مصر موتورز مجتمع السيارات - سير الكاتينة وفلتر البنزين فى اللوجان 2013

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - سير الكاتينة وفلتر البنزين فى اللوجان 2013 (https://www.masrmotors.com/vb/showthread.php?t=92876)

رد: سير الكاتينة وفلتر البنزين فى اللوجان 2013

اقتباس:

المشاركة الأصلية كتبت بواسطة ابو هيما (المشاركة 723302)

أولأ أهلأ وسهلأ بحضرتك ورمضان كريم , وألف مبروك على العربية ولو انها متأخرة شوية .. الموضوع على فكرة مافهوش أى نوع من الأستهتار بحياة الناس وكل الفكرة هية أن الموتور المستخدم فى اللوجان موتور ذو تكنولوجيا قديمة .. ببساطة كدة الموتور ده هو اللى كان مستخدم فى الميجان واحد سنة 2002 ويسمى K4M وبالتالى فمع الألتزام بجدول الصيانة الدورية فأن شاء الله مش هاتشوفى منها حاجة وحشة ..

أنا كنت عاوز اعرف من حضرتك ايه رأيك فى السحب وأستهلأك البنزين وهل بتسمعى صوت من عند الفتيس فى النقلأت مع التهدئة فى السرعة ولأ كله تمام ومفيش أى أصوات
- تاني حاجة بقى : أنا عاوز أعرف هو جار حضرتك اللى كان جايب اللوجان وأستلم هدايا معاها غطى وخد تخفيض ألف جنيه ما قلش لحضرتك جايبها منين لأنى بصراحة بفكر جديأ أشترى واحدة لوجان ولكن لسه محتار بين المانيوال والأتوماتيك

شكراً لحضرتك على الإضافة القيمة - أنا بقول لو استهتار لكن ما اعتقدش إن شركة كبيرة تضيع سمعتها حتى هيونداي لمت حوالي 100000عربية I20 بسبب عيوب قالتة من سكات حفاظاً على سمعتها و تويوتا يبقى رينو حتكبر دماغها أنا بس بقول لو النية مش خالصة لله لا قدر الله ربنا يسامحني لو ظني فيه شبه سوء

أولاً الحمد لله صوتها مش عالي قوي - السحب الحمد لله ماشاء الله لا قوة إلا بالله جميل
المطبات حلوة ربنا يديمها نعمة
الفتيس مش بينتش بالمعنى إللي الناس بتوصفه جرب القيادة في معرض حتى لو مش حتشتريها و قولي رايك
ثانياً وحش بنزين لأني في التليين المشاوير الطوالي حوالي 11 لتر أما مع الزحمة 14 لتر لأن السائق مشغل التكييف (كنت حطأ منه ربنا يسامحه) لكن الكل بيقول ده عادي جداً في أول 1000كم
ثالثاً جاري جايبها من معرض في مدينة نصر أسأله و ارد على حضرتك
لكن السبع بيدي هدايا و كوبونات صيانة 1000ج و موزع معتمد
فيه زميل جايب الأوتو بعد حجز اسبوع من سلطان أوتو في مدينة نصر النادي الأهلي

http://www.masrmotors.com/vb/showthr...C%C7%E4&page=2
و ده مشاركة أخرى لتسعير الأوتو و ميعاد الاستلام

http://www.masrmotors.com/vb/showthr...D3%E1%D8%C7%E4

أفضل حضرتك تجيب أوتو لأنها فل أوبشنز و بيقولوا الكاسيت الجديد فيها USB و بلوتوثو لو مش مستعجل التوكيل حجز 4 شهور ارخص 2000ج من غير أي هدايا و لو تحب حضرتك أديك نمرة مسؤل المبيعات تنسق معاه و بعدين التطور الطبيعي للسيارت الأوتو و موتورها اقوى على ما سمعت

و مبروك مقدماً و بالتوفيق

رد: سير الكاتينة وفلتر البنزين فى اللوجان 2013

شاكر جداً لحضرتك , بس أنا مش هاقدر أحجز مع التوكيل وأستنى 4 أشهر لأنى مرتبط بالشغل . موضوع البنزين ده أنا بصراحة قلقان منه مع الأتوماتيك ومحتاجين رأى حد جابها وعمل تلين عشان نقدر نحكم على الأستهلأك الحقيقى للعربية . أنا بصراحة مش فارقة معايا سواقة المانيوال عن الأتوماتيك بس أنا اللى فارق معايا أن الأتوماتيك 16 صباب والمانيوال 8 صباب فحاسس أن هيبقى فى فرق فى الطلعة والشد , بس للأسف التوكيل عامل ال16 صباب أتوماتيك بس وبصراحة دي حاجة مش ظريفة لأنه كدا حكمنا وزود السعر عن المانيوال ما يقرب من 10 ألأف جنيه .. أنا عاوز تجربة حقيقية من حد جرب المانيوال وساق كمان الأتوماتيك عشان نعرف هل الفرق فى عدد الصبابات ده بيريح الموتور وبيساعد فى الطلعة والسحب أكتر ولأ مش فارقة أووى !!!!!

رد: سير الكاتينة وفلتر البنزين فى اللوجان 2013

الاستهلاك في البنزين 11لتر/100كم لو بتقرص و تجري و مشغل التكييف
فيه لوجان MCV 5 أو 7 راكب موتورها 16 صباب تقريباً
و إللي ساق المانيوال قال فيه فرق بسيط
تقبل تحياتي
و الاستخارة هي الفاصل

رد: سير الكاتينة وفلتر البنزين فى اللوجان 2013

اقتباس:

المشاركة الأصلية كتبت بواسطة مشمش1 (المشاركة 723390)

السلام عليكم
طيب ليه ما نركبش احنا المصريين فلتر بنزين اضافي سواء بعد التنك او قبل المحرك
ومعلش معلومه كثير من الناس بتغلط فيها هو ان رقم الأوكتين كل ما يزيد البنزين بيكون انظف
و الصح ان رقم الأوكتين يؤثر علي خواص الأشعال وليس النظافه والرابط ده يمكن يفيد في معرفة رقم الأوكتين http://www.masrmotors.com/vb/showthread.php?t=90353
اما بخصوص الكاتينه فهو للأسف اغلب الشركات بتركبه كاوتش للتوفير و تحت حجة انه صوته اخف
والله المستعان

شكرا يا أستاذ مشمش على الأضافة وكل عام وحضرتك بخير

رد: سير الكاتينة وفلتر البنزين فى اللوجان 2013

اقتباس:

المشاركة الأصلية كتبت بواسطة Tota El Masry (المشاركة 724069)

mcv نفس موتور اللوجان المانيوال 8 صباب.. والاستهلاك اللي انتي كاتباه فوق ده الأوتو مش المانيوال، صح ولا أنا غلطان ؟؟