|
رد: متبخلش بالمعلومة لو تعرف :) استفسارت بسيطة
اقتباس:
الصدا هو المرحلة السابقة للبارومة لانك بتسيب الصاج بدون حماية من عوامل الجو والحماية هى الدهان وقبل الدهان المفروض بيتم وضع دهان للحماية من الصدا وفى حل بسيط جداا وغير مكلف وهو البرايمر بتاع دهان الحديد ممكن تدهن بنفسك الاماكن الى فيها الصدا ولكن استخدامة لدهان الاماكن غير الظاهر ذى قاعدة البطارية ويجب عليك صنفرة مكان الصدا قبل الدهان وتنضيفة من اثار الصدا اما بالنسبة للمكان الى بيركب فية الفوانيس ان مش قادر احدد مكان المشكلة وهل هو ظاهر ولا لا وكمان اذاى هو رشة ورجع صدى تانى |
رد: متبخلش بالمعلومة لو تعرف :) استفسارت بسيطة
افهم من كده البرايمر ده دهان منظف مش رش يعنى؟ وعادى استعمله فى منطقة مستخبية؟
ولونه ايه؟ الاشارة مكانها واخد دوران عند طرفى العربية من الامام هوه ركب صاج بحيث ان الاشارة تبقى بدون الدوران حتة الصاج دى رمادى اكيد فرشها من برة بس علشان لو بصيت من الجنب او الامام متلاقيش لون الصاجة اللى ركبت وسابها من جوة رمادى زى ماهيه (يعنى لو فكيت الوش وبصيت على الصاجة من جوة) هل لو استعملت البرايمر ده على الحتة دى اعتقد انى لازم ارشها برده صح؟ ولا البرايمر ده كفيل ومش حتصدى لو نزل عليها مياه؟ |
رد: متبخلش بالمعلومة لو تعرف :) استفسارت بسيطة
اقتباس:
مفيش مشكلة يبقى لو الصدا من الداخل وغير ظاهر نظفة بصنفرة وادهنها برايمر انما لو من الخارج يبقى لازم حد بوهيجى هو الى يعالجها علشان متبوظش منظر العربية لانة هيمعجن ويرش فيلر وبعدين هيرش بوية لون العربية |
رد: متبخلش بالمعلومة لو تعرف :) استفسارت بسيطة
البرايمر ده كفيل ومش حتصدى لو نزل عليها مياه مع الغسيل؟
ولو فيها تعب ممكن تقلى اعمل ايه بالظبط علشان دى اول حاجة حعملها بايدى فى العربية وشكرا جدا جدا |
رد: متبخلش بالمعلومة لو تعرف :) استفسارت بسيطة
ههههههههههههههههه على فكرة البرايمر دة انت بتشوفة كتير بس مش واخد بالك
البرايمر دة الى هو بيدهنوة بطانة للبوابات الحديد فى العماير هتجيب العلبة وفرشة صغير وفرخ صنفرة ناعمة اول حاجة تنضف مكان الصدا بالصنفرة بعدين تدهن البرايمر مكان الصدا وبس خلاص تسيبة ينشف ولو عايز ترش اسبراى اى لون انت عايزة فوق البرايمر علشان تخفى شكلة مفيش مانع ممكن تجيب علبة اسبراى اسود ترشة فوق الدهان البرايمر هيبقى شكلها معقول ========================= ===== اهم حاجة ان المكان الى هتدهنة ميكونش ظاهر لانة شكل الدهان بالفرشة مش كويس ذى دهان الرش |
| الساعة الآن 03:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017