رد: جين2 2013 ولا كيا ريو 2013
 

لو على الشكل يبقى الريو

رد: جين2 2013 ولا كيا ريو 2013
 

الجين 2 أحسن من الريو (ثبات-موتور محترم جدا-كماليت أكتر بالنسبة للسعر ده لأن 95 ألف مش هتجيب الريو الكاملة) مشكلتهم الاتنين قطع غيارهم غالية شوية و صيانة في التوكيل وتوكيل بروتون مقرف جدا انما توكيل كيا محترم زز أنا رأيي الصراحة ان الأوبترا أحسن من الاتنين مع واحد صاحبي عربية محترمة جدا ما شاء الله و ثابتة و مشاكلها قليلة و سعر اعادة البيع عالية زز و ربنا يوفقك في اختيارك ان شاء الله ..

Re: رد: جين2 2013 ولا كيا ريو 2013
 

الجين تو قطع غيارها موجودة ورخيصة
توكيل كيا مش اوى برضه
وخالى بيعمل صيانة العربية برة التوكيل بيكشف عليها بالكمبيوتر فى مركز ويشترى الحاجات الى عايزة تتغير ويركبها عند الميكانيكى

رد: Re: رد: جين2 2013 ولا كيا ريو 2013
 

بس أحسن كتير من توكيل بروتون أنا عمي معاه جين 2 و طلعو عنيه مبقاش بيعملها صيانة في التوكيل خالص أيوة هي قطع غيارها موجودة بس أغلي شوية من الأوبترا ... أنا رأيي الجين 2 أحسن لو هنقارن بينها و بين الريو (95000) انما انا كنت بقول للاستاذ صاحب الموضوع ان الأوبترا احسن من الاتنين في السعر ده و ده رأي بناءا عن تجربة قرايبي و أصحابي كتير معاهم أوبترا و كتير معاهم جين 2 الأوبترا ما شاء الله كله بيشكر فيها

رد: اسعار قطع كيا ريو مستورده مستعمله
 

السلام عليكم
انا عندى ريو 2004 وغيرت الزجاج الامامى جديد من عند د جريش بـ 270 جنية فى مصنع العاشر من رمضان وتقريبا هو هو بتاع 2001
اما دراع النور انا سألت علية عند الجندى بـ 350 جنية ولكن طلعت المشكلة عندى من كتاوت النور والحمد لله ما غيرتوش
هى دى الحاجات الى اعرفها وربنا يوفقك