مصر موتورز مجتمع السيارات - مشكلتي مع الدركسيون .. ساعدوني

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - مشكلتي مع الدركسيون .. ساعدوني (https://www.masrmotors.com/vb/showthread.php?t=98968)

رد: مشكلتي مع الدركسيون .. ساعدوني

اقتباس:

المشاركة الأصلية كتبت بواسطة peter magdy (المشاركة 769941)

مساء الخير
انا لسة من اسبوعين فى القصة دى بردو مكتب تعليم
بقيت اسأل اصدقائى فى الشغل اقولى اية اتعلمة فى الحصة الجاية -- لان اللى بيدرب عايز يخلص عدد الحصص الملتزم بيها و شكرا على كدة هو عمل اللى علية
انا اتقالى كلمة علشان تعرف انك بقيت سواق ولا كل اللى اتعلمتة كويس ولا لآ
اولا اتعلمى الطلعة يعنى لما العربية تبقى واقفة و تدوسى بنزين و تحرير الدبرياج اعمليها عشرين مرة لانة هيعلمك جيبى الاول و سيبى الدبرياج سنة سنة لغاية ما العربية تتحرك و يقولك هايل
لكن عمليا فى ارض الواقع لو داخلة تقاطع هتتصلى بحد يجى يخدك من مكانك
اسمها الميزان اعمليها عشرين مرة قفى و ابتدى تانى من الاول
ثانيا
بعد ما تبقى تمام قوليلة عايزة اقف فى مطلع كوبرى و قفى لما تسيبى الفرامل العربية هتريح و ترجع ورا لو رجعت ورا يبقى لسة شوية
بالنسبة للزواية البايظة
بردو زىك بردو معرفش اظبطها و كمان ابعاد العربية
ربنا اكرمنى و اشتريت BYD F3 و بتعلم عليها و كل يوم يطلع معايا صديق
الابعاد و الزوايا هتبتدى تتظبط و بقيت امشى وسط الزحمة بس اهم حاجة الميزان علشان لو معرفتيهاش اللى وراكى مش هيستحملك عقبال ما العربية تتحرك
اتمنى اكون وصلتلك المعلومة

الف مبروووووووووك علي العربية الجديدة
ربنا يبارك لك فيها يا بيتر

و بجد مش عارفة اشكرك ازاي علي المعلوووومة المفيدة دي
اول مرة اعرف موضوع الميزان دا و الله
انا الحصة اللي فاتت بدأت اطلع وسط الزحمة و العربيات
و طلعت علي الاوتوستراد و خدت يمين طبعا و كل دا علي التاني و انا بحب السرعة فكان التاني جايب اخره معايا علي 40 و هو بيعيييييييط :ROFL_C~118:

و اتعلمت اسوق في طرق منحدرة اللي هي المنازل اللي جنب الاوتوستراد
اتدربت علي فرامل بس من غير دبرياج في منزل طريق عالي
و كنت كويسة الحمدلله

و بالنسبة للتقاطع
انا خدته قبل كدا كذا مرة
دبرياج و فرامل .. و بعدين ارفع فرامل خالص و ابص علي الطريق و اطلع دبرياج بالراحة
لسه بقي متعلمتش ازاي اطلع بسسسسرعة مع دوسة بنزين خفيفة

...

شكراااا لحضرتك جداااا
و مرة تانية الف مبروووك
..
و ممكن طلب اخوي؟؟ :GROWIN~12:
ممكن تسلفني عربيتك يومين كدا اتعلم عليها عملي و ارجعهالك طبعا صاااغ سلييييم
:0959C9~155: ههههههههههههه

رد: مشكلتي مع الدركسيون .. ساعدوني

يا جميل اتفضل العربية
بس صدقينى اول ما احس انى مش عايزها هسيبهالك فى اسرع مكان وسط صلاح سالم
و عييييشى بيها و ربنا معاكى :286: ههههههههههههههههه
اهم حاجة اتعلمى الميزان علشان هتقف منك كتير و اول ما تتعلميها هتبقى فرحانة جدا
لاحظى اى عربية لو واقفة صاحبها بيحركها بسرعة ازاى مبيستناش يشيل رجلة سنة سنة لغاية ما تمشى علشان هتبفعك و لوقفتى فى مطلع كبرى الدبرياج لوحدة مش هيمشى العربية
و علشان كمان لو تقاطع سريع و الطريق فضى و فى سيارة على بعد تلحقى تدخلى التقاطع فى امان
و ربنا معاكى و يوفقك و انا كمان SLAM

رد: مشكلتي مع الدركسيون .. ساعدوني

اقتباس:

المشاركة الأصلية كتبت بواسطة مانوورة (المشاركة 769953)

لا و الله يا استاذ محمد مش بنشف ايدي عليه و لا حاجة بس هي دي مشكلة عندي لسه مش عارفة اظبطها
و هي ممكن تكون بالنسبة لك انت عبيييييييييييييييييييطة .. لانك بتسوق كويس
لكن اي حد ف كي جي وان زيي اكيد هتكون بالنسبة له مشكلة كبييييييييييييييرة جداا
..

شكرا لك جدااا علي مشاركتك
جزاك الله خيرا

انا عاوز اقولك على حاجه يمكن تستغربى منها
انا اول مره كنت اسوق سوقت فى عز الظهر فى شارع مليان عربيات
وعينك ما تشوف الا النور
طبعا لا تقولى مدرب ولا عربية مدرسه كانت عربيه والدى وباور وكل حاجه لكن للاسف والدى معلمنيش ازاى اسوق ولما زهقت قولت اجرب بنفسى واللى يحصل يحصل طبعا انا كنت بتابع والدى وانا معاه وازاى بيسوق وعارف الغيارات والدواسات ركبت العربيه واستعنت على الشقى بالله ودورت ونقلت الاول وطلعت لكن العربيه فصلت منى لم يسيطر على اليأس ابدااا دورت العربيه وطلعت بيها لكن ايه امريكانى محترم وطاير طيران بيها كنت عامل زى هانى رمزى اما كان سايق الموتوسيكل فين كنت هلبس فى عربيه من ورا دوست فرامل تمام مع دبرياج وبعد كدا بدأت اكمل ال500 م بدماغى الف وارجع واطلع وكنت كل يوم الصبح اطلع بعد الساعه 5 ادور العربيه واطلع فى الشارع الفاضى ودايها سواقه مره بضهرى ومره الف وارجع لحد ما فأجت والدى انى بسوق بمهاره عاليه جداااا وطبعا انا كنت بسوق على الاول والتانى بس فمكنتش بحس ان العربيه بترمى معايا لكن اول مشوار على السريع كانت السيطره وانا رايح مفيش ضايعه على الاخر
وانا راجع جمدت قلبى وريحت اعصابى وادتها سواقه تمام والحمد لله طلعت الرخصه وبشهاده ناس كتير ركبت معايا انى سواق محترف لكن برضه السواقه ملهاش كبييييييييييير
طبعا انا سردت الكلام دا كله لانى بحاول اخفف من عليكى

رد: مشكلتي مع الدركسيون .. ساعدوني

بصى انا كنت ذيك كده ف الاول بس الحمدلله من تالت حصه بدات اتحسن
بصى حركى الدركسيون براحه مش جامد اوى براحه خالص سنه واحده اقل حركه بتحرك العجل بتاع العربيه
وبصى مثلا حركتيه يمين ارجعى حركيه شمال ع طول وخلى حركتك بسيطه مش بعنف
وربنا يكرمك ان شاء الله وهى مسالة وقت وان شاء الله هتبقى فل

رد: مشكلتي مع الدركسيون .. ساعدوني

هو ممكن تكونى حضرتك مركزة اوى مع الدواسات والفتيس وتركيزك قليل شوية مع الطريق ودة اللى بيخلى العربية تحدف منك
ودة برضو اللى بيخليكى مش بتواجهى اى مشكلة مع الدبرياج والنقلات فى بداية التعليم
مع انة المفروض ان دة اصعب جزء فى السواقة واسهل جزء هو التحكم فى الدريكسيون :thinkW19:

وانا مع رأى الاستاذMohammed Hamada برضو ممكن يكون هو دة السبب

اقتباس:

المشاركة الأصلية كتبت بواسطة Mohammed Hamada (المشاركة 769373)

السلام عليكم
سؤال صغير لحضرتك

العربية اللى بتتعلمى عليها باور و لا لأ ؟ لو باور و مش عارفة تسيطرى عليها أطلبى منه المرة الجاية تغيير العربية بعربية بدون باور لحد ما تخدى على السواقة و على الدركسيون و مش حيحدف منك لأنه حيبقى تقيل
:01FDAB~189:

وبالتوفيق ان شاء الله