مصر موتورز مجتمع السيارات - بروفشنلز اسكندرية

مصر موتورز مجتمع السيارات (https://www.masrmotors.com/vb/index.php)

- ملاكى اسكندرية (https://www.masrmotors.com/vb/forumdisplay.php?f=142)

- - بروفشنلز اسكندرية (https://www.masrmotors.com/vb/showthread.php?t=26586)

رد: بروفشنلز اسكندرية

اقتباس:

المشاركة الأصلية كتبت بواسطة نبيل عبدالرحمن (المشاركة 194571)

وأنا ها أدلكم على واحد كهربائى ممتاز والله وأنا بأترك له العربية وأقول له المطلوب وهو ينفذه بمنتهى الأمانه ،
اسمه أمين القصراوى وعنوانه شارع أدمون فيرمون ( الواصل من ميدان مسجد على بن أبى طالب وحتى ميدان العيون ) بسموحه وهو راجل أمين ( اسم على مسمى ) وتليفونه : 0127889896
ولو اتعطلت عربيتك فى أى مكان يأتى إليك أو يرسل أحد الفنيين التابعين له، ولديه خبرة فى جميع ماركات السيارات القديم منها والجديد

الف شكر استاذ نبيل انا عارف ان دى امانة على كل واحد انه يجيب حد كويس وامين فعشان كدا الموضوع ماشى على مهله
وما زال البحث مستمرا على ميكانيكى محترم وامين فى الاسكندرية
محدش عنده ميكانيكى كويس ptmnlo123per1106ptmnlo123 per1106

رد: بروفشنلز اسكندرية

عرفت واحد بتاع كربراتير بس لازم تحجز وتصبر وتاخد دور
بس بالنسبة للمميزات وهى اكتر حيقلك على الى فى الكربراتير مش حيشتغلك وعلى اد الشغل الى فيه حياخد فلوس راجل امين ومتدين جدا هو مش بيتكلم كتير بس شغله تمام انا عملى الكربراتير ومعرفش عمل فيه ايه وكنت منتظر رقم عالى قلى عايز 20 جنيه
الاسم : الشيخ احمد وطبعا هو عنده حوالى 3 صنيعية شغالين معاه بس كله بيبقى تحت اشرافه
المكان: ورا شركة كوتاريله فى قلب سوق الغيط الصعيدى عند مسجد انصار السنة تحت كوبرى محرم بك العلوى
رقم تليفونه: 0102591396

رد: بروفشنلز اسكندرية

إحنا عايزين نجمع أسماء هؤلاء الصنايعية فى جدول شامل موضح فيه اسم الصنايعى وتخصصه وعنوانه ورقم تليفونه وننشره على المنتدى ليستفيد الجميع

رد: بروفشنلز اسكندرية

اقتباس:

المشاركة الأصلية كتبت بواسطة نبيل عبدالرحمن (المشاركة 196147)

فكرة ممتازة وجارى ان شاء الله التنفيذ

رد: بروفشنلز اسكندرية

اقتباس:

المشاركة الأصلية كتبت بواسطة نبيل عبدالرحمن (المشاركة 194571)

tفعلا انا عارفه و كل الكلام ده فعلا انا جربته انا فعلا نسيت اقول عليه
شكرا يا استاذ نبيل
و على فكرة يا هيما الموضوع ده ان شاء الله حيبقى مرجع ممتاز لرواد المنتدى ربنا يجازيك خير

رد: بروفشنلز اسكندرية

اقتباس:

المشاركة الأصلية كتبت بواسطة manchester (المشاركة 188997)

فى الحضرة فى وش شارع السوق من ناحية الترام الاصفر ...عم محمد مدنى ( كهربائى ) ممتاز
خالد مدنى (ميكانيكى) استاذ
احمد الصعيدى ( بويجى ) معلم
الثلاثة دول اخوات بس بسم الله ما شاء الله
ده غير ان عندهم افضل سمكرى انا شوفتو بس مش اخوهم
و عندهم استاذ سروجى محترم جدا الاسطى اشرف
و و الله ده مش دعاية ولا حاجة بس شهادة لله وشكرا

يريت ارقام التليفونات لسهولة التعامل

رد: بروفشنلز اسكندرية

الموضوع ان شاء الله حيبقى مجدد دايما مع إضافة المزيد من الاخوة الاسكندرانية ونرجو من الإدارة التثبيت لتعم الفائدة والناس دى انا مجمعها من مشاركات اخونا فى اسكندرية
وما زال البحث مستمرا على ميكانيكى :HAPPY_~211:
كهربائى

1) محرم بك - وليد شغال عند اخوه شارع الابعدية متفرع من شارع الرصافة ناحية قسم محرم بك عيبه مصنعياته عالية مشاركة العبد لله hema_hn ابراهيم
2) ميامى - ورشة فى شارع اسكندر ابراهيم بميامى أمام الاكاديمية بتاعة الشيخ طارقمعاملة تمام + قطع غيار +سكانر كمبيوتر والمصنعية معقولة جدا مشاركة negmeddin
3) فيكتوريا - ابراهيم وكان شغال في توكيل فولفو وشهرته ابراهيم فولفو مكانه ش جمال عبد الناصروانت رايح فيكتوريا بعد صنيه مستشفي جيهان علي طولخش اول شارع شمال لحد الاخر ليمين واسال عليه ركبلي فوانيس شبوره للفيرنا هي سهله بس حسيت انه فاهم وانا عنده جتله عربيات عليه مرسيدس عيونوكيا سبورتاج موديل السنه مشاركة ايمن منصور
4) سموحة - أمين القصراوى وعنوانه شارع أدمونفيرمون ( الواصل من ميدان مسجد على بن أبى طالب وحتى ميدان العيون ) بسموحهوهو راجل أمين ( اسم على مسمى ) وتليفونه : 0127889896 كهربائى ممتاز والله وأنا بأترك لهالعربية وأقول له المطلوب وهو ينفذه بمنتهى الأمانه ،ولو اتعطلت عربيتك فى أى مكان يأتى إليكأو يرسل أحد الفنيين التابعين له، ولديه خبرة فى جميع ماركات السياراتالقديم منها والجديد مشاركة اخونا الكبير نبيل عبد الرحمن

عفشجى

1) امبروزو محرم بك - عاطف (كنيته عاطف القرد) امبروزوالشارع الى فيه قهوة العسكرى قبل متحصل ترعةالمحمودية رقمه 0125037193 يمتاز بالامانة وعنده ضبط زوايا وطلباته على اد الشغل مش بيفتح شغل ويريت تقله من طرف ابراهيم بتاع الاكسل من على النت حيعملك شغل مية مية مشاركة العبد لله hema_hn ابراهيم

دولاب كامل من الصنيعية

فى الحضرة فى وش شارع السوق من ناحية الترام الاصفر
1) عم محمد مدنى ( كهربائى ) ممتازرقمه 0187326616
2) خالد مدنى (ميكانيكى) استاذ
3) احمد الصعيدى بويجىمعلم
الثلاثة دول اخوات بس بسم الله ما شاء الله
ده غير ان عندهم افضل سمكرى انا شوفتو بس مش اخوهم
و عندهم استاذ سروجى محترم جدا الاسطى اشرف
مشاركة manchester صاحب العربية الفيرنا السودا ومنتظرين الاسم الحقيقى للأهمية

قطع غيار

1) شرق - فلفل شارع ابو قير قطع غيار دايو و سكودا محترم جدا و امين و اسعاره ممتازةتقريبا لما تعدى كلية هندسة ( بس و انت على الناحية التانية يعنى تبقى كليةهندسة على شمالك ) حيبقى على اليمين قبل خروب سامى ب 200 متر مشاركة احمد على 1999

كربراتير

1) محرم بك - الشيخ احمد وطبعا هو عنده حوالى 3صنيعية شغالين معاه بس كله بيبقى تحت اشرافه مكانه ورا شركة كوتاريله فى قلب سوق الغيط الصعيدى عند مسجد انصار السنةتحت كوبرى محرم بك العلوى تليفونه: 0102591396 مشاركة العبد لله hema_hn ابراهيم

هل من مزيد:10CC26~164: