مصر موتورز مجتمع السيارات - خلاص هشترى بس اختار ايه من الاتنيين محتارة افتونى

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: خلاص هشترى بس اختار ايه من الاتنيين محتارة افتونى

بس البيكانتو والاى تن واحد يبقى ازاى البيكانتو احسن مليون مرة اذا كانوا اصلا واحد وانتاج نفس الشركة وليهم نفس الموتور طب احسن فى ايه ايه مميزات البيكانتو وتكون مش موجودة فى الاى تن عشان اقتنع بيها لو قولتلى ميزة فى الببيكانتو مش موجودة فى الاى تن غير قطع الغيار انا هشريها فورا وحكاية الشكل ده طبعا نسبى بالنسبة للشفرليه لانوس قريت تجارب ناس جيباها مش حلوة بالمرة ودور على مميزاتها كده وتجارب الناس اللى اشترتها مش هتلاقى حد مشكر فيها او قليل اللى شكر فيها غير انا منصور شفرليه احسن حاجة عنده الاوبترا مش ملعوب فيها كتير الباقى مش مضمون

رد: خلاص هشترى بس اختار ايه من الاتنيين محتارة افتونى

حضرتك انا مشفتش حد بيعيب علي اللانوس لانها عربية قوية وثايتة علي السرعات العالية علي عكس الفيرنا وتقفيلها كويس وعضمها اقوي ....
اما عن البيكانتو كفاية اني اقولك انها ثابتة واعرف ناس بيمشوا علي 160 كيلو اسبوعيا مرتيين رايح جاي من اسماعيلية للاسكندرية
البيكانتو حمالة اسية وفراملها حلوة وثباتها احسن
وفي الاخر القرار ليكي
وحضرتك طلبتي نصيحة فقلتلك رأيي وربنا شاهد اني بنصح لوجه الله مش بضللك علشان تقولي قولي علي ميزة واحدة وكلام عدم الثقة دا
حضرتك اسألي كويس وربنا يدلك للاحسن
... تحياتي ..،

رد: خلاص هشترى بس اختار ايه من الاتنيين محتارة افتونى

اقتباس:

المشاركة الأصلية كتبت بواسطة MR_SELVESTER (المشاركة 713240)

انت كده طمنتنى عشان مدام البيكانتو كده هتبقى الاى تن زيها عشان الاتنيين واحد اما اللانوس تقصد دايو لانوس ولا شفرليه لانوس عشان فى فرق كبير بين الاتنيين الدايو لانوس عربية ممتازة جدا بس الشفرليه لانوس مش كده ودى تجربة واحد ركب الاتنيين (ص يا سيدي أنا كان معايا دايو لانوس 2004 وركبت شيفروليه لانوس 2011 ، العربيتين مختلفين في شوية حاجات، أولهم التقفيل الدايو أفضل، ثانيا صوت الموتور أعلى شوية عن الدايو مش عارف ليه، ثالثا في قطع غيار صيني دخلت العربية زي طرمبة البنزين وعملت مشاكل في بعض السيارات وتم تبديلها بالكوري، رابعا فيه حاجات مصري في العربية زي الكراسي والفرش والبطارية وشوية خراطين علشان المكون المصري، وأنا لما ركبت الشيفروليه حسيتها مش زي عربيتي خاااااالص منه لله منصور (خربها)

رد: خلاص هشترى بس اختار ايه من الاتنيين محتارة افتونى

الفيرنا والـi10 ما ينفعش يتقارنو مع بعض

مش عشان سعرهم قريب من بعض يبقو زي بعض

لازم تحددي انتي عايزه إيه الأول، ومادام الفلوش مش مشكلة.. يبقى الموضوع هيبقى سهل إن شاء الله

الرابط اللي تحت ده هتلاقي موضوع فيه الأسئلة اللي هتسأليها لنفسك قبل الشرا.. وربنا يوفقك
عايز تشتري عربية ومحتار؟؟؟؟ تعالى أقوللك إزاي تختار

رد: خلاص هشترى بس اختار ايه من الاتنيين محتارة افتونى

اولا
السلام عليكم ورحمة الله وبركاته
انا بصراحة ارشحلك ال kia bicanto 2012
اولا تمنها بيبتدى من السبعينات,وثانيا الصالون اوسع من الهيونداى i10 وعن تجربة انا ركبت العربية دى
بصراحة ممتازة
وانا منتظر رد حضرتك