المشاركة الأصلية كتبت بواسطة mostafa.ghobara (المشاركة 660085)

الاخ محمد على فكره انا مكنتش مسجل فى المنتدى كنت بتابع الاخبار بس لما قريت كلامك عن اللوجان حبيت اقول كلمه حق : العربيه عندى بقالها شهرين مفيهاش نتشه فى الفتيس الصوت الموتور مش عالى التكييف كان جاى شحنه زياده واتظبط فى التوكيل وبقى ممتاز وعيوب العربيه اللى انا شايفها هيا كالتالى:
1- العفشه ناشفه او الكاوتش سيئ فى حاجه مش مظبوطه
2- خامات التابلوه سيئ جدا وكذلك الاوكر الابواب الداخليه والخارجيه
3 - تقفيل فرش الكراسى غير محترم
4 - صوت هوا داخل السياره مع السرعات العاليه
المميزات :
1- السياره مرتفعه عن الارض
2- ثبات نسبى معقول تبعا لحاله الاسفلت انا جبت بيها 180 وكنت ماسك الدركسيون بايد وبصور بالتانيه
3- استهلاك البنزين مش قليل ومش مرتفع
4-دهان الاكصدمات والاكر البلاستيك ضعيف للغايه.
واخيرا العربيه طبعا لاتقارن بالنيسان و الاوبترا والانترا بس ممكن نقارنها باللانوس والفيرنا
وتقييمى للعربيه 7.5 من 10 طبعا والعربيه بالنسبه لسعرها وباكد على بالنسبه لسعره
وعلى فكره انا معايا ماتريكس وكان معايا اوبل فيكترا ومازدا 6 وهيونداى توسان وركبت كرولا وميتسوبيشى لانسر سوبر اكشن

المشاركة الأصلية كتبت بواسطة pharm45 (المشاركة 658825)

بس لو جيت قارنت مدى تسارع المانيوال والاوتو تقريبا الاوتو تكسب :lvly:

المشاركة الأصلية كتبت بواسطة mostafa.ghobara (المشاركة 660106)

انا عامل بالظبط 5500 كيلو بالعربيه وبعدين انا شفت ان حضرتك من اسكندريه ممكن نتقابل ونشوف اداء العربيتين بالنسبه لبعض

المشاركة الأصلية كتبت بواسطة حسام البورسعيدى (المشاركة 660104)

اسمحلى يا باشا ليا تعليق على الجمله دى ...

تسارع المانيوال دائما اسرع من الاتوماتيك (العادى) ...

وده لان الاتوماتيك بيكون 4 سرعات والمانيوال 5 .. وكمان لأن نقل الحركه فى الاتوماتيك بيكون عن طريق ضغط الزيت (هيدروليك) وده بيكون فيه فقد بسيط فى طاقة الحركه ..بعكس نقل الحركة الميكانيكى (مجموعة الدبرياج) ..

بس المانيوال محتاج سواق محترف علشان يعرف ينقل فى الوقت المناسب وبطريقة سريعة علشان يقدر يحقق اقصى تسارع ....