المشاركة الأصلية كتبت بواسطة ahmedashraf (المشاركة 648877)

إتفرجت على السوبر أكشن إمبارح, نظيفة جدا من الخارج (كان لسه غاسلها) ومن الداخل معقولة بس حستها محتاجة نظافة, حوض الموتور مكنش مغسول وده إداني إنطباع غير جيد (كان المفروض يغسل حوض الموتور عشان كل شئ يبان على نظافة, ولا إيه؟), دارت على طول بس حسيت إن صوت الموتور فيه زنه أو خشونة نوعا ما (إنطباعى عن اللانسر والياباني عموما إنه صوت الموتور ناعم جدا حتى لو مسموع, أنا المازدا 323 عندي كده !!) حاجة كده زي مايكون رلمان بلى خشن أو كده.

بوجه عام .. مشيت وأنا غير متحمس قوي للعربية على الرغم من المواصفات واللون والحالة الخارجية (والداخليه برضه مع الحاجة لحملة نظافة) إللى 10/10.

بالصدفه وأنا مروح إتكعبلت فواحده ثانيه بس كلاسيك مانوال, مش طلبى بس قلت أتفرج عشان أعرف أقارن, صوت الموتور أفضل كتير من السوبر أكشن إللى شفتها, ولاقيته مركب فوجات وشغالة زي إللى على أصلها في السوبر أكشن (مع النور الصغير وليها زرار لوحدها جنب زرار شدة إضاءة العدادات, كنت فاكر ليها مكان مخصوص في دراع النور والإشارات زي عربيات اليومين دول) ودي حاجة عجبتني لأنى كنت عايز يكون فيها فوجات بس تكون شغالة بنفس نظام الفابريكة, وده طلع ممكن.

إن شاء الله هتفرج على الهاف سبورت إنهارده وعلى أمل تكون أحسن من الإثنين إللى فاتو . دعواتكم لي بالتوفيق.

المشاركة الأصلية كتبت بواسطة Elsebily (المشاركة 651387)

أولا انا عاوز اعرف هو ايه المكان اللي فيه لانسر كتير قوي كده للبيع ده انا لو بحلم فيهم مش هيجولي بالكميه دي هههههه.
ثانيا مبروك علي اللوجان عربيه محترمه جدا جدا وعن تجربه انا واحد صاحبي معاه من 2010 ومفتحتش بقها معاه الا في تغيير البطاريه بس لكن غير كده هو مصرفش عليها اي حاجه ربنا يحفظهاله ويحفظهالك ومبروك مقدما علي العربيه بس كنت عاوز استفسر من حضرتك هو ليسه بردو موديل 2012 فيه الاوبشن بتاع فتح الازاز من تحت الكاسيت والكلاكس من الشمال لاني بصراحه الموضوع ده كان مضايقني جدا فيها


بالتوفيق

المشاركة الأصلية كتبت بواسطة SAMER_ENGINES (المشاركة 651460)

ألف ألف مبروك و العربية دى بس البيزيك مش الكاملة مع واحد قريبى بقالها سنة تقريباً و سألته عليها و قال لى زى الفل و الحمد لله بس انا بسأل نفس أسئلة أستاذ Elsebily عن الزجاج الكهرباء و الكلاكس و ربنا يديك خيرها و يكفيك شرها