رد: اية اكتر حاجة ممكن تستفزك وانت سايق؟؟
 

هيا حلوة بس في الطرق الضيقة او مثلا الزراعي انما لما اكون سايق عربية والاقي الطريق مفتوح وواسع بلاقي رجلي جابت اخر دواسة البنزين من غير ما احس .. اصل شعور السرعة دا حاجة روعة جدا ...

رد: اية اكتر حاجة ممكن تستفزك وانت سايق؟؟
 

والله فكرة حلوة .. طب انا هقول اكتر حاجة بتريحني في السواقة 1/ لما الاقي الطريق فاضي ومفتوح ومفيهوش رادار سرعة .. 2/ لما الاقي الطريق مفيهوش مطبات .. 3/ لما الاقي الطريق مفيهوش ميكروباص او عربية سايقاها واحدة ست .. 4/ لما اكون بشد مع واحد واسبقه .. 5/ لما يكون صوت العربية ناعم .. 6/ لما اشغل الكاسيت على اعلى حاجة بجد انا معرفش اسوق من غير ما اكون مشغل الكاسيت .. 7/ لما يكون التكييف قوي ومتلج العربية .. 8/ لما اكون مقفل العداد .. 9/ لما الاقي امبير الحرارة مش معدي النص ..

رد: اية اكتر حاجة ممكن تستفزك وانت سايق؟؟
 

يا جماعة عاوزكوا تحطوا في بالكوا حاجات مهمة
كل واحد مننا بيركب عربيته علشان يروح مشوار معين ففي بعض الاوقات المشوار ده بياخد نص ساعة سواقه وممكن ايضا نفس المشوار تروحه في ساعتين بسبب الزحمة فأنت راكب العربية بتاعتك(انت حر فيها) تمشي براحتك ومتشغلش بالك بحد انت مش شغال سواق رايح جاي لأ انت صاحب سيارتك ودي اهم حاجة
انا بامشي احيانا 160 كم
لكن الحقيقة انا لا اتلذذ من المشي السريع انا باسوق من سنة 1996 حتى الان اكتشفت ان احسن سرعة 90كم
واحسن اقصى سرعة تقدر تلم نفسك في السرعة 130كم
قدر بقى وانت ماشي 180 والكاوتش الامامي ضرب حتعمل ايه
حتى لو طلعت من الحادث ده مش جثة هامدة أو مصاب اصابة تخليك عاجز أو مصاب بجروح حتى
طلعت سليم ياعم والعربية اتكسرت حتت قول لي بقى حتبص للعربية وعينك بتدمع وتقول كانت سليمة من دقيقة


المسألة مش مستاهلة

اركب اتوبيس نقل عام مع سواق عاقل شوية حتلاقية ماشي بأتوبيس كبير ومش شاغل باله بالميكروباص اللي ماشي قدامة فرمل او التاكسي اللي كسر علية حتلاقي عندة صبر وطولة بال لاقصى حد

رد: اية اكتر حاجة ممكن تستفزك وانت سايق؟؟
 

رد: اية اكتر حاجة ممكن تستفزك وانت سايق؟؟
 

• الفيسب والمتوتسكلات

مش ممكن بتجنن منهم وحسبى الله ونعم الوكيل فى اللى سهل لهم القيادة انا امبارح والله بسبب اثنين كانو راكبين موتوسيكل لبست و طلعت على الرصيف

• النساء

وما ادراك ما النساء وطبعا مش هقول مواقف علشان لا تعد ولا تحصى

• الميكروباصات

تلكم الفئة التى ابتُلينا بها ومن اشهر عاداتهم النوم على الكلاكس والكسر عليك بصورة مستفزة وقلة الادب المتناهية

• المشاة

حاجة اخر استفزاز فية حد فى الدنيا يعدى الشارع من غير ما ينظر للطريق غير فى مصر

• اصحاب المحلات والورش

كل لما تيجى تركن فى مكان يقولك دة محل اكل عيش طب يا عم انت لما اشتريت الحل اعطو لك الشارع هدية ولا اية ولا اصحاب الورش اللى كل واحد واخذ مكان عربيتين ثلاثة لحسابة

• الموبايل

من اكثر الاشياء اللى بتستفزنى إنى اشوف حد بيتكلم فى الموبايل وهو سايق لانة بيخرج من دائرة التركيز وممكن يعمل كارثة

الاشخاص الباردة
اللى تنزل تلاقية قاعد على العربية والبوية بتتبهدل بسببة واللى يركن خلفك ويبهدلك الاكصدام