|
رد: بتحب انهى مدرسة فى صناعة السيارات
ايه يا رجاله ليه الفرنساوى فى الاخر كده ثم احمد باشا انور بيقول نستبعد الفرنساوى والصينى
سؤال مهم هى العربيات الفرنساوى (بيجو-رينو-سيتروين) بقت زيها زى الصينىptmnlo123per195 شركات بقالها 100 سنه واكتر بتصنع عربيات نقارنها بشركات مكملتش 10 او 15 سنه بالكتير فى التصنيع وانا من هذا المزنق اعلن الحرب على كل الهيونداويه واولهم احمد انور(الكبير) والفرنساوى مش اقل لا من اليابانى ولا الكورى عشان يبقى بعديهم ده على اساس انه مش احسن منهمptmnlo123per115 |
رد: بتحب انهى مدرسة فى صناعة السيارات
اقتباس:
الرايه البيضااااااا بص يا باشا انا هاشرحلك وجهة نظري و انتا تقبلها او لا ايه اول غرض من اي عربية اصحي الصبح احط المفتاح في العربية ادورها اروح مشواري ارجع بيها و بعد كده بقه ياتي اي عنصر في العالم ، الشكل ، القوة ، الأداء ، الثبات ، اي حاجة في العالم بعد الغرض الاساسي اللي هوا النقل من مكان لمكان للاسف السيارات الفرنسية سمعتها في مصر مش قد كده في الحكاية دي و د حاجات شفتها و سمعتها مع ناس اصحابي و معارفي و برده شفت ناس العكس مبسوطين و متعايشين جدا بيها بس اقليه للامانة و مش حكاية قطع غيار مالعربيات الالماني قطع غيارها غاليه لكن اعطالها قليلة و صيانتها و قطع غيارها متوفرة عشان كده بخرج السيارات الفرنسية من المقارنة و ده شئ مؤسف تخيل عربية زي الميجان بتتكلم في عربية سيدان 1600 سي سي ، اوربية ، كماليات متحلمشي بيها اساسا ، اعلي عوالم امان في فئتها ، شكل و صالون و لا اروع و توكيل من افضل التوكيلات و ده كله ب 130 الف ،،، ارخص من الكورولا و اللانسر باد ايه و بسعر مقارب للالنترا في اعلي فئة و بدون اي منافسه اوربية اساسا لكن ....... لما تشوف باشا واقف في نص الطريق و العربية شكلها زيرو و بيفتح الكابوت يشوف الدخنه جايه منين يبقي ايه لازمته بقه ،،، و مش هاتكلم عن اعادة البيع كمان لكن طبعا كتاريخ و ريادة تقنية و ابتكارات فنية ده شئ لا يمكن انكاره دي وجهة نظري كمستهلك مصري ،،، يا ريت توضحلنا لو وجهة النظر دي غلط ،،، |
رد: بتحب انهى مدرسة فى صناعة السيارات
احمد باشا اسمحلى احييك على وجهه نظرك
لكن تعالى نحسبها مع بعض انت بتتكلم على الرينو كأن قطع غيارها غاليه(دى وجهه نظرى وهو ده العيب الوحيد اللى شايفه فيها) مش هتكلم فى عربيات رينو غير عربيتى لانى عايش معاها بقالى كتير وفى نفس الوقت عشان الموضوع ميوسعش ونتوه فيه عربيتى المنافس الاول ليها فى الهيونداى هى اللاكسيل يلا بينا نقارن ونرتب الاولويات من وجهه نظرى وممكن نعدلها من وجهه نظرك اولا الثبات طبعا معروف ايه هو ثبات الاكسيل عشان كده مش هحكى واقول ان الثبات بتاعى طبعا مفيش مجال لمقارنته بالاكسيل تانى حاجه قطع الغيار حقيقى هى غاليه لكن اخر حاجه دافع فيها مبلغ وقدره وهى رولمان بلى العجل واتكلف منى حوالى 800 جنيه لكن الكلمه الوحيده اللى هقولها هى انى مخرج رولمان الفابريكه بعد حوالى 14 سنه شغل وحوالى 284 الف كيلو النقطه التانيه مكنه عملت الرقم ده ومتغيرش فيها اى حاجه غير جوان غطا التاكيهات(وسيبك طبعا من الكامرى اللى عمات مليون كيلو انا بقارن بالاكسيل) كسحب وعزم الرينو تكسب وبصراحه هى الحمد لله معايا من ساعه ما جبتها وهى اعتماديه جدا ومكسفتنيش فى اى وقت طبعا انا بهدلتها بس برضه حتى بعد البهدله مازالت الحمد لله واقفه على رجليها(كاوتشها ptmnlo123per1127) دى وجهه نظرى فى الكلام ولو تحب ممكن برضه اشرحلك موضوع الميجان ده مع اننا معانا هنا ترونكى وهو متخصص ميجان اكتر منى لانها معاه اساسا واى خدمه يا كبير وبالمناسبه انا حقيقى اتشرفت انى قعدت واتكلمت معاك انهارده |
رد: بتحب انهى مدرسة فى صناعة السيارات
كلام جميل كلام معقول مقدرشي اقول حاجة عنه ،، بس اعتقد عربيتك متتقارنشي بالاكسيل ،، امال الكليو تتقارن بايه ؟؟ |
رد: بتحب انهى مدرسة فى صناعة السيارات
اقتباس:
لكن انا بحب الالماني و الايطالي عن الفرنساوي لسبب بسيط ان الفرنساوي خطوطه هاديه زياده عن اللزوم سواء في التصميم الخارجي او الداخلي وهندسته كويسه بس مش زي الالمان يعني كمثال لو فرضنا ميزان و حطينا الالماني على كفه و الايطالي على الكفه التانيه يبقى الفرنساوي في النص ... يعني ايه يعني لا هو وصل للهندسه الالماني و لا للتصميم الايطالي لكن مسك العصايه من النص و شويه كده و شويه كده ... يبقى فين التميز ؟؟؟ لكن في ناس حتعجبهم المعادله كده ... يمسك العصايه من النص ده بالنسبه للاختيار العاطفي او المبني على معايير شخصيه بحته وبالنسبه للاختيار العقلاني او المنطقي:- لما اختار عربيه حفضل الياباني او الكوري قبل الفرنساوي برضو لسبب بسيط ... سعر إعاده البيع (وممكن اضيف بس من غير زعل وده برضو رأيي الشخصي) ان الياباني اعتماديته اعلا والكوري الطلب عليه اكتر .... خصوصا اني بفضل اغير العربيه قبل ما تعمل كيلومترات كتيره اوي ... وبالتالي الاعتماديه طويله الاجل و ان حاجه الفابريكه تعيش 200 300 الف مش نقطه اساسيه بالنسبه لي لأنها متأثرش في سعر اعاده البيع لكن مشتريش عربيه ب 140 الف و اجي بعد 5 سنين ابيعها بنص التمن او اقل !!!!!!! في النهايه لولا اختلاف الاذواق لبارت السلع .... فمش معنى اني او غيري اخترنا مدارس و جت مدرسه معينه في الاخر اننا بنقول عليها وحشه و ندخل في نقاش الاكسيل و لا الرينو ... احنا مش بنقارن عربيات خااااااالص لكن معايير البيع و الشراء قصه تانيه و الا مكنش اي حد اشترى اي عربيه صينيا ابدا ابدا ابدا !!!! و ياريت نلتزم بنص ابو نورا .... الموضوع في النهايه بيسأل عن ميول كل واحد او المدرسه المفضله ليه وترتيبها يعني مش لازم نقول ماركات عربيات من الاساس ... و مش لازم نلبس الموضوع عبايه اكبر منه لأنه اساسا كبير لوحده هو انا كل ما ادخل اشارك في الموضوع الاصلي ارد على حاجه تانيه لييييييه ptmnlo123per195ptmnlo123p er195 معلش لسه الدماغ مش متظبطه .... يا خوفي اقوم بكره الاقيني كاتب كلام مش مفهوم ptmnlo123per1127 |
رد: بتحب انهى مدرسة فى صناعة السيارات
سامح باشا احنا لازم طلاما بنتكلم فى المدارس هنلاقى نفسنا بنقارن بين عربيات لازم
واحب اقولك حاجه مهمه جدا الا وهى مش مشكله الفرنساوى انه سعر اعاده بيعه مش عالى دى مشكله مصر وشعب مصر اللى خلى اليارس تزيد 10 الاف فى موديل 2009 يبقى اللى عنده 2008 يستعملها سنه ويبعها زى ما اشتراها لانه كده منزلك 10 الاف عن سعرها هل ده منطقى غير كده الفرنساوى تكنولوجيا اعلى من اليابانى ودى اعتقد ان كل الناس عارفينها(اسمحلى اتكلم عن عربيه بعينها) الميجان نازل فيها نظام الكارت ونظام زرار الستارت من كام سنه نزل نظام الزرار فى الكورولا الجديده الناس عملوا قصه يا جدع دى بتدور بزرار اكنها معجزه طيب ما هى الميجان كده ومن سنييين مينفعش تقارن المدارس بسعر اعاده البيع مع احتارمى الشديد لرأى حضرتك انا مقدرش احكم على مدرسه بسبب سعر اعاده البيع طيب ما نخلينا برضه واقعيين ما هى الفيات سعر بيعها برضه مش عالى اينعم مش زى الفرنساوى بس برضه قليل ليه بقى مقولناش انها ضعيفه بسبب سعر اعاده البيع سيدى الفاضل لما تلاقى واحد والله والله والله وانا بقسم بالله قال قدامى كلمه الرينو الميجان الكمبيوتر بتاعها بيهنج ولما بيهنج العربيه بتشغل كل حاجه وممكن تتقلب طيب دى ازاى بذمتك طبعا مش هنتكلم عن ناس بتصنع عربيات من سنين لا احنا هنقول اننا عندنا كمبيوتر البيت او الشغل او حتى اللاب توب الخاص هل عمر جهاز منهم لما هنج شغل حاجه جديده اذا كان هو مهنج اصلا يعنى المفروض انه يوقف شغل اللى شغال مش يفتح حاجه جديده تخيل الاشاعات اللى طالعه على الميجان ان العربيه بتهنج وتتقلب منتظر ايه من ناس كتير جدا ميعرفوش حاجه عن العربيات الرينو وكل اللى يعرفوه ان قطعه الغيار غاليه يبقى ابعد عندى تعليق برضه على كلمه الكورى اللى مطلوب عربيتى مروحه الردياتير بتاعتها كانت اتحرقت قلت اجيب واحده تانيه لفيت عليها فى كل حته مش موجوده خالص غير فى التوكيل لقيتها ب 1700 جنيه(مع مراعاه ان العربيه مش منتشره خالص ومراعاه ان قطعه الغيار فرنساوى اصلى وعليها ضمان 12 شهر) مروحه الردياتير بتاعت الماتريكس اعتقد معديه ال1300 جنيه واكيد بلدها كورى وطبعا مع عمو غبور مفيش ضمان لمده 12 شهر وشوف الماتريكس اللى ممكن تلاقيها طالعه فى اكياس الشيبسى عيب الفرنساوى واللى مخلى الناس متحبوش انه بتاع توكيله والتوكيل زيه زى اى توكيل عربيه تانيه ولو حتى صينى هتلاقيه عالى عن بره ومش زى الكورى واليابانى اللى بيتصلح فى اى حته وتمام كده واحب اقول لحضرتك ان برضه الميجان سعرها مش فى الارض زى ما انت متخيل العربيه دى سعرها عالى ولو محافظتش عليها وبهدلتها هتتعب زى اى عربيه فهتلاقى انك عايز تصرف كتير عشان تقومها تانى فهتكسل وهتستخسر تقول ابيع يقوم يجيلك واحد يقولك 80 الف تقوله ماشى يبقى ده عيبك مش عيب اللى بيشترى وانت عارف ان اللى بيشترى دايما عارف انه مبيرميش فلوسه وعلى فكره عربيتى اسمها ار 19 (مش رينو) وانا فعلا عارف ان الفرنساوى هو الوسط بين الالمانى والايطالى انما مينفعش ننقارنه لا بالكورى ولا الصينى خالص واخر كلامى مع حضرتك ان اليابانى اعتماده اعلى على اساس ان اللانسر البومه باور زيت فى حين ان الميجان كهربا دى ابسط حاجه لما تيجى تتكلم فى عربيه مفيهاش اى تكنولوجيا جديده دى حتى مفيهاش اى بى اس ولا فيها كميه الاير باج اللى فى الميجان لازم تلاقيها اعتماديتها اعلى امن اللى فيها تكنولوجيا اعلى زى ما الناس بيقولو على الكرولا الجديده مش اعتماديه عشان ابتدت تقدم تكنولوجيا سنه 2009 قدمتها رينو سنه 2005 اكيد ده يعرف حضرتك ليه اليابانى ممكن نقول ان اعتماديته اعلى وارجو انك متضايقش من كلامى واتمنى انى اقابل حضرتك المقابله الجايه اقتباس:
ولو عربيتى متتقارنش بالاكسيل تتقارن بأيه؟؟ptmnlo123per160 وانا بقارنها بالاكسيل لانها فى نفس الفئه وايام ما كنت بشترى كنت هجيب اما الرينو 19 او هيونداى اكسيل |
رد: بتحب انهى مدرسة فى صناعة السيارات
ياريس انا معاك و ياريت نرجع نبص على مشار كتي تاني
حتلاقيني مختار الفرنسي على طول بعد الالماني والايطالي وقبل الياباني والكوري اللي في الاخر خالص في حاله التقييم تكنولوجيا وصناعيا (يعني وجهه نظري الخاصه بعيدا عن معايير السوق و اوضاع بلدنا العجيبه الغريبه) اقتباس:
اخترت الايطالي قبل الفرنساوي على طول بسبب معتقداتنا وافكارنا في مصر يعني فيات وبيجو ورا بعض على طول اقتباس:
انا لا يمكن اقارن الفرنساوي بالكوري ... وانسى الصيني ده خالص انا كتبته لوحده عل جنب اقتباس:
معلش مش حقدر ارد على كل النقط لكن اللي عايز اقوله ان الترتيب كان بناء على اتجاهين في التفكير ... و ده اللي خلا الياباني و الكوري يظهر قبل الفرنسي وزي ما حضرتك قلت (واحب اقولك حاجه مهمه جدا الا وهى مش مشكله الفرنساوى انه سعر اعاده بيعه مش عالى دى مشكله مصر وشعب مصر) وللحديث بقيه ان كان في العمر بقيه ... وعايزين مقابله تالته قبل الاجازه ما تخلص ... فين نور معد المقابلات |
| الساعة الآن 04:41 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017