مصر موتورز مجتمع السيارات - النهاردة سرقت عربية ابويا وعملت حادثة

مصر موتورز مجتمع السيارات (https://www.masrmotors.com/vb/index.php)

- حوادث السيارات (https://www.masrmotors.com/vb/forumdisplay.php?f=201)

- - النهاردة سرقت عربية ابويا وعملت حادثة (https://www.masrmotors.com/vb/showthread.php?t=92424)

Re: النهاردة سرقت عربية ابويا وعملت حادثة

بس انت عربية الحاج نوعها ايه :CONGRA~238: و بتسرقها منو زى برضه

رد: Re: النهاردة سرقت عربية ابويا وعملت حادثة

اقتباس:

المشاركة الأصلية كتبت بواسطة 3bdo (المشاركة 719588)

بس انت عربية الحاج نوعها ايه:CONGRA~238:

كانت معانا متسوبيشي جالنت 1982
وهيا صاجها ناشف
بس انا كنت حمار في السواقة وانا صغير
وكنت دايما بعمل حركة غبية وهيا اني اضغط على البنزين على انه فرامل هههههه
بس اتعلمت عليها كويس
بس الحمد لله دلوقتي العربية اتباعت وانا شغال سواقة في عربية خالي (كورولا 2003) بس انا مستغرب ان خالي بيديلي العربية عادي كده مع اني معنديش رخصة
وباخد احيانا عربيات صحابي (مش عربياتهم عربيات ابهاتهم) وبيبقوا سارقينها برضه ههههههههه
وانا للاسف مكنتش بسرقها
كنت بسوقها وهوا معايا علشان هوا كان خايف على العربية
علشان كده كنت متوتر خالص هههههههه
انما الكام يوم اللي سوقت فيهم العربية لوحدي كان شعور حلو
وتقبل تحياتي

رد: Re: النهاردة سرقت عربية ابويا وعملت حادثة

اقتباس:

المشاركة الأصلية كتبت بواسطة 3bdo (المشاركة 719586)

لا يا صاحبى لما الواد صاحبى قالى العربية اتدمرت من ورا وانا برضه لقيت العربية اترجت جامد اوى لما خبط انا جالى سكتة قلبية قولت السبويلر والشنطة والفانوس اتكسرو الاكصدام زمانه لزق فى العامود وواكتر حاجة خوفت عليها الفانوس والسبويلر لانهم اغلى حاجة فى العربية من ورا بس لما نزلت لقيت الموضوع بسيط جدا و زى ما قولت رديت الاكصدام تانى والصاج وديته عند السمكرى الفلاح عشان يعك فيه شوية بس الصراحة العربية كبرت فى نظرى لما ارزع خبطة زى دى والصاج يجى فيه خبطة صغيرة ذى ديه حبى للعربية زاد اكتر بس المشكلة انى كنت خايف جدا وعمال ادوس بنزين واسيب و لكن فى الوقت بتاع الخبطة زودت سنة البنزين شوية عشان كده لبست فى العامود وطبعا صاحبى وللاسف هو عشرة عمرى كان بيوشوش نفسه وهوه بيقول بس خلاص بس انا اللى غلطان واتعلمت امبارح انى ابوص كويس ورايا و اركز اوى و مدوسش بنزين لما اجى اركن لو العربية اوتوماتيك اسيبها تمشى لوحدها حتى لو هتمشى على سرعة واحد سنتى فى الساعة
بس صاج البومة ممتاز جدا جدا

يبقا دايما لما ترجع لورا تبص على المرايات
وثانيا تخيل لو كان معاك النترا او سيراتو عربيات الشنطة عالية قوي لدرجة انك متشوفش حاجة ورا (بس فيها سينسور بارك وكاميرا)
اما بخصوص طريقة الركنة الاوتو دايما لو بترجع لورا رجلك فوق الفرامل لانها هتمشي لوحدها لو سبتها خالص (على الدي او المارشدير)
ثالثا انا مقدر شعورك بالخوف والقلق جدا شعور وحش اوي لما تخبط العربية الواحد يتخيل منظره والقلامة نازله على قفاه هههههههه
وتقبل تحياتي

رد: النهاردة سرقت عربية ابويا وعملت حادثة

طالما عملت حادثة يبقى انت كده على الطريق الصح
خلى بالك من العربيات دى استجابتها سريعة والغلطة بفورة

قدر الله وماشاء فعل ، وخمسين جنيه مش مشكلة لأن عربيتى مخبوطة جنب ومحتاجة شغل سمكرة وأقل واجب 150 جنيه

بس لازم تقولهم فى البيت ، إعمل تقرير تطوعى ، وعلق على الحيط سياسة الإبلاغ الفورى عن الأخطاء وسياسة عدم العقاب

رد: النهاردة سرقت عربية ابويا وعملت حادثة

فكرتني بايام زمان و مغامراتها
الله يرحم أبويا
كنت مبهدله سرقة عربيات و حوادث