مصر موتورز مجتمع السيارات - بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

رد: بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

اقسم بالله العظيم انا ما فاهم حاجة
نفسي اساعدك وبالرغم انى بفهم فى اجراءات المرور الا انى مش فاهم اية المشكلة

اية المشكلة انى اخد شهادة بيانات وتضيع .........انا ممكن اخد شهادة بيانات النهردة وبكرة اطلب شهادة بيانات تانى اية المشكلة طالما لى الحق

رخصة منتهية ومعايا توكيل قانونى جدااااااااااا انى اروح المرور بتعها واطلب اتنين شهادة بيانات واحدة للمرور والتانى للشهر العقارى
الموقف الوحيد اللى الموظف ما يرضاش يديلك شهادة بيانات ان الرخصة تكون سارية ........يا راجل دة لو معاك تصريح ولسة شغال منتهاش من حقق تطلب شهادة بيانات

حاول بس تفهمى اية المشكلة تحديدا
يعنى بتروح الاسماعيلية بتطلب شهادة بيانات الموظف بيؤلك الملف مش موجود .......... دة عند اومة يا ادهم انت مش طرف فى المشكلة واطلع على قائد الوحدة لو ما عملكش حاجة اطلب النجدة وانت واقف واطلع على الرقابة الادارية او التفتيش المالى والادارى او قسم الشرطة واعمل محضر ادامك اكتر من حاجة

واوعى تقتنع بكلامهم ان فى شهادة بيانات خرجت من عندهم ولازم يشوفوها

انت فاكر ان الملف بتاع العربية بيمشى كدة من غير رقم صادر ووارد للمرور التانى دة بيكون بخطاب رسمى من قائد الوحدة الى قائد الوحدة فى الاسماعيلية بيطلب فية ملف العربية بالكامل لنقل ملكيتها وبيخرج من عندهم برقم صادر وبيروح للمرور التانى برقم وارد

رد: بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

اقتباس:

المشاركة الأصلية كتبت بواسطة mr_astra (المشاركة 673640)

اولاً شكرا لتعبك معايا في الرد
والموضوع ان العربية مرور الاسماعلية وكان المالك السابق طلع شهادة بيانات للشهر العقاري وشهادة بيانات لمرور حلوان علشان يحولها هناك، وفي الاخر معملش حاجة بشهادة بيانات مرور حلوان، لكنه استخدم معايا شهادة بيانات الشهر العقاري علشان يعمللي توكيل بالبيع والتعامل مع المرور
لما رحت انا مرور الاسماعلية اطلب شهادة بيانات جديدة لمررو عبود وشهادة بيانات للشهر العقاري علشان ابيع لنفسي العربية بالتوكيل الموظف بيقولي العربية دي طلعلها شهادة بيانات قبل كدة ومش لاقيين ملفها، ويقولي خلي المالك القديم يديك شهادة البيانات القديمة، قلتله بس هي ضاعت، يقولي ملناش دعوة، مش هانقدر نعملك شهادة بيانات جديدة.
كدة انا بقى في رأيك اطلع على مرور الاسماعلية واطلب مقابلة مدير الوحدة والا اقدم شكوى والا اعمل محضر، في رأيك ايه الخطوات اللي ممكن اخدها على طول

رد: بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

وبشكر حضرتك مرة تانية على تعبك معايا وباشكر بقية الاعضاء على تعبهم معايا

رد: بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

اقتباس:

كدة انا بقى في رأيك اطلع على مرور الاسماعلية واطلب مقابلة مدير الوحدة والا اقدم شكوى والا اعمل محضر، في رأيك ايه الخطوات اللي ممكن اخدها على طول

بالظبط كدة وانا حاسس ان الملف ضاع من الموظف وعاوز اى شهادة بيانات يعملها ملف جديد او الموظف دة عندة مشكلة فى ملفها

اطلع على قائد الوحدة وقولة ان الموظف مش عاوز يطلعلى شهادات بيانات