مصر موتورز مجتمع السيارات - نفسى اشترى عربيه اختار ايه جاك a10 ام اسبرانزا a113

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - نفسى اشترى عربيه اختار ايه جاك a10 ام اسبرانزا a113 (https://www.masrmotors.com/vb/showthread.php?t=98519)

رد: نفسى اشترى عربيه اختار ايه جاك a10 ام اسبرانزا a113

اقتباس:

المشاركة الأصلية كتبت بواسطة mohamed_1_samy (المشاركة 766692)

معلش دكتور بما انك قديم فى الموضوع دا فما رأيك جاك a10 بالمقارنه بالسياره ديه

BYD F0
************

http://www.masrmotors.com/vb/showthread.php?t=96548

ايه الأفضل من حيث الوكيل وثمن قطع الغيار وتوفرها

وهل اسبرنزا a113 افضل منهم ولا ايه

ولك كل الشكر ومتأسف ع الأزعاج

انا بصراحه مشفتش ولاعربيه من دول ومش هقدر احكم على عربيه من غير مشوف حد راكبها ومجربها

وبصراحه العربيات الصغيره دى مش هتستحمل مطبات شوارعنا ولا الحفر وهتلاقى نفسك مع الوقت بتصرف عليها كتير من سوء الشوارع .

من ناحيه قطع الغيار هتلقيها موجوده فى التوكيل واعتقد الa113 موجوده خارج التوكيل

ال جاك a10 وال fo لسه جديده وموديل السنادى وصعب تلاقى حد جربهم وصعب تلاقى لهم قطع غيار خارج التوكيل ..

ياريت تفكر فى عربيه كبيره شويه هاتش باك هتكون افضل من دول .....صحيح هتدفع فلوس اكتر بس هتلاقى الفلوس دى فى متانه العربيه وامكانياتها ...

رد: نفسى اشترى عربيه اختار ايه جاك a10 ام اسبرانزا a113

الاسبرانزا a113 منتشرة جدا جدا
يمكن اكتر عربية في الاسبرانزا انتشارا بعد 516
ومش عايز اقول هي اكثر انتشارا من البيكانتو والاي تن والسبارك وهم كوري
انا في فترة كنت بقارن بينها وبين سيارات اخري في فئتها وكانت مرشحة بقوة قبل ما اتجة للاكبر حجما
وفيه سيارات اخري لازم تدخلها كمان في المقارنة مثل الباندا العادية ودي محققة ارقام جميلة في اختبارات التصادم وهي جميلة
وايضا الباندا كروس اوفر ممتازة وشوفتها كام مرة في بني سويف محافظتي
وفي النهاية ارشحلك الa113
هي مع زميلين لي وطول النهار رايحيين جايين بيها امامي ودائما ما اسالهم عنها ودائما ما اراهم سعداء بها
ولك حرية الاختيار
بالتوفيق لك

رد: نفسى اشترى عربيه اختار ايه جاك a10 ام اسبرانزا a113

اقتباس:

المشاركة الأصلية كتبت بواسطة عصام الجارحي (المشاركة 766956)

شكرا استاذ عصام

رد: نفسى اشترى عربيه اختار ايه جاك a10 ام اسبرانزا a113

اول مره اشوف ال جاك من يومين بس امام جامعة القاهرة هى شبة ال بى واى دى f0 شوية بس لاحظت حاجة غريبة علبة الشكمان تحت الاكصدام بطريقة بايخة قوى يعنى اظن لو حد راكب معاك ورا ومع مطب عالى شوية اكيد العلبة هتخبط وممكن تنكسر اما عن الموضوع بصراحة مركبتش اى عربية فيهم لكن عموما فيه نقتطين موتور الاسبرانزا 1300 طبعا يفرق كتير عن موتور 1000 حتى فى التكييف هيفرق ثانى نقطة الانتشار ولينا فى العربية الفلاير عبرة وموديلات كتير نزلت ولو تنتشر ولم نراها مرة اخرى خليك فى امنتشر حتى لو حبيت تبيعها علشان تغير هتبقى اسهل

رد: نفسى اشترى عربيه اختار ايه جاك a10 ام اسبرانزا a113

اولا ربنا يوفقك للاختيار الصحيح
ثانيا نصيحتى ليك ابعد عن السيارات الصينى دلوقتى نظرا لوجود عيوب تصنيع كتير بها بالاضافة الى تدنى ورداءة الخامات المستخدمة ( وده راي الناس الخبراء )
ثالثا خليك فى المضمون يعنى ممكن تجيب حاجة كويسة مستعملة بهذا المبلغ او تدفعه مقدمة سيارة والباقى بالتقسيط

واسف للاطالة .... ده مجرد رأي ومن غير زعل