأكسنت, أنا عربيتى كانت ستوك بس كنت مضبط العفشة أول بأول و محافظ عليها و كمان العفشجى كان متقل علبة الدريكسيون عندى شوية, بس بردو عشان اكون صريح معاك انا والدى معاه م 2005, و أنا كان معايا 99, بس الغريب ان سيارة والدى مكانتش بتسحب زى سيارتى ولا كنت بحس بالراحة فيها و أنا بجرى على سرعات زى سيارتى و يعنى مليش تفسير غير انى جايز أنا كتن مفتح موتور عربيتى أول بأول و كمان موضوع تتقيل العلبة يمكن كان مساعد, بس انا بعتز بالعربية ده جدا و أصيلة أوى كمان و هى مع والدتى و بعد ما بعت عربيتى السبكترا جالى شغلانة فى برج العرب ف خدت الأكسنت و روحد صد رد و كانت ما شاء الله (ماشية 155,000 ك).

رد: لعنة عدم ثبات السيارة (يا فرحة ما تمت مع البورا)
 

أنا صاحب الموضوع, و يمكن لسه مقفلتش الموضوع لأن فاضل حاجة واحدة معملتهاش و لكن عشان اليقرأ الموضوع يبقى عنده وعى كامل بالمشاكل و حلولها حتى الأن, تم و الحمد لله حل مشكلة الثبات بشكل كبير و الكانت واجهتنى أول ماشتريت العربية عن طريق الأتى:

1- تغيير الجنط الكان فى العربية بأخر استيراد أصلى 15 (1500 ج) و ده كان مسببلى رجة عالية فوق ال 80 و طلع السبب انه كان محتاج رنجات و كانت الفردة القدام يمين مفهاش الرنج
2- تركيب كاوتشات جديدة (بريدجستون تورانزا يابانى gr80) ب 600 ج الفردة
3- تغيير المساعدين الخلفى و جبت جوز مونرو (750 ج)
4- تغيير البطاحات و بلى البطاحات و جلب المقصات و بارات دريكسيون داخلى (استيراد) و كاوتش ميزان (دول كلفوا فى حدود 900 ج تقريبا).
النتيجة تحسن الثبات بصورة شديدة و حل معظم مشاكل العفشة و مفضلش غير تغيير المساعدين الامامى و الأعتقد انها هتظبط العربية تماما ان شاء الله (لأنها متركب فيها بيلاشتاين بس ناشف جدا لدرجة شكنا أنا و الميكانيكى انه لا يمتص الصدمات و البديل هوا المونرو ب 900 ج أو الأصلى من عند الشهابى ب 1500).
(يوم راس السنة رحت العين السخنة رايح جاى بمتوسط سرعة 160 - 180 بدون مشاكل الحمد لله).
بقالى بقى استفسار أو 2 كده:
1- رغم عمل الصيانات اللازمة من بوجيهات و فلاتر, و نحسن بسيط فى سحب السيارة, لكن بلاحظ انها بتسحب بنزين زايد شوية, غير بعد ال 160 بتهدأ جامد أوى و تجيب 180 بصعوبة و أوقات تعديها و اوقات الاقيها نزلت عن ال 180 لوحدها, غير بردو سحب السيارة بشكل عام مش عاجبنى, فهل ممكن يكون فى مشكلة أو سدادان فى Injection أو البخاخات محتاج أعرف رايكم بردو.
2- بقالى مدة مكشفتش على الزيت و انا عموما حاطط شيل 10000 ك و ماشى 7000 ك لغاية دلوقتى, لكن النهارده الصبح بكشف على الزيت لقيتو المؤشر ناقص بتاع نص سم (يعنى الزيت كان عند نص العلامة تقريبا و دلوقتى لقيتو عند أخر العلامة من تحت) فهل ده طبيعى انا كنت سمعت مرة ان مواتير البورا بتاكل نسبة زيت عادى.

و شكرا<!-- google_ad_section_end -->

رد: لعنة عدم ثبات السيارة (يا فرحة ما تمت مع البورا)
 

شوف فلتر الهواء غالبآ مسدود أو مخنوق ! وبيقلل دخول الهواء للموتور تقوم السياره تاكل بنزين

أكثر من المعتاد علشان توازن معادلة نسبة الهواء الى البنزين و تعوض فرق الهواء بأكل بنزين زياده !

جرب تغير فلتر الهواء الآول واذا لم تجد تحسن واضح يبقى خش على الرشاشات !

Dr. Bolbolan ptmnlo123per1127

رد: لعنة عدم ثبات السيارة (يا فرحة ما تمت مع البورا)
 

أولا شكرا يا دكتور على الرد السريع, و أنا بردو مستنتش أنا غيرت فلتر الهوا و البنزين و البويهات من 2000 ك تقريبا, بس محستش بفرق كبير و أنا فعلا شاكك فى الرشاشات بس ديه حاجة أنا مشتغلتش فيها قبل كده ف مش عارف أعمل ايه فيها.
(هوا عموما الميكانيكى كان نصحنى أحط الخليط البينضف الانجيكشن و الموجود فى البنزينة و رغم انى مش مقتنع بفايدته بس ناوى أجربه ان شاء الله)

رد: لعنة عدم ثبات السيارة (يا فرحة ما تمت مع البورا)