مصر موتورز مجتمع السيارات - مهم جدااااَ .. اللوجان المانيوال واللوجان الأتوماتيك 2013

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

رد: مهم جدااااَ .. اللوجان المانيوال واللوجان الأتوماتيك 2013

اقتباس:

المشاركة الأصلية كتبت بواسطة Tota El Masry (المشاركة 724052)

توكل على الله و هات الأوتو بأمر الله بس أستخير ربنا
و حضرتك تعمل حسابك على 1400جم ثمن جهاز الإنذار و التأمين التكميلي 2800جم و ألف مليار مبروك مقدماً

الله يبارك فى حضرتك ,ويارب تكونى مستمتعة بالعربية الجديدة ومبسوطة منها , وأنا على فكرة لسة مستنى رد حضرتك بخصوص المكان اللى جارك أشترى منه العربية وخد التخفيض والهدايا منه لأنى سألت فى الطارق وهما ما بيدوش أى حاجة وكمان ما بيعملوش تخفيض ... أما بخصوص التأمين فمعتقدش أنى أن شاء الله لما ربنا يأذن هأمن عليها لأنى بصراحة أنا العدو رقم واحد فى مصر والعالم أجمع لشركات التأمين جميعها , وما بصدقش فى حاجة أسمها تأمين فمريح نفسي ومأمن تبع الواحد الأحد وسيبها خالص على الله ..

رد: مهم جدااااَ .. اللوجان المانيوال واللوجان الأتوماتيك 2013

اقتباس:

المشاركة الأصلية كتبت بواسطة mazen mazen (المشاركة 724134)

http://islamqa.info/ar/ref/130761

جزاك الله خيرا ياباشا وجعله فى ميزان حسناتك, بس ياريت الناس كلها تفهم الكلأم ده عشان ماتخشش فى الحرمانية وتشيل ذنب

رد: مهم جدااااَ .. اللوجان المانيوال واللوجان الأتوماتيك 2013

اقتباس:

المشاركة الأصلية كتبت بواسطة ابو هيما (المشاركة 724246)

انا كمااااااااااان نفسى الناس تقرأ بتمعن وتفهم الموضوع ماشى ازاى وليه وعشان ايه غلط
واللينك شارح كل الكلام ده بالادله
واخيرا قال تعالى ( فالله خير حافظا وهو ارحم الراحمين)

رد: مهم جدااااَ .. اللوجان المانيوال واللوجان الأتوماتيك 2013

بص يا باشا بالنسبة لموضوع فرق المواتير ده .. فموتور الـ 16 صباب مع الفتيس الاتوماتيك هيبقى الاداء قليل شويه فهيكون متقارب مع موتور الـ 8 صباب بفتيس مانيوال وهيبقى الفرق مش كبير اوى ...

فنصيحه لو غاوى مانيوال خليك فى المانيوال وخصوصا ان مفيش اى فرق فى الاوبشنز بتاعت العربية غير الفتيس فقط لا غير .. على الاقل هتوفر فرق السعر ما بين الاتنين .....